الرمثا * العربي الاحد 9/3/2014- الحسن 5.00. . (مباشر )
الجزيرة * الشيخ حسين الاحد 9/3/2014- الملك عبد الله 3.00.. (مباشر )
ثم التسجيل :
الحسين * ذات راس الجمعة 7/3/2014 -الحسن- 5.00. ( تسجيل )
منشية بني حسن * الوحدات السبت 8/3/2014- الأمير محمد 5.00. ( تسجيل )
طبعا هذا الكلام صديق لي شاهده في المجلة الرياضية
طيب يا ادارة النادي الكريمة ممكن نعرف ليش التطاول على النادي
على ما اذكر قبل سنة كاملة كانت مباراة الاياب بين الوحدات والرمثا ربع نهائي كاس الاردن وكانت بنفس التوقيت مباراة الفيصلي والبقعة
ليطل علينا الخلايلة ويقول من باب العدالة بنقل المباريات سيتم بث مباراة الفيصلي والبقعة
واين العدالة الان يا خلايلة
الفيصلي جميع مبارياته بث مباشر لماذا ؟
والله الواحد قرف كرة القدم من ورا هالقناة السوداء
يعني لمتى بدنا نظل مدنقين للناس والكل صار يطلع على ظهورنا ويصلو للي بدهم ياه
مش بدهم عدالة ايها اقوى شباب الاردن والصريح ولا الحسين وذات راس
ارجو منك يا عزيزي ان تقرأ مقالي سابقا بعنوان"القناة الرياضية وعدم الحيادية"
قناة فاشلة بكل المقاييس
والله لو في قناة بتبث الدوري غيرهم كان ما حدا تابعهم
اخي الكريم مباراة الفيصلي والبقعة كتنافس اقوى من مباراة الوحدات والمنشية طبعا
بالنسبة الي اتمنى عدم بث اي مباراة للوحدات بس عشان جمهور المارد خارج البلد يقدرو يحضرو مباريات الوحدات مباشر ام غير هيك اتمنى عدم البث
اذا الاتحاد ضدنا شو تتوقع من قناة عدد الموظفين اكثر من عدد المشاهدين
اخي حسن
يعني لمتى رح نظل ساكتين لهاي الشلة
العدالة الفريق اللي ما انبث الو مباراة الاسبوع الماضي لازم ينبثلو بالاسبوع اللي بعديه حتى لو كان بين الاول والاخير والكمباراة الثانية حتى لو كانت بين الثاني والثالث
طيب انت من وجهة نظرك ايها اقوى الحسين وذات راس او الشباب والصريح
العدالة الفريق اللي ما انبث الو مباراة الاسبوع الماضي لازم ينبثلو بالاسبوع اللي بعديه حتى لو كان بين الاول والاخير والكمباراة الثانية حتى لو كانت بين الثاني والثالث
طيب انت من وجهة نظرك ايها اقوى الحسين وذات راس او الشباب والصريح
اخي اذا بنظل ساكتين عمرنا ما بنوخذ حقنا
شوف اخوي البث على حسب مزاج الاخ وقناة ((الحصن )) بتبث على حسب االعدوان او قدري يعني اذا بدك تيجي للصح مباراة تحاد الرمثا والجليل اهم من الوحدات عندهم او يمكن ما يبثو الجليل عشان محسوب على مخيم اربد انسى يا كبير بالناقص والله عنهم وعن القناة مني وعلى ما بحضر غير بالملعب بس انا بزعل على الشباب بخارج البلد
العلم عند الله انه قدري طار او عم يركب اجنحته لحتى يطير او تم تحجيمه والأيام القادمه رح تبين شو صار معه بالضبط
قناة مصرة بكل المقاييس على ممارسه العنصرية وافتعالها ومعامله الفيصلي على انه نادي الوطن والوحدات على انه نادي من دولة ثانية
وبصراحه اكثر ادارتنا فاشله ومش قد المسؤوليه او يمكن اخدوا اللي بدهم اياها و وصلوا للنيابه وما في داعي للشوشرة و ( الحيط الواطي بيعلم الناس النط ) وهذا اللي عم بيصير ، وبتمنى بالمرات الجاي يكون الرئيس شخصيه قويه وما يستغل شهرة الوحدات للوصول لأهدافه الشخصيه .
كل جمهور يرى أن مباراة فريقه هي الأهم، و إن كانت مباراة الغريم و البقعة ذات أهمية لقرب المتنافسين في الترتيب
فمباراة الوحدات و المنشية لا تقل أهمية عنها، و كلاهما سيغيران خارطة الصدارة
السؤال الأهم هنا من هو ذلك الجهبذ الذي يحدد أهمية مباراة دون غيرها، فالفشل الذريع عنوان رئيسي و خلاصة لا بد منها في كل ما تقوم به القناة، فما الذي يمنع إذاً أن تتسم قرارات البث أيضاً بالفشل ؟؟؟