اللاعبين ام اليعقوبي - اللاعبين ام اليعقوبي - اللاعبين ام اليعقوبي - اللاعبين ام اليعقوبي - اللاعبين ام اليعقوبي
يا اخوان اليعقوبي يتحمل جزء من الخسارة بالتشكيلة والتبديلات ولكن بالله عليكم انا تقدمت على الكويت
0-2 وعالسلط 0-1 ولما دفاعنا في المباراتين هدايا ركلتين جزاء وفي المبارتين دفاع ما قام بأقل واجباته بالتغطية واي هجمة خطيرة وحارس متعاجز ينط او يقفز
وللعلم في ركلة جزاء للسلط ما انحسبت .......والرواشدة اللي طوله 150 سم عطل كل الهجمات وشال جولين غير العرضيات وسجل جول ملغي.......وبعد الدقيقة 80 اللاعبين بتكزدرو اعطوني لاعب اليوم كان في يومه ولا واحد ولا فرصة ولا اشي وبالاخير اليعقوبي هو السبب ؟؟؟؟؟؟ لما الدردور بضيع والمرمى قدامه وثلجي ورجائي
حتى رجائي وصالح كانو ما الهم دخل .......وين الكرات وين الوان تو.....
اليعقوبي استلمنا بالذهاب واقعين واصابات وغيابات 6 مباريات فاز ب5 خسر من الجزيرة ظلم واضطر يلعب 17 و18 سنة
يا فراس والله حكينا انه اليعقوبي خبص كثير بالتشكيلة والتبديلات ....بس وين روح الفريق وين الاصرار وين القوة والعزيمة والجدية اعطيني لاعب في المباراة لعب عشان الكلر وعشان الجماهير حتى تعادل على ارضنا مش قادرين ومن مين السلط وافد جديد . ..هسا اسامة قاسم صار مورينيو او جوارديولا طيب ليش اسامة قاسم ما عمرو درب اي فريق من فرق الصدارة وما انشهر الا عشان فاز عالوحدات ذهاب واياب ........هل السلط عندو لاعبين افضل من الوحدات ولا واحد منتخب كلهم لمم من الفرق بس اللاعبين تاعيين السلط هم اللي بدهم يفوزو وكل واحد قام بواجبه ...
يا جماعة الخير زين الدين زيدان ما اله دخل في التدريب وما اله سجل تدريبي مع اي فريق وفارق كبير على مستوى الاسامي اللي دربت قبل زيدان وبعدو وما نجحو مثل انشيلوتي وبينيتيز ولوبيتيجي ..........السبب بسيط انه لاعبين الريال مع زيدان لعبو للجماهير ولاسم الكلر ولا زيدان تخبيص بتخبيص تخيل مع مدرب متدرب 3 دوري ابطال ومش عارف كانه مرة دوري .......المقصود لما اللاعب مش قادر يؤدي ابجديات الكرة ويكون سبب في تسجيل اهداف عليك او عدم تسجيل اهداف سهلة هون المدرب بنعفيه من المسؤولية .........مقارنات بسيطة كم كرة صد تامر صالح مقابل كم كرة صد وابدع الشطناوي
الهدف الاول القرشي مش عارف يرفع رجله ويطلع كرة سهلة والحارس بتفرج على تسديدة عادية ......وركلة الجزاء المدافع تعب من المراقبة فعرقل اللاعب وتسديدة ركلة الجزاء اول مرة بشوف حارس بسهل المهمة للاعب المنفذ وبرمي حاله قبل ما تتنفذ ....وفي ركلة حرة مباشرة للزعبي بتفرج عليها حارسنا لو كانت اقرب كان جول ما كلخف حاله حتى لو قدام الكاميرات ينط .......ولما انفراد لثلجي بتطيرها بالهوا ولما رأسية للدردور كرة سهلة بتحطلي اياها برة ........ المدرب 50% واللاعبين 50% حتى رجائي وصالح كانو سيئين لاول مرة .....الياس اسم الله حتى عبيدة ........مش عارف مين في لاعب احكي انه أدى كويس ولا واحد
الدوري مازال في المتناول - الدوري مازال في المتناول - الدوري مازال في المتناول - الدوري مازال في المتناول - الدوري مازال في المتناول
صدقوني انه لسة الدوري في المتناول الفارق 5 او 6 او 7 مع فرق المقدمة ......وراح تتعثر فرق المقدمة لا تخاف وراح يتعثرو من فرق القاع اللي راح تحارب من شبح الهبوط بس السؤال احنا بنضمن انه لاعبينا يفوزو
وجهة نظري اللاعبين ممتازين باستثناء المحترفين والمدرب ممتاز
ولكن نحن غير موفقين بالمحترفين ....في اخ في المنتدى قال لو بدون محترفي افضل وانا بأيدو..صدقا مستوى لعيبتنا افضل بكتير من اي محترف...بس احنا زي المثل الي بيقول مع القوم يا شقره... جابو محترفين بنجيب ....
يا اخي حتى لو اليعقوبي غلط وين حرارة اللاعبين وين غيرتهم على اسم النادي
صدقا يااخي لعند الدقيقة ٣٠ حرارة اللا عبين موجودة....لكن لما يجيك واحد يضيع جهد الفريق كامل بخطأ او تسبب بضربة جزاء مرتين ....دمر الفريق كامل...لو دفاعنا قوي.في كلام اخر....عندنا قوة بالهجوم والوسط افضل من الفرق الاخرى....
لاعبينا للاسف غير مؤهلين ان يكونوا بالوحدات ويمثلوا الوحدات من الاصل وجميعهم طنطات بلا استثناء
حارسنا التامر ما شاء الله عنه اكبر طنط موجود للاسف ويوم امس حضرت مباراة لعامر شفيع مع فريق فيحاء السعودي ما شاء الله عنه حوت فعلاً فقلت اخ على هيك اداره فرطت فيه والله لا يخلف عليهم
لاعبين الدفاع يحتاجون رضاعات افضل لهم وارجيله على المساء فهم يلعبون ليس للوحدات وانما ضد الوحدات
لاعبين الوسط زفت والحمد لله
الهجوم عقيم
جميعهم كوم والمحترفين كوم اخر يا ناس مشان الله مين الي بجيب هاي الاشكال واليعقوبي كيف بوافق عليهم
واخر شيء مدربنا فاشل بالعلامه الكامله واثبت فشله للاسف
يجب اعادة ابو زمع اذا اردنا ان يكون لدينا وحدات قوي وهذه السنه على الفاضي راحت علينا صدقوني .
يجب الاعتماد على سن 21 افضل وشوفوا الرمثا رغم انه خسر ولكن قدم لنا لاعبين صغار السن سيكونوا نجوم في اخر الدوري ولهم شأن في العام القادم .
أتوقع ان اليعقوبي يتحمل كافة المسؤليه لانه يعرف انه محدود الإمكانيات ولايفقه شيء بالتدريب لانه حافظ مش فاهم قراء عن نادي الوحدات في المضي صاحب هجوم هادر وأعلى معدل فرص مش بالاردن بل بالوطن العربي قال ببساطه اعود للهجوم فقط لكنه نسي انه كان سابقا الوحدات عندما يهاجم كان عنده حارس بنصف الفريق او حتى اكثر كان عنده مدافع يسمى يوسف العموري او لاعب مثل رافت علي اصحى يا يعقوبي عندك ادهم القرشي والباشا ومدافع لا يجيد سوى التسبب بركلات الجزاء الوحدات اليوم غير نحن بحاجة ان ندافع عن الحارس المهزوز او ندافع عن خط دفاع لا يستطيع تشتيت كره بدون ضغط اسم الله عليه خايف المدافع
اذا عدنا للتاريخ سنتذكر كيف خسرنا مع الجزيرة 3:0
من اجل الاطاحة بالمدرب
.
لاعبونا هم عبارة عن دمي بايدي بعض الادارة...العب بلعب...اخسر يعني تقاعس...عشان يتجدد عقدك
.
الفساد يتغلغل بالاداره حتى النخاع
.
لن تقوم قائمة للوحدات حتى تتغير الوجوه والاسماء