والله كلامك صح الصح,,والله ابو عماره اسم ع الفاضي وصالح صار ع الفاضي
والحاج مالك عنده حررررررررررررررررررررررررررقه ع النادي وع اللعب
ابو عمارة مع القادسية وضد السعودية ابدع والامور واضحة
صالح الاخ زعل من جمهور الوحدات ليش بنتقده ويوم جاب الجول ضد زغرتا الاخ عصب وبحمل الجمهور جميلة هو وزعترة
الحقيقة الاولى والثانية نحن كجماهير صنعناها من يدخل المنتدى ويقرأ عن لمسات صالح ومنذر يضن ان الوحدات يضم رونالدينهو وميسي .. الحاج مالك يلعب بشراسة ويبذل مجهود يعادل 3 او 4 لاعبين لو يحسن توظيفه واستغلال هذه النقطة لكان له تأثير قوي وكبير ... اذافة لتقصير الجهاد الفني هناك استهتار من اللاعبين بلعبوا على الواقف تمريرات غلط الجول فاتح وبشوت برا شوتات عالية كثير كأنه عمره ماشات فطبول
بس لو اللعيبه عندهم حرقه مثلك يا رافتينيو
لحسمنا الدوري من الذهاب
كلامك صحيح ولا غبار عليه
انا مثلي مثل اي واحد بعشق هالكيان
فعلا الدوري المفروض محسوم زمان بس لازم نحرق دمنا
اقتباس:
المشاركة الأصلية كتبت بواسطة الوحش الكاسر
حقيقة 9 علقت عليها أكثر من مرة انه التدريب مش تقضاية وقت تعال ساعة تسلى وروح مش عارف هالساعة لايش بدها تكفي
ثاني أبو كبير عليه لمسات حلوة بس عليه أخطاء قاتلة أتمنى انه يتفاداها
للاسف شفت هالحكي بعيني وحكيته هون وكل مكان وبضل احكيه, التمرين مع ابو زمع شوية ركض وبعدها تقسيمة واللعب مسخرة , ولا لاعب بمكانه وشفيع بلعب مهاجم
كلامك بالنسبة لابو كبير في منه بس برضه لو في توجيه سليم بنشوفه بتحسن لانه الولد طينته طينة لاعب كبير
اقتباس:
المشاركة الأصلية كتبت بواسطة aqaba gulf
أتمنى ان لا ارى ابو عمارة يلعب بقميص الوحدات مرة اخرى ، موضوع الاحتراف ماخد كل عقلو الله يسهلو يا عمي
لا يوجد أساسيات كرة القدم عند اللعيبه
اللاعب مش عارف يهدي الطابه
ولا يستلم
ولا يسلم
يا أخي لنفرض انو المدرب مش كويس
وين لعبك وين نظرتك بالملعب وين إحساسك بالمسؤولية
يا أخي اللعيبه طعى وقايمه
فش حدا عارف اشي
إرفع وربك بيسر خنقتونا خنق
مشكور على الموضوع يا غالي وسامحنا على الاطاله
طبعا كلامك سليم
بديش اضل احكي المدرب هو الاساس , للاسف اللعيبة لو عندهم روح المسؤولية كمان بشيلوا شوي عن المدرب
بس بالنهاية الخيل من خيالها
اقتباس:
المشاركة الأصلية كتبت بواسطة ابو احمد 75
كلام سليم ولا غبار عليه . ضيف الوساطات مثل فراس شلباية
وضيف الوساطات بعدم لعب احمد هشام ،
الوحدات بحاجة الى فرك إذن للاعبيين كل واحد مفكر بمصلحتوا، ما في حرقة على الفريق وما في خوف على الفريق من الاعبيين
الله يرحم ايام رافت علي
صراحة موضوع فراس لحاله لازم يتحاسب المدرب عليه
الامور واضحة وفراس مش قد الوحدات نهائيا
الحقيقة الاهم ان الوحدات لم يعد الوحدات ..صرنا ملطشة و الفرق اللي كانت تتمنى تخرج بأقل عدد من الاهداف صارت تتنمر علينا ...الحقيقة ان الوحدات بحاجة الى" نفض" على مستوى الادارة قبل المدير الفني. اخر العلاج الكي يا ريت نكويهم كلهم و ما نشوف منهم حد ...قرفونا كرة القدم يا زلمة لاول مرة من اكثر من 30 عام صرت افكر اني ما احضر مباريات الوحدات لانهم اصبحوا سبب رئيسي للسكر و الضغط و الجلطة ...لا حول و لا قوة الا بالله