أسباب التفوق عند الغريمين بشكل عام و مؤخرا بشكل خاص و الحلول
أسباب التفوق عند الغريمين بشكل عام و مؤخرا بشكل خاص و الحلول - أسباب التفوق عند الغريمين بشكل عام و مؤخرا بشكل خاص و الحلول - أسباب التفوق عند الغريمين بشكل عام و مؤخرا بشكل خاص و الحلول - أسباب التفوق عند الغريمين بشكل عام و مؤخرا بشكل خاص و الحلول - أسباب التفوق عند الغريمين بشكل عام و مؤخرا بشكل خاص و الحلول
البعض لا يزال لا يريد الاعتراف بأن فريق الفيصلي مؤخرا فريق يستحق الاشادة
الاشادة التي هي سمة من سمة جماهيرنا اللي دايما بتقول الحق و لو على نفسها في حين أنه بالعكس غيرنا صعب جدا يحكي كلمة حق الا اذا كانت اله مش عليه
انا عارف انه في ناس ممكن تزعل مني بس هذا احنا جمهور الوحدات بنحكي كلمة الحق
يعني اخر بطولة النا و مع انه الفريق " واقع " تصدرنا المجموعة و تأهلنا للدور الثاني و صح خسرنا ذهابا و لكننا فزنا بالاياب رغم اختلاف النتائج و هذا اشي طبيعي في كرة القدم يعني يوفنتوس خسر من الريال بأربعة
و مع هيك صعب جدا اذا مش مستحيل تلاقي حدا منهم أشاد بالوحدات
و مع انهم حريصين على اننا نخسر و لكن بس نخسر بصيروا يحكوا فضحتونا
المهم
نرجع لموضوعنا
حقا مستحيل تكون لعبة حظ انك تفوز على ثلاث فرق كبيرة أنا متأكد انه معظمنا كان متوقع انها كلها هي اللي تفوز على الفيصلي
دائما و منذ القدم فان هناك أشياء تميز الفيصلي أمام الوحدات و أشياء تميز الوحدات أمام الفيصلي
اللعب الرجولي و شخصية اللاعب داخل الملعب و شخصية الفريق ككل بالنسبة للفيصلي
ما حدا يستطيع ينكر هاي النقط الضرورية جدا
و اللي الها تأثير كبير في كرة القدم يعني اللاعب مهما كان مستواه لو كان خايف و مرتبك لو انفرد و الجول فاضي ممكن يحط الكرة برة
و شخصية الفريق بتفرض نفسها و بتأثر فنيا في الملعب
ممكن حدا يحكي شو السبب في كونهم متميزين بهاي النقطة على الدوام رغم اختلاف الأسماء
أنا برأيي لأنهم بلعبوا على أساس انهم نادي وطن أو هيك فريق الفيصلي بكل مكوناته شايف انه بكون
فصارت هاي الميزة مصاحبة للفريق
يعني لو نيجي نحسبها نفسيا يعني حتى لو أجاهم لاعب جديد بغض النظر من برا و لا من جوة رح يتأثر بهاي النقطة و راح تنعكس عليه شخصية الفريق
طبعا في أمور مساعدة بتأيد هذا الحكي و بتعززه من ضمنها انحياز كثير من الجهات لهذا الفريق
هاي النقطة حبيت أوضحها عشان ما نظلم لعيبتنا لما نحكم عليهم انهم أقل من هاي الناحية
سبب آخر
الدفاع و الحارس
الدفاع في نظري من أهم مراكز الفريق و للأمانة الفيصلي دايما أفضل في الدفاع
انت لما يكون دفاعك جيد حتى لو ما لعبت ما راح تخسر و راح تضلك متمسك بفرصك بالفوز لآخر دقيقة
في المقابل انت مهما كان فريقك قوي هجوميا و كان دفاعك سيىء و حارسك سيئين فدفاعك رح يضيع مجهود فريقك
و على العكس دفاع الوحدات و الحراس لطالما ضيعوا مجهود الفريق
و لما نحكي دفاع بنحكي عن خط الدفاع خصوصا و عن خطة دفاع الفريق في حال رجوعه عموما
يعني انا لو شاركت ببطولة خارجية و كنت متميز دفاعيا فساعتها زي ما حكيت حتى لو ما لعبت ما رح أخسر
طبعا هجوميا الوحدات بدون مبالغة من أكثر فرق العالم اضاعة للفرص و هذا الحكي سمة دائما مهما تغيرت الاسماء و هاي النقطة عيب و ميزة في نفس الوقت عيب في الفشل في التهديف و ميزة تظهر الأداء الهجومي و كثرة خلق الفرص
أيضا افتقار الوحدات للهداف و اللمسة الأخيرة دايما مسألة معاناة بالنسبة للوحدات
الوحدات على الدوام بتفوق على الفيصلي بالاستحواذ و باللعب و بالفرص
و أكبر دليل على هذا الحكي مبارياتنا الأخيرة و اللي وصفت فريقنا فيها انه واقع و رغم كون فريقهم على أحسن حال كنا ماسكين اللعب طول المباراة كالعادة
أما بخصوص تفوق الفيصلي مؤخرا فهذا أمر الله أعلم سببه و عليه علامات استفهام كثير
يعني تحول الفيصلي في الموسم الأخير من فريق ممكن يفوز عليه أي فريق و صعب يضمن يفوز على أي فريق بالدوري لفريق بهذا المستوى حكاية عجيبة و غريبة
و استغرب عدم طرح هذا الموضوع مع انه مثير للاهتمام
القصة بلشت من فوزهم على شباب الأردن بخماسية
شو اللي صار للفريق و شو هالتحول !!
ماشي المدرب و لوكاس و أكرم الهم دور بس الفريق كله تغير و اللعيبة تغيرت
هل انه صار في دعم مادي ساهم في هذا الأمر الله أعلم
المحترفين
الوحدات لا يحسن استقدام المحترفين
باختصار المحترف لازم يكون أفضل مستوى من اللعب المحلي و لازم يعطي اضافة للفريق و يكون مؤثر و لا لليش هو
و لاحظوا تفوق الفيصلي في هاي النقطة
نقطة أخير بدي أحكيها لمصلحة الوحدات و هي أنه النادي بتفوق في مسألة كون النادي مصنع لاعبين و نلاحظ تفوق الفريق في مسألة الفئات العمرية وأيضا تصدير اللاعبين لباقي الأندية
و لو نظرنا الى الفيصلي الآن قلة منهم أبناء النادي
رسالة بوجهها لادارة الوحدات من أجل فريق قوي منافس في قادم الأيام
1
الوحدات دائما بنقصه هداف فلما بدك تجيب جيب هداف بمعنى الكلمة جيب و ادفع و رح تلاقي ثمرة هذا الحكي مش تجيب مشروع هداف
و لا تخاف الفريق من أكثر فرق العالم صناعة للفرص
جيب هداف و شوف الفرق
و تذكروا لما جبنا علاء ابراهيم و هي من المرات القليلة اللي الي الوحدات بجيب فيها مهاجم بمعنى الكلمة
أنا بتذكر انه هذاك الموسم أنهيناه بتقريبا 17 نقطة عن الفيصلي
2
أوجد بديلا لرأفت علي المهم بدك صانع أهداف على مستوى عالي و هذا الأمر افتقده الوحدات
و أنا بفضل انه يكون ابن النادي يعني لازم التركيز من خلال الفئات العمرية على لاعب كهذا و متابعته
3
ابحث عن لاعب يستطيع التسجيل من الكرات الثابتة
في فرق كثير ما بتم حسم مباراتها الا من خلال الكرات الثابتة و حتى لو ما لعب الفريق ممكن يفوز من خلال الكرات الثابتة فالكرات الثابتة الها تأثير كبير
و أنا طول عمري شايف الوحدات بفتقد لهاي النقطة و اذا أجا معنا لعيب من هالنوع ما بستمروا
و من الأشياء اللي بنتقدها تنفيذ الوحدات للركنيات على مدى تاريخ هذا الفريق شوفوا فرق العالم قديش بتجيب أهداف من الركنيات و شوفوا الوحدات قديش بجيب منها
لازم يكون في تركيز عليها ياما فرق فازت من الركنيات
و بدي أعطي مثال بسيط على الأخطاء الفادحة من جهة و على استغلالها من جهة أخرى
في المبارة اللي خسرنا فيها اثنين واحد في اياب الدوري
لعيبتنا بأخطاءهم ساهموا في هاي الخسارة
يعني لولا بهاء فيصل صد الكرة بهاي الطريقة و لولا تضييع احمد هشام الكرة يهاي الطريقة لما كان الهدف الأول و الثاني
بس للأمانة مش هذا وحده السبب
بل حسن استغلال هاي الفرص يعني لكان ممكن اللاعب يضيع بس أحسن التنفيذ
و كمان الهدف الثاني في حسن استغلال سواء من خلال الرفعة النموذجية او ضربة الرأس النموذجية في ظل خط شفيع بعدم تقدمه لامساك الكرة
و شوفوا دور معتز ياسين و شوفوا كيف دور الحارس في تقوية فرقه و انه الحارس الجيد يساوي نص فريق
فاهتموا بالحارس
و الله يا شفيع اني بحبك و كل الجمهور ما بنسى دوركو اللي عملته مع الفريق بس أخطاءك قاتلة
في النهاية اللي بده يتفوق بده يشتغل و يجتهد و يشوف العيوب و نقاط الضعف و يشتغل عليها مش يقعد يندب حظه
الوحدات في كأس الاتحاد الأسيوي صارلوا 12 سنة تقريبا و ما حصل البطولة وين الحظ بالموضوع و اطلعوا كم فرصة و كم سنة شاركنا
بس المشكل الادارة بدها بنفس الفرق الحالية و على علاتها تجيب كأس البطولة الاسيوية و بدون ما تدفع و بدون ما تغير و هذا لا ينفع
بدك بطولة بدك ترفع من مستوى الفريق ماديا و فنيا و معنويا و تعالج الأخطاء
و كمان رسالة بحب أوجهها لكل لاعب
و كدافع اله انه يقاتل داخل الملعب
يا أخي الا يكفيك كل هذا الجمهور و كل هذا الحب كدافع !
و الظروف الصعبة هي اللي بتصنع الرجال
ما شاء الله عليك أخي أيمن .. موضوع قيّم للأمانة ولفت إنتباهي لعدة نقاط أود التعليق عليها ...
شخصية الفريق .. في إحدى المقابلات مع لاعبي الغريم المنضمين حديثاً .. وبعد إحدى مباريات الفريق في البطولة العربية .. والتي كان يجريها كابتن الفريق الذي يصبح يتجه لمنحى بعيد عن الإنضباط والروح الرياضية .. قال هذا اللاعب في هذه المقابلة : (عنجد الفيصلي نادي وطن وكذا وكذا ...!) ...
وهذا يؤكد ما تطرقت له من حيث التحضير النفسي للقائمين على الفريق إدارياً وفنياً .. والذي يعززه بنسبة بسيطة أيضاً نظرة بقية الفرق المحلية للغريم بأنه نادي الوطن الأوحد ...
النقطة الثانية (حراسة المرمى) .. وسأتحدث فيها بمحور واحد هو الذي يخص الوحدات .. وبعيداً عن تميز معتز ياسين مع الغريم ومساهمته الفاعلة ...
أنا أؤمن أن عامر شفيع هو ثروة قومية .. ولازال لديه الكثير والكثير لتقديمه .. وبرغم كل الهفوات التي صابت أدائه في الموسم السابق والذي قبله .. إلا أنه حضوره كان ومازال مميز .. وأكاد أجزم بأنه سيقدم هذا الموسم ما هو أميز في مسيرته ...
شو المستوى اللي قدمو الفيصلي لحتى يتم مدحه بهذه الكم ؟
هل هدف امام رديف الاهلي و بخطا من مدافع الاهلي و اغلب لاعبي الاهلي احتياط و ما بيلعبو لفترات طويلة و بدون مديرهم الفني البدي
نصر حسين داي عمرك سمعت فيه من قبل كيف فازو عليه بهدف من دربكة و اصلا الفريق 80% منو جدد يعني اول مرة يلعبو مع بعض غير القرصتين اللي لو اجو كان انتهت المباراة .
الوحدة الاماراتي اضعف الفرق العربية مع خسر من حسين داي بهدفين و من الاهلي بهدفين
حسستوني انو فايز على ريال مدريد و لا برشلونة و لا ماشستر
-----
طيب خلينا نلعب بنفس طريقة لعبهم دفاع و عالمرتدات
مش لعبها المرة الكاضية الوحدات مع حمد و ما زبطت
يا عمي هي المباراة الجاية مع الاهلي المصري و البدري رجع و اللاعبين الاساسيين رجعو لنشوف هل رح يكون رايك هو هو و لا رح تتغير الامور .
لما عضو مجلس ادارة يطلع عالتلفيزيون و يصرح بانو ما راح يشجع الوحدات اذا لعب برا
و العساف اللي قبل يومين طلع و صار يتبجح بانو رد الدين للوحدة
و كابتنهم اللي مسوي فيها ابو العريف و خلى فراس يعتذر
مش هم تبعون كلرات دق خشوم !!!!
زي ما قلت هالفريق لا بيمثلني و لا بتشرف يمثلني
اتفق مع بعض مما ذكرت بخصوص فريق الفيصلي وفريقنا...لكن للأسف المهم النتائج...!
بالنسبة لفريق وطن وما وطن فسيبك من الحكي والفيصلي فريق لا يستحق الإحترام نظرا للتاريخ الأسود له ولمن يسانده من إعلام واتحاد...ولكن هذا لا يمنع من قول الحقيقة ومواجهتها...
اعتقد الموضوع مكانه مش هون.. احكي عن عيوب الوحدات واللي ناقصة حتى يصير فريق ينافس.. مالنا ومال فريق هدفه القضاء على النادي من العنصرية اللي ما بتغيب عنه ومن شتم الشهداء والمناضلين ارحمونا شوي، عمر الفيصلي ما بكون ولن يكون قدوة،،
أخي أبو صلاح مشكور على ردك
و ان شاء الله الحوت برجع لمستواه
و زي ما كانت عنده أخطاء
كمان هو ساهم بشكل كبير في تفوق الوحدات في سنوات كثيرة
أخي معاذ أنا اختلف معك
أولا أنا ما مدحته بهالكم مثل ما بتقول
انا حكيت اللي اله و اللي عليه
و انه في ظروف كثيرة وقفت معه و ساهمت في وصوله الى ما وصل اليه
بس للأمانة
لو الوحدات مكانه بعمل اللي عمله ؟
و كمان الوحدة اللي بتحكي عنه أضعف الفرق
مش هو اللي فاز علينا 3 0
و أنا زيك لا أتمنى فوز الفيصلي
لأنهم هم كمان ما بتمنوا فوزنا و لأنه فكرة انهم يقاهرونا من خلال فوزهم بكل أمانة مقدمة على فرحتهم بفوزهم
يعني الواحد منهم اذا حط الفيصلي جول يمكن أول اشي بخطر في باله الوحدات و انهم انقهروا
عن جد هذا رأيي بدون مبالغة
طبعا انت لما تشوف هيك مش لازم تزعل بل على العكس
بكفي اننا شاغلين بالهم
و الوحدات نظرا لكونه الحلقة الأضعف و لطالما يتم التآمر ضده في مقابل ظروف أفضل لغريمه فهو انجاز له أن يكون بهذا المكان
هناك و الله أعلم تساوي بيننا في عدد مرات الفوز في مباريات الدوري تخيلوا
و كنا متفوقين لولا انهم آخر سنتين سيطروا
و كمان هناك فرق بطولة واحدة في الدوري لمصلحتهم لو حسبنا الأمر من بداية سنة 80
على فكرة هي أخر بطولة دوري هي اللي صنعت الفرق
و لو حسبنا دوري 98 فنحن متساويين
لاحظوا التساوي بيننا و انه ما في هالتفوق الكبير
ان شاء الله الوحدات يقدر يتميز خارجيا
و لو ما تميز بظل نادينا اللي بنعشقه
في نقطة مهمة جدا لازم أضيفها بخصوص نقاط التفوق
و هي الأخلاق
و الحمد لله الأمر هذا سواء على مستوى الجمهور أو الادارة
بغض النظر فالفيصلي متميز بصراحه بتمثيل الفرق الاردنيه جميعها وهو افضل من يمثل خارجياً ولا واحد يزعل من الي بحكيه بعيداً عن كل الكره
اتمنى ان ينتفض الوحدات وان يكون لدينا لاعبين يخافوا على اسم الوحدات ويلعب لاجله وانظروا ماذا يطالب ابو عماره من الوحدات
نريد من جميع اللاعبين الاحساس بالمسؤوليه اتجاه النادي ومحبين النادي
املي كبير بان يعود الوحدات كسابق عهده وان يحصل ولو على بطوله خارجيه
دوشتونا بالفيصلي ما حكيتو هل حكي لما الوحدات كان يوخذ الرباعيات
يا اخوان الفيصلي بفوز على رديف الفرق قسما بالله بالحظ مالكو احنا مش شغل نتائج الأهلي مسح فيهم الأرض وغلطة مدافع فازو وكل مبارياتو حظ حتى بالأردن الاتحاد والحكم والحكومة بلعبو معو مشان يفوز فكونا من هالقصه وحكولنا أخبار نادينا
لاعبينا بدخلو على المنتدى لا تحسسوهم انو العديم مستحيل الفوز عليه وتهبطو معنواياتهم ارفعوها واحكو
لا أهلى ولا فلان الوحدات داعس عليهم من زمان
يا اخوان هاد منتدى فريق الوحدات واخبار الوحدات الي بدو يمدح العديم اروح على منتداهم ويمدحهم هناك وخلصت
شو المستوى اللي قدمو الفيصلي لحتى يتم مدحه بهذه الكم ؟
هل هدف امام رديف الاهلي و بخطا من مدافع الاهلي و اغلب لاعبي الاهلي احتياط و ما بيلعبو لفترات طويلة و بدون مديرهم الفني البدي
نصر حسين داي عمرك سمعت فيه من قبل كيف فازو عليه بهدف من دربكة و اصلا الفريق 80% منو جدد يعني اول مرة يلعبو مع بعض غير القرصتين اللي لو اجو كان انتهت المباراة .
الوحدة الاماراتي اضعف الفرق العربية مع خسر من حسين داي بهدفين و من الاهلي بهدفين
حسستوني انو فايز على ريال مدريد و لا برشلونة و لا ماشستر
-----
طيب خلينا نلعب بنفس طريقة لعبهم دفاع و عالمرتدات
مش لعبها المرة الكاضية الوحدات مع حمد و ما زبطت
يا عمي هي المباراة الجاية مع الاهلي المصري و البدري رجع و اللاعبين الاساسيين رجعو لنشوف هل رح يكون رايك هو هو و لا رح تتغير الامور .
بالغض النظر كيف اتت الاهداف , الفيصلي فريق متماسك و يحافظ على تقدمه بعكس الوحدات الذي يفقد نتيجة تقدمه باقل من الثانية , الفيصلي هذا الموسم فريق يحترم و يجب ان تعترف بهذا لكي نواجهه اخطاءنا و نصححها
دوشتونا بالفيصلي ما حكيتو هل حكي لما الوحدات كان يوخذ الرباعيات
يا اخوان الفيصلي بفوز على رديف الفرق قسما بالله بالحظ مالكو احنا مش شغل نتائج الأهلي مسح فيهم الأرض وغلطة مدافع فازو وكل مبارياتو حظ حتى بالأردن الاتحاد والحكم والحكومة بلعبو معو مشان يفوز فكونا من هالقصه وحكولنا أخبار نادينا
لاعبينا بدخلو على المنتدى لا تحسسوهم انو العديم مستحيل الفوز عليه وتهبطو معنواياتهم ارفعوها واحكو
لا أهلى ولا فلان الوحدات داعس عليهم من زمان
يا اخوان هاد منتدى فريق الوحدات واخبار الوحدات الي بدو يمدح العديم اروح على منتداهم ويمدحهم هناك وخلصت
اي معنويات و كلام فاضي , انت بضحك على اللاعب و بتخليه عديم المسوؤلية عندما تمدح شيء ليس موجود فيه !!
ذكرتي بأغاني و الشيلات الخليجية , اللي بسمعها بفكر دول الخليج محتلة نصف العالم و النصف الثاني عاملين معهم اتفاقية سلام من الخوف !! .
الاعتراف بالخطأ هو الطريق الصحيح للتصحيح و المكابرة تجعلك لا ترى الاخطاء و تبقى تسير بالهاوية حتى الانهيار التام .
مع تقديري واحترامي لشخصك الا ان موضوعك فيه الكثير من المبالغة والتضخيم لقدرات الفيصلي سؤال ليش اغفلت الهدف غير المحتسب للنادي الاهلي ، بالله عليك تحديدا في مباراة الاهلي شو عمل الفيصلي يا اخي هيك حرام
بغض النظر فالفيصلي متميز بصراحه بتمثيل الفرق الاردنيه جميعها وهو افضل من يمثل خارجياً ولا واحد يزعل من الي بحكيه بعيداً عن كل الكره
اتمنى ان ينتفض الوحدات وان يكون لدينا لاعبين يخافوا على اسم الوحدات ويلعب لاجله وانظروا ماذا يطالب ابو عماره من الوحدات
نريد من جميع اللاعبين الاحساس بالمسؤوليه اتجاه النادي ومحبين النادي
املي كبير بان يعود الوحدات كسابق عهده وان يحصل ولو على بطوله خارجيه
للأسف هذا صحيح
الفيصلي أفضل خارجيا
أما مسألة حصول الوحدات على بطولة خارجي فهذا أمر ممكن و بشدة بس اله شروط
بس احنا زي ما حكيت الادارة بدها الفريق زي ما هو و بدون أي تغيير أو اضافة أو دعم يجيب بطولة و هذا لن يكون
في أمور كثيرة لازم تتم عشان يكون عندك فريقك قادر على احراز بطولة خارجية
منها مدرب على مستوى عالي
منها محترفين يصنعوا الفرق
وجود هداف قناص
وجود من يجيد تنفيذ الكرات الثابتة
وجود دفاع و حارس قوي
و على فكرة للي بتابعوا الأرجنتين الأرجنتين من أفضل المنتخبات العالمية هجوميا و لكنها لم تحصل بطولة كأس العالم الا مرتين و لم تحصل على بطولة منذ 25 سنة
و السبب ان الارجنتين دائما ضعيفة من ناحية الدفاع و الحراسة
لا يمكنك احراز بطولة بدون حارس قوي و دفاع قوي
اضافة الى أن الأدوار النهائية قد تحسم من خلال ركلات الترجيح و للحارس دور كبير