خاص نت ... إدارة النادي توضّح .. وتخاطب إتحاد الكرة لتقديم مواعيد المباريات ...
خاص نت ... إدارة النادي توضّح .. وتخاطب إتحاد الكرة لتقديم مواعيد المباريات ... - خاص نت ... إدارة النادي توضّح .. وتخاطب إتحاد الكرة لتقديم مواعيد المباريات ... - خاص نت ... إدارة النادي توضّح .. وتخاطب إتحاد الكرة لتقديم مواعيد المباريات ... - خاص نت ... إدارة النادي توضّح .. وتخاطب إتحاد الكرة لتقديم مواعيد المباريات ... - خاص نت ... إدارة النادي توضّح .. وتخاطب إتحاد الكرة لتقديم مواعيد المباريات ...
خاص نت ... إدارة النادي توضّح .. وتخاطب إتحاد الكرة لتقديم مواعيد المباريات ...
أوضح أحد أعضاء مجلس إدارة النادي للوحدات نت أن نادي الوحدات كان قد خاطب إتحاد كرة القدم شفهياً مطالباً بإستبعاد الحكم أدهم مخادمة من إدارة مباريات الوحدات ، وأن إتحاد الكرة سينظر في القضية .
على جانب آخر ، فقد وجّه الوحدات خطاباً رسمياً لإتحاد كرة القدم مطالباً بتعديل مواعيد مباريات بطولة دوري المحترفين بحيث يتم تقديم مواعيد المباريات مدة ساعة ، وذلك لتعزيز الحضور الجماهيري في ظل قصر ساعات النهار في فصل الشتاء مستثنى من الإقتراح المباريات التي تقام في يوم الجمعة .
الله يسهل ع نادي الاصالة، متذيل الدوري، اللي لما حرد شفهياً واعلامياً وكتابياً ونظرياً وعملياً قامت قيامة الاتحاد وتكركب .... أينعم كانت مسرحيات، بس عملوا جَوّ. ليش جماعتنا ما بعملولنا جو.،، صيت غنى ولا صيت فقر
أنا بحكي الإدارة في مثل هيك أمور ما خلّت من جهدها جهد ، وعملت وبتعمل اللي عليها وزيادة .. لما كان واحد من الإدارة يطلع ويحكي ويعلّق ويشجب ويستنكر بعد ما يكونوا بعثوا كتب اعتراض ، كان معظمنا هنا وفي مواقع أخرى يطلع ويحكي عن هذا العضو بيعرفش يحكي كلمتين على بعض أو أن كلامه ضعيف وركيك وما فيش فيه قوة .. والمقصود هون بكلامي مش زياد شلباية ولا عوض الأسمر .. لأ ، ومن قبلهم كمان غصاب خليل لما كان ناطق إعلامي ومدير جريدة الوحدات وعبد الحكيم السيناوي وخليل مبارك الله يرحمه وغيرهم وغيراتهم لما كانوا أمناء سر ..
أقوى وأحسن بنود اعتراض قاعدين بيقدّموا ، واللي بيصيغها محامين من النادي .. والمستشار القانوني اللي بيصادق وبيوضع لمساته القانونية عليها .. اتحاد ولجان ضاربين عرض الحائط بكل شيء قاعد بيوصلهم من الوحدات ، اصحوا يا جماعة الخير .. آخر مشكلة بمباراة الرمثا .. يعني إدارتنا ما عملتش وما سوّتش وقعدت تتفرّج ؟!. وين راحت اعتراضاتها وكتبها ؟!.
بسّ إيش بدنا نحكي ، طناش وتجاهل وتمادي واستقواء علينا ، يعني يروحوا يهجموا عليهم بالرشاشات ؟!!!.
اللي بدّو يقولّي بسحِّج وبزمِّر وبطبِّل للإدارة رح أرد عليه بأدب واحترام وأقولّو يا أخي هذا وضعنا ، وإن شاء الله الدورة الانتخابية اللي جاي ما أشوف ولا واحد منهم .. لإنّو إيديّي تكسّروا من التسحيج ، وشفايفي تورّموا من التزمير وأصابعي إطَّرقعوا من التطبيل ،، بس برضو رح أقولّو لو أجا غيرهم رح يظل وضعنا نفس الشيء ، وما رح يتغير علينا حال !.
وإذا بدّو يحكيلي هايّ الفيفا ، رح أقولّو برضو بكل أدب واحترام ثاني يوم بيسكّرولك النادي ..
هيك وضعنا يا إخوان ، وهاي حالنا .. والحمد لله في ظل كل هاي المنغصات والمعوقات والعراقيل قاعدين بنوخذ بطولات ، إذا كان همّكم البطــــــــــــــــــــــــــــــولات !.