عشان ما تزعلو يا جماهيرنا الحبيبة - عشان ما تزعلو يا جماهيرنا الحبيبة - عشان ما تزعلو يا جماهيرنا الحبيبة - عشان ما تزعلو يا جماهيرنا الحبيبة - عشان ما تزعلو يا جماهيرنا الحبيبة
بسم الله الرحمن الرحيم
أنا ما بدي أخرج بالموضوع عن جانبه الرياضي بس الرياضة فوز و خسارة و هذا الأمر متعلق بالمشاعر بين فرح و حزن
و انا موضوعي متعلق بالمشاعر و انه الواحد مش لازم يترك نتائج المباريات تلعب بمشاعره كيفما شاءت
يعني بتقدروا تعتبروا الموضوع تسلية لكل واحد مقهور عالنادي
الموضوع عن الرضا بالقدر بشكل عام و عن معاناة الوحدات بشكل خاص
يا اخوان هاي دنيا و الها قوانينها و سننها اللي ربنا قدرها
و كل اشي في الدنيا بصير و بوقع اراده ربنا و قدر ان يصير و لولا ارادة ربنا ما صار
مش معناته لما ربنا يسمح بوقوع اشي انه رضيه بس قدره و شاءه و سمح بوقوعه
يعني لما واحد يكون عنده نية لقتل واحد و ربنا سمح بهذا الحدث و حدث القتل فعشان يأثم القاتل أما بالنسبة للقتيل ممكن يكون الأمر تكفير أو رفع درجات أو جزاء و عقوبة
يعني ربنا لو بده يمنع كل اشي انه يصير بطل في حكمة من الدنيا و الابتلاء و بطل في سبب للثواب و العقاب و الجنة و النار
ربنا من خلال الدنيا و من خلال الفتن بوصل الناس لترجمة نواياهم الى أفعال و الفتن دورها تجعل السرائر ظاهرة و علانية
يعني تخيل واحد عنده نيه مبيتة و مقصودة لأمر سوء و متمسك فيها و ربنا دايما يمنعه يسويها و بسبب ربنا هذا الأمر ما وقع
هل هذا الانسان اللي ما عمل هذا الاشي لأن ربنا ما سمحلو بدو يكون من أهل الجنة مثلا أو هو انسان بريىء لأنه ما صحلو يعمل هذا الاشي مع انه ناويه
و دايما مشيئة ربنا متعلقة بالحكمة المطلقة
يعني اتأكد انه كل فعل و كل قدر صغير و لا كبير ربنا اله من وراه حكمة
يعني الدنيا دار ابتلاء و دار عمل مش دار جزاء
و عطاء ربنا في الدنيا " ابتلاء " و حرمانه " دواء "
و من المفاهيم الخاطئة انه في ناس كثير اذا شافت واحد ربنا معطيه بصيروا يحكوا هذا فلان ربنا منعم و تفضل عليه يعني لسان حالهم بقول ربنا راضي عنه !
( كلا .......
فلا اكرام الله و نعمه على الانسان تكريم منه له و لا قدره لرزق انسان ( التضييق عليه ) اهانة له
فالدنيا دار ابتلاء مش دار جزاء و بالتالي الأحداث اللي بتوقع فيها ابتلاءات و كل واحد بحظى بحظ معين أو مكان معين فهذا مش جزاء اله بل ابتلاء
هذا حال الدنيا بشكل عام
سأل علي بن أب طالب عن الدنيا فقال
((( صف لنا الدنيا
فقال: ما أصف من دار أولها عناء وآخرها فناء
حلالها حساب وحرامها عقاب
من استغنى فيها فتن ومن افتقر فيها حزن )))
اللي بدي أوصلكم اياه و قبل ما أكمل
لا اللي فيه الفيصلي خير و لا اللي فيه الوحدات شر
و لا اللي فيه الفيصلي دليل رضا ربنا و محبته و لا اللي فيه الوحدات دليل سخط ربنا
لا اللي في الفيصلي حسن حظ و لا اللي فيه الوحدات سوء حظ
الله أعلم يمكن يكون العكس تماما
و الابتلاءات دليل محبة ربنا
و في الحديث ( ان الله اذا أحب قوما ابتلاهم .....
و أهلنا و اخواننا في فلسطين من المبتلين و كمان في الشام و غيرها بس فلسطين الهم في الابتلاء عقود
اليهود طول عمرهم شايفين حالهم شعب الله المختار و انه هم البني ادمين و غيرهم حيوانات و خدم الهم
و هي ربنا مكنهم انهم يحكموا العالم مع انهم قلة بالنسبة لغيرهم
و غلطان اللي بفكر انه اليهود وصلوا للشغلة هاي لحالهم و بذكائهم
شوفوا كيف ربنا اعطاهم اللي بدهم اياه
طيب هل معناه هذا الحكي انه ربنا راضي عنهم ؟
لأ ربنا قدر هذا الحكي فتنة و ابتلاء عشان يزيدهم اثم و عشان يبتلي غيرهم فيهم
و الدنيا ربنا بعطيها للي راضي عنه و للي مش راضي عنه
اعطاها لسيدنا سليمان و لذو القرنين و هم من أولياءه و أعطاها للنمرود و فرعون و قارون و غيرهم و هم من أعداءه
نرجع لموضوعنا
يا اخوان في الدنيا ربنا بعطي كل واحد على هوى نيته بس بعد ما يبينله شو الصح و شو الغلط
ممكن كثير تسعى انت لأمر معين و ربنا يخرب هذا الأمر عليك لمصلحتك ما بده اياك تعمله بس بالنهاية و لما تظل مصر ربنا بتركك تعمل اللي بدك اياه
خصوصا لما تدعيه و تطلب منه و تلح عليه
ممكن ما يستجيبلك عشان هو أدرى بمصلحتك
بس بعد كل هذا الحكي و بعد ما يبينلك شو اللي مقدم عليه و يوعيك بعطيك اللي بدك اياه
و هذا للمسلم و للكافر
ربنا بعطيك اللي بدك اياه بالنهاية
يعني في ناس كثير اللي هم فيه الآن هو اشي بحلموا فيه من زمان و نفسهم فيه و ربنا اعطاهم الي بنفسهم
في ناس هم من خاصة ربنا الهم استثناء عن هذا الأمر يعني ربنا مش بس بمنعهم من الحرام لأ كمان يجتبيهم ( يخلصهم من العادات السيئة و يستبدلها بحسنة )
و قال تعالى عن يوسف لما ربنا صرف عنه الفحشاء
( كَذَلِكَ لِنَصْرِفَ عَنْهُ السُّوءَ وَالْفَحْشَاءَ إِنَّهُ مِنْ عِبَادِنَا الْمُخْلَصِينَ (24)
يعني عباده ربنا المخلصين ربنا ما بسمحلهم يوقعوا بالفحشاء
جعلنا الله و اياكم منهم
و في الحديث ( انما الأعمال بالنيات و انما لكل امرىء ما نوى .... )
و في النهاية
الفيصلي يا اخواني طول عمرهم شايفين حالهم زعماء و شايفين حالهم أحسن من غيرهم
و هي ربنا بحكيلهم صيروا زعماء ....
أعطاهم اللي بدهم اياه
صحيح انه الفيصلي امتلك أسباب التفوق فنيا
بس هذا اشي وفقهم ربنا اله
ربنا وفقهم في اختيار المدرب و اختيار المحترفين عشان يوصلهم للي وصلوله
كمان ربنا وفقهم في انه باقي الفرق مش عارفة تسجل فيهم يعني ربنا أرادلهم يفوزوا
و بكرة اذا اخذوا البطولة رح تشوفوا كيف كل وعاء بما فيه ينضح و كيف انه كل شيىء في القلب رح يطلع
يعني اللي وصلوله كمان فتنة و ابتلاء من ربنا و شو رح يسووا و شو رح يحكوا لما وصلوا للي وصلوله
و رح يبين مين في صف مين و مين متحيز لمين
و الفتن زي ما حكيت هي من قدرة ربنا و مهمتها جعل السرائر ظاهرة و علانية
فالخلاصة
دايما خلي صدرك رحب لكل اشي أراده ربنا و قول قدر الله و ما شاء فعل
و اعرف انه ربنا اله حكمة من وراء كل اشي
و كمان انت مش دايما لازم تتبين هاي الحكمة
ارضى و اصبر و أسلم لله
السلام عليكم. . مشكور على جهدك ووقتك. . هاي المره انا ما فهمت شي ! كأنه مواساة بالموضوع؟ يعني فريق اجتهد وحالفه التوفيق .. وين المشكلة؟ احنا كوحداتيه شو مشكلتنا بهالحكي. . بالعكس .. منقلهم مبروك .. وبذات الوقت هو حافز للاعبين والجماهير ... النقطه المقلقه بالنسبة لي ألا وهي انتماء لاعبينا للنادي .. الحب والعطاء . الروح .. منذ موسمين أو أكثر روح الوحدات غائبة وهذه مشكلة. . نتمنى بوجود الكابتن جمال محمود أن يتم التغلب عليها. . الوحدات ما يهاب
السلام عليكم. . مشكور على جهدك ووقتك. . هاي المره انا ما فهمت شي ! كأنه مواساة بالموضوع؟ يعني فريق اجتهد وحالفه التوفيق .. وين المشكلة؟ احنا كوحداتيه شو مشكلتنا بهالحكي. . بالعكس .. منقلهم مبروك .. وبذات الوقت هو حافز للاعبين والجماهير ... النقطه المقلقه بالنسبة لي ألا وهي انتماء لاعبينا للنادي .. الحب والعطاء . الروح .. منذ موسمين أو أكثر روح الوحدات غائبة وهذه مشكلة. . نتمنى بوجود الكابتن جمال محمود أن يتم التغلب عليها. . الوحدات ما يهاب
و عليكم السلام
كمان مرة للتوضيح أنا كتبت الموضوع لسببين
الأول شعور الكثيرين بالاستياء من كون الوحدات لم يلبي الطموح
و الثاني شعور الكثرين بالاندهاش مما وصل اليه الفيصلي
و الموضوع زي ما حكيت هو عن لرضا بالقضاء و القدر بشكل عام و عن معاناة الوحدات بشكل خاص
انت يا خوي شكلك ما قرأت الموضوع كامل و الغريب رغم انك بتحكي ما فهمت اشي بتناقشني فيه كيف يعني ما فهمت و بتناقش بنفس الوقت يعني الطبيعي انك تسأل اذا ما فهمت
خلاصة الحديث القناعة كنز لا يفنى
ومن راقب الناس مات هما
وهناك فرق بين النصيحة والفضيحة
وبين التوجيه والوصاية
فحياة الناس لم تدون باسمك لتخبرهم كيف يعيشون
فكم هم ثقلاء اولئك الذين يزعجونك فيما لا يعنيهم
مجاهدة النفس على التحرر من التدخل بشؤون الآخرين متعبة في البداية لكنها مريحة بالنهاية
حاول....!
السلام عليكم. . مشكور على جهدك ووقتك. . هاي المره انا ما فهمت شي ! كأنه مواساة بالموضوع؟ يعني فريق اجتهد وحالفه التوفيق .. وين المشكلة؟ احنا كوحداتيه شو مشكلتنا بهالحكي. . بالعكس .. منقلهم مبروك .. وبذات الوقت هو حافز للاعبين والجماهير ... النقطه المقلقه بالنسبة لي ألا وهي انتماء لاعبينا للنادي .. الحب والعطاء . الروح .. منذ موسمين أو أكثر روح الوحدات غائبة وهذه مشكلة. . نتمنى بوجود الكابتن جمال محمود أن يتم التغلب عليها. . الوحدات ما يهاب
زمن الولاء والانتماء ولا من زمان العص هذا عصر المال وما في حل غير الدراهم التي هي كالبراهم تشفي الجروح، لازم يكون على رأس النادي واحد بيفهم فطبول احترافي مش تاجر أو سياسي يجب تحويل رئاسة النادي إلى شرفية فقط ويكون هناك أيضاً رئيس مهني فطبولجي فهمان مثقف يعاونه مساعدين فطبولجية والابتعاد عن سياسة الفزعة والمحسوبية والشحدة من الاتحاد
هذا رأي في الوحدات وكل الرياضة في الأردن
كمان مرة للتوضيح أنا كتبت الموضوع لسببين
الأول شعور الكثيرين بالاستياء من كون الوحدات لم يلبي الطموح
و الثاني شعور الكثرين بالاندهاش مما وصل اليه الفيصلي
و الموضوع زي ما حكيت هو عن لرضا بالقضاء و القدر بشكل عام و عن معاناة الوحدات بشكل خاص
انت يا خوي شكلك ما قرأت الموضوع كامل و الغريب رغم انك بتحكي ما فهمت اشي بتناقشني فيه كيف يعني ما فهمت و بتناقش بنفس الوقت يعني الطبيعي انك تسأل اذا ما فهمت
الله يهديك قاعد بتحكي باسم الوحداتي كلهم
انا كاتب الموضوع عشان الوحداتية
الله يعطيك العافية. . انا قرأت الموضوع كامل .. و معاي شهادة من سادس ب ناجح بتقدير جيد .. وصار لي قريب الخمسين سنه وحداني مر .. و إذا واحد كان ماشي و وقعت عليه حيطه. . هدا اسمه قضاء وقدر .. عالعموم في حكمه بتحكيم ولا تبخسوا الناس حقهم. . ويبدو بأنه ثقة البعض بالوحدات و روح الوحدات مهزوزه. . ولما انا حكيت مبروك عليهم وحضرتك نسخت و ما كملت .. مشكور تجشمك عناء الرد أخي الكريم. . يعرف الرجال بالحق ولا يعرف الحق بالرجال
كلنا بنتذكر مقولة المغرور زياد شلباية لما حكى من هون لعشر سنين الوحدات رح يظل مسيطر عالساحة طبعا يا اخي كون عقلاني ومنطقي واحترم باقي الفرق التي لا تقل عنك مستوى خلاصة كلامي الغرور بقتل