اقتراح : مقاطعة المدرجات حتى رحيل المدرب و الادارة
اقتراح : مقاطعة المدرجات حتى رحيل المدرب و الادارة - اقتراح : مقاطعة المدرجات حتى رحيل المدرب و الادارة - اقتراح : مقاطعة المدرجات حتى رحيل المدرب و الادارة - اقتراح : مقاطعة المدرجات حتى رحيل المدرب و الادارة - اقتراح : مقاطعة المدرجات حتى رحيل المدرب و الادارة
السلام عليكم
انا عندي اقتراح و يا ريت شباب المنتدى يعطوني فرصة مثل غيري اكتب موضوع منفصل و بدون دمج .
طبعا الكل انحرق دمه اليوم و خصوصا الي كانوا تحت الامطار بمدرجات و ظلوا واقفين حوالي ثلاث ساعات قبل و خلال المباراة عشان انشوف اشباه لاعبين والله اليوم الاحساس كان اسوء من مباراتنا المشؤومه مع ناساف انكسار واضح من جمهور المارد خارج الملعب !!
ما هــو الحــــــــــل !!
طبعا تم تجربة الاعتصام و فشل !!
تم الشكوى للاتحاد بخصوص العضوية و فشلنا !!
لو انضل ميت سنة نكتب بالمنتدى ما راح يتغيير اشي,, لانه بصراحة كله كلام بكلام !!
آخر العلاج هو الكي ,, مقاطعة المدرجات و اكثر من القرد الله ما سخط ,, خسارة كأس الاتحاد الاسيوي و من قبلها الدرع ,, تعادل مع الجزيرة و الرمثا و آخرها خسارة من فريق يقدم اسوء مستوى له منذ انطلاقه نحمدلله انه الفيصلي اتعادل مع الجزيرة ولا كان الفارق 7+ .
مقاطعة المدرجات هي اكبر صفعه للادارة و اللاعبين لما يدخلوا المباراة بدون جمهور الي كانوا يتغنوا به و يحسوا بالفعل انهم خسروا شعبيتهم ... و خصوصا امام الفيصلي انا شخصياً ما راح اغامر و احضر مباراة الختام للمرحلة الذهاب امام الفيصلي .
صدقوني يا جماعة هذا هو الحل الوحيد الي بين ايدينا و ارجو بعد كم يوم ما يطلع حدا و يصير يكتب اشعار و يلعب بأحاسيس الجماهير عشان تحضر و انوا احنا مع الوحدات بالفوز و الخسارة .. هذا الكلام بطلع ينفع و بعض اللاعبين و اعضاء الادارة بطلوا بحسوا فينا .. حاب اذكركم بشغله حال الفيصلي ما انعدل الا لما جمهور الغريم قاطع المدرجات لفترة طويله و العدوان عمل المستحيل و اتعاقد مع لاعبين عشان يرضي الجمهور .
وجود الجماهير الوحدات في الملعب بهيك وضع بساهم بطول بقاء الادارة و الجهاز الفني لانهم مستغلين عواطفنا اتجاه الوحدات و بقولوا بانفسهم بكره بنسوا الخسارة !! و بترجع حليمة
يعني انت يا أبو طلال مش ناوي غير انك اتوجع راسك من ورا هالموضوع،،،
هسه بدخل عليك كم جهبذ وبحكولك،، احنا مع الوحدات، واحنا مش جمهور فوز وبس، واحنا مع الرمز،،،
يعني الشعب السوري لمن يتظاهر ضد شخص النظام، بطلعك المنظيرن وبحكولك احنا مع سوريا مهما حصل، واحنا خلف الوطن، يعني بحولوا الأشخاص لرموز،، واحنا هيك،،، شلباية لو رمى علينا بوطو عادي،، بس احنا حرام نهتف لرأفت لمن انشوف أشباه لاعبين،، بالله عليك ارجع للمباراة وشوف سخسخة أبو طعيمة، وحاول تكتشف شو هالنفسية الي فارطة من الضحك والمشجع مولع جمر من جوا ومتلج وميت من بره،،،
المشكله اذا هم اتخلوا عن اسم الوحدات احنا ما بهون النا فيه ,,,,
الجمهور الوحداتي منتمي جدا ...
الله يصلح الحال ...
أخت سماح، الإنتماء يعني اننا نريد الاصلاح ولا يأتي الاصلاح إلا بعد المقاطعة لانه كما تفضل الأخ الكريم، لم يعد أي شيء ينفع معهم إلا دخول الملعب وهو فارغ
اتمنى أن تنفذ هذه الخطوة من المباراة القادمة، وأن تكون على مستوى كبير من خلال التعاون مع صفحات الوحدات على الفيسبوك..يعني مقاطعة شاملة.
بالاحرى إذا جاب هدف واحد من اللاعبين ما يلاقي جمهور يحكيلهم "هس" وإشارات لا داعي لها مثل ما عمل شلباية
اتمنى أن تنفذ هذه الخطوة من المباراة القادمة، وأن تكون على مستوى كبير من خلال التعاون مع صفحات الوحدات على الفيسبوك..يعني مقاطعة شاملة.
بالاحرى إذا جاب هدف واحد من اللاعبين ما يلاقي جمهور يحكيلهم "هس" وإشارات لا داعي لها مثل ما عمل شلباية
هذا الكلام الصحيح
هيك بنعمل اول خطوة صحيحة في الاتجاه الصحيح .. جايينا انتقالات شتوية و لاعبين المنتخب راح يطيروا على الخليج .. يعني اذا ضل الوضع هيك راح ينسم بدننا مع تعاقدات جديدة
الحل الافضل يا ابو طلال هو الضغط على الادارة والجهاز الفني لاشراك الشباب مكان اشباه اللاعبين اعتبارا من مباراة الفيصلي القادمة وعلى الجمهور ان يذهب ليشجع ويدعم هؤلاء الشباب مهما كانت النتائج المهم ان نبني فريقا جديدة اما اذا بقي اصرار الادارة والمدرب على هولاء اشباه اللاعبين فانا مع المقاطعة