إخواني,,,, طول حياتنا, وخصوصا في الفترة الأخيرة "مشاركة المنتخب في نهائيات أسيا"
نعتبر بأن نادي الوحدات هو الأفضل والأميز وصاحب أفضل لاعبين في الأردن أو حتى في الوطن العربي, وما حدا يحكي لأ
هاد حالكم وحالي معكم,
ونزلت كثير مواضيع وردود بتأكد انو المنتخب تأهل بفضل الوحدات ولاعبيه, وانا ما بنكر هالشي
بس لازم نكون موضوعيين وننصف الجميع
عبارة "عدنان حمد _________" وعبي من عندك نقد كأنك انتا مورينيو أو غوارديولا
كل ما يحقق فوز او تعادل, بنطلع أخطاء للمنتخب وبنخترعها اختراع
ما اجا الوقت لنحكي "شكرا يا عدنان,, فعلت مثلما فعل الجوهري وأكثر" "شكرا لأنك مدرب (كبير)"
كلامي منطقي 100%, لاعبينا (وان وجد المميزون بينهم) ليسوا أفضل من لاعبي السعودية واليابان
ما حدا يقنعني انو عدي الصيفي أفضل من هوندا, انو حسن عبدالفتاح أفضل من فراس الخطيب, انو عامر ذيب أفضل من القحطاني,
عدنان حمد تمكن من قراءة المباريات جيدا
ووضع التوليفة المناسبة لكل مباراة
لعب "مدافع" امام اليابان,, ثم "متوازن مع ميل قليل للدفاع مع السعودية" ومع سوريا "متوازن مع ميل قليل للهجوم" ما حدا لاحظ هالشي؟؟؟
انا مش من المحللين ولا من المدققين, بس اشي صاير أمامي لازم أشوفو او بكون "أعمى"
بالنسبة لقصة "الحظ",,, صح انو السوريين حطو جول بحالهم,,,بس لو ما اجت جول في ركلة جزاء ولا ما دققتو عليها؟
ولو ما انحسب الجول كان تعادلنا وتأهلنا,,
بالنسبة ل"جول بهاء"... يعني كرة ذكية ورائعة وما بلعبها اللا الكبار غالطت الحارس وأوهمته بأنها (رايحة رفعة) "وهي مقصودة رفعة" ودخلت بهدوء الشبك,, طيب واذا كانت حظ,, السعودية لعبو ب 4 "رؤوس حربة" ولا واحد منهم جناح
وما قدروا يخترقوا دفاعاتنا اللا مرة مرتين وكان شفيع بالمرصاد
ما بدنا نسمع كلمة حظ, لأنو فريقنا من أقوى الفرق الموجودة
وأنا بعتبر,,,
عدنان حمد هون من أفضل من قادوا المنتخب وان ما اعجب غيري
بعدين, الكل بحكي انو لاعبي الوحدات هم "فقط" اللي عملو المنتخب منتخب
يعني نسيتو, "المقاتل" سليمان السلمان؟؟؟؟ اللي برمي حالو وبعرض حالو للإصابة بس المهم يبعد الكرة؟؟
والله لاعب رائع وانا بشبهو "تماما" بالدميري, ارتكب خطأ واحد امام اليابان لما جابو التعادل لأنو ما عرف يغطي
لكن ما بعني انو لاعب غير مميز
نسيتو بشار بني ياسين اللي بالرغم من عمره المتقدم (34 سنة) يأدي أفضل أداء؟
نسيتو محمد منير اللي بتحكو عليه, شو انو نجم مع انو ما ببين كثير؟
نسيتو عدي الصيفي اللاعب الأوروبي 100%؟
مع انو ما ظهر كثير بمستوى عالي
بس هاد الشي بعني انو لاعب كبير جدا
ميسي لما لعب مع الارجنتين ما شفناه
طريقة لعب الارجنتين غير برشلونة
وهاد أثر عليه مع انو افضل لاعب بالعالم
وفي شغلة
انا الوم عامر شفيع "بالرغم من تألقه" على هدف اليابان السهل صده
مع انه لاعب وحداتي وهيك الكل لازم يكون
,,,
المقصد
انو مش نحكي لاعبي الوحدات همة اللي عملو المنتخب "منتخب"
الكل إيد وحدة, والكل عملو الانجاز والتأهل
ما بدنا نكون متعصبين للنادي, الكل تعب واجتهد
,,,,,,,,,,
ما حدا يحكي على طريقة كتابتي وترتيب الأفكار لأني مش متعود على كتابة المواضيع
بس يا ريت تكون فكرتي وصلت
والله يا رأفت لو بعرف ...
كان خليتك تحلل على الجزيرة بدل أبو زمع
حبيبي يا كبير شفيع أخذ أفضل لاعب بمباراة اليابان
وحسن بمباراة السعودية .. ومش عاجبك ..
لم ينكر أحد أن المنتخب يؤدي ككل، بس مش احنا الي أعطينا حسن جائزة أفضل لاعب في المباراة، ولا احنا الي أعطناها لشفيع.
وحرام علينا ننكر وجود الحظ الكبير الي رافق منتخبنا لأنو الحظ نعمة مش نقمة، وانكاره هو جحود وعدم عرفان.
كل اللاعبين متميزين ولكن لاعبي الوحدات فاقوهم بشهادة كل من له عينين، فلماذا لا تريدنا أن نفخر بهم خاصة، وهم من صناعة جماهيرنا تحديدا.
شكرا للمنتخب بشكل عام وشكرا للوحداتيين بشكل خاص، فشو الحرام بهذا الشكر !!!!!!!!!!!!!!!!
أما بالنسبة لعدنان فندعوا الله أن يستمر الحظ معه الى يحمل الكأس، لأنه يفتقر الى عقلية المدربين الكبار، وحتى المدربين الذين نالوا كأس العالم كانوا ينتقدون، فلماذا تريدوننا أن ننصب تمثالا لحمد، لأننا وصلنا الى الدور الثاني، أم أن الدنية هي أقصى ما صرنا نتمنى.
شكرا لمدرب اللياقة البدنية
وشكرا يا حمد
وشكرا لله ﻷن أغلب أهداف المنتخب جاءت من لا شيء
هدف اليابان .. الكرة انعكست من قدم المدافع الياباني
هدف السعودية .. غلطة حارس وبهاء كان قصده رفعه
هدف سوريا الاول .. الأول خطأ مدافع
هدف سوريا الثاني .. أعتبره الهدف الوحيد ﻷن عدي الصيي اقتنص الكــﻻة اقتناص
ومع كل هذا الكلام .. المنتخب رائــع ورائــع جدا .. الدفاع مميز .. والحارس مميز والوسط جيد ,,
شكرا لمدرب اللياقة البدنية
وشكرا يا حمد
وشكرا لله ﻷن أغلب أهداف المنتخب جاءت من لا شيء
هدف اليابان .. الكرة انعكست من قدم المدافع الياباني
هدف السعودية .. غلطة حارس وبهاء كان قصده رفعه
هدف سوريا الاول .. خطأ مدافع
هدف سوريا الثاني .. أعتبره الهدف الوحيد ﻷن عدي الصيفي اقتنص الكــرة اقتناص
ومع كل هذا الكلام .. المنتخب رائــع ورائــع جدا .. الدفاع مميز .. والحارس مميز والوسط جيد ,,
المنطق يقول لا يوجد اسم نادي في المنتخب او هذا يلعب مع هذا النادي المنخب يضم ابناء الوطن الواحد وعندما ينجز الاعب ينجز للوطن وليس للنادي او لاسم النادي والمنتخب هو الذي يضم ويئم ويقرب ويحبب الكل في بعضهم ولكن عذرا يا اخي شفيع قبل ان يكون افضل لاعب في مبارات اليابان هو افضل حارس في البطوله