بسم الله الرحمن الرحيم
السلام عليكم ورحمة الله وبركاته
كلنا عرفنا أنه الوحدات وحمزة انتها موضوعهم بالتراضي،،يلا الحمدلله
بالنسبه للناس الزعلانه أو اللي بتلوم الإدارة حقكم انكم تزعلوا بس تعالو نحسبها صح :
اولا
اللي بنسمعه أنه ظروف حمزة العائليه صعبه إنه والده مريض وما في اغلى من الوالدين اذن حقك يا حمزة انك تفسخ عقدك،،من أنه سبب مش مقنع بالمرة..
ثانيا
بعد المسافه بين الرمثا وعمان هاي حكي فاضي م انت يا حمزة عقدك يتضمن كل شي من مواصلات وسكن،،،حجه فاشله
ثالثا
تزعلوش لولا الوحدات انت يا حمزة عمرك ما حملت كأس غير كاس مي تشربه اذن دير بالك تنكر فضل الوحدات عليك وع سعيد،،،واتوقع بعد الوحدات عمرك ما ح تحمل كاس..احنا اللي فرحناك وهاد اشي انت اعترفت فيه ع شاشة التلفزيون الاردني (مش حلو الواحد يختم وما عنده دوري )بتتذكروا..
#احنا الوحدات انتوا مين ؟؟؟
رابعا
وحياة ربك يا حمزة الوحدات وفئاته حيطلعوا بدل المهاجم عشرة وحيكونوا أساسين بالمنتخب،،بهاء فيصل اكبر مثال مهاجم المنتخب الوحيد والحبل ع الجرار،
خامسا
حسن عبدالفتاح و رأفت علي وعبدالله ذيب وأبو عمارة ووووو كلهم طلعوا من الوحدات وبعدهم الوحدات اخد بطولات وهمه كانوا بهداك الوقت أساس الفريق،
طيب نفرض أنه ديارا مقابل حمزة :-
مين الكسبان ؟؟اكيد احنا ليش ؟عبدالله صغير وموقع سنتين ولاعب فخم ح يخدمنا واحنا بصراحه بحاجته بس يا ادارة حافظي عليه وحاولوا معه السنه الجاي تمديد عقده،،،حمزة اول ع اخر الموسم الجاي ح ينتهي عقده وح يرجع ع الرمثا لانه ابنهم مش ابنا صح ؟؟ ونهايته عندهم،،
ملاحظه
احمد سمير و العرب الجوابرة عقودهم سنويه يعني بعد الموسم الجاي ح يروحوا مش نقعد نلطم عليهم،،اللي بروح بالناقص منه لأنه الوحدات ماكنة تفريخ نجوم..
ف بالنهاية الله معك حمزة بالناقص منك ومن لفلوس اللي بدنا ناخدها من وراك ياخد مكانك ابن النادي اولى وانظف،،
الف حمد وشكر لله ع نعمة الوحدات وفضله كبير عليكم يا أشباه اللاعبين،،
انا بحكي صح وانتوا معي والا بخبص
نعم للتوازن بين أبناء النادي و لاعبينا المحليين و المحترفين
و ننتظر جيل قوي يخرج من فئاتنا مثل جيل حسن و عامر و شلباية و عبدالله ذيب و باسم فتحي و الدميري
جميعهم أبناء جيل واحد
نتمنى ان يتكرر هذا الجيل و الوحدات قادر بأذن الله
حمزة الدردور
