سواليف مباراة...... الوحدات و السلط مع ابو صقر الطفران
سواليف مباراة...... الوحدات و السلط مع ابو صقر الطفران - سواليف مباراة...... الوحدات و السلط مع ابو صقر الطفران - سواليف مباراة...... الوحدات و السلط مع ابو صقر الطفران - سواليف مباراة...... الوحدات و السلط مع ابو صقر الطفران - سواليف مباراة...... الوحدات و السلط مع ابو صقر الطفران
.. كيفك ابو صقر .... شو وين راح تحضر المباراة !
•• يا زلمة فك عني بلا صقر بلا خ..... صرت ابو صوص مع هالطفر.
... يا زلمة بكرة الوحدات مع السلط نار من الاخر.
•• يا زلمة راسي مثل النار هم الفواتير وايجار الدار .
.. يا زلمة كلها ساعة ونص بتنسى همومك واذا فاز الوحدات بروح همك وبتفش غلك بالافراح.
•• يا زلمة شكلك مهسهس صدق من الجوع غير اشوف انداي بتنجان ( باذنجان) والعوضات ( واربات) وممكن العرب كرابيج حلب كمان !!! الله يسعدك يا عم انت شباب !!!
... ههه هذا بتقلب مباراة الوحدات سوق خضرا وحلويات !!
•• يا عم سيف انت لسا مو شايل هم ولا ديون بتخليني ما انام ومثل رجائي عايد بصير امشي مثل سلحفاة لما اشوف اللي بده دين مني
اخ يا سيف لما اشوف خمس ليرات بصير طلقة مثل زعترة هالايام .
.. هههه عم هذا استوديو تحليلي جوا دكان يا عم ابو صقر فرفش يا رجل الوحدات مثل الحلويات .
•• عم سيف روح تسهل واسال ابوك اذا معه اكم ليرة نجيب بكيت دخان .
.. عم الحج بده عشر دقايق بروح على الدار وال هذا زي الوقت الضايع اللي بعطوه للغوالي الحكام.
.. ههه عم شو بتشرب شاي ولا قهوة او عصير؟
•• هذا انت عملت مثل خلطات حبيبنا ابو زمع مع معان عم سيفو فنجان قهوة سادة ولا شحطة سكر مثل ضربة جزائهم الوهمية السلط بالذهاب.
.. ابشر عم امانة الله اذا محتاج اشي ثاني معاه.
•• يا عم سيف عصير ابو شلن بعد القهوة كمان معدتي منه صارت مثل النافورة
مخزقة باذن الله شباك السلط تتخزق يا فنان!!!
.. عم سلام غلبتك بكرة بزورك كمان .
•• شو ياسيف وين الليرات ولا صرت زي لجنة العقوبات والاتحاد بتوخذ من الوحدات وبتعطي للهذولاك .
.. ههه مليح اللي ذكرتني خذ يا عم كانوا بالجيبة
•• اسمع يا عم سيف ياريت ابو زمع يبدا بانداي بدل زعترة وفادي عوض يكون اساسي
وياريت خالد عصام يكون اساسي بديل لزريق وصدقا عبد الستار في المباريات الحساسة افضل من فاخوري.
بتعرف سيف برغم الطفر والقهر واحيانا بلا عشاء بنام . ولكن الوحدات هو فشة غلي وغذائي وراحة بال على الاقل بنسى همومي ولو لساعات يا سيف انا بكرة معطل ومكنبز كدام التلفزيون من الظهر يا عم.
•• هههه هذا طلعت محلل وناقد رياضي عم.
سلام يا عم ابو صقر وانتماء مثل هيك لا خوف على الوحدات معاه بالفوز والخسارة ومهما كان يكفينا فخر اننا نادي ثقافي اجتماعي رياضي .
وباذن الله فوز على السلط .
بمناسبة وين بدك تحضر المباراة كنت مفكر أحضر من فوق التلة مثل والناس لكن خبروني انهم حاطين 3000 شرطي ليراقبوا ال 900 مشجع سلطي ويمنعوا التواجد على التلة
بمناسبة وين بدك تحضر المباراة كنت مفكر أحضر من فوق التلة مثل والناس لكن خبروني انهم حاطين 3000 شرطي ليراقبوا ال 900 مشجع سلطي ويمنعوا التواجد على التلة