حقيقة 1 : صالح راتب من بعد مباراة الفيصلي والتهليل الي صارله والفيديوهات الي نعملت اله ( وانا واحد منكم ) أثرت عليه بشكل كبير ومن يومها صرنا نشوفه لاعب عادي وما بعمل اي شي يفرقه عن اللعيبة العاديين !!
وهاي مشكلة لما يبدا التهليل للاعب بعده ببدايته !
حقيقة 2 : منذر ابو عمارة موضوعه لحد كبير زي موضوع صالح اللهم منذر ماخذ عز اكبر لانه مركزه تقريبا هو الوحيد الي فيه وملوش منافس , غير هيك منذر بلعب بأنانية صارت مملة وبطلنا نشوفه هاللاعب الي بعمل الفارق !
حقيقة 3 : ابو كبير هاللاعب الي كل ما ينزل او يلعب من البداية بعمل خطورة حتى مرات لما يلعب بأنانية بتكون انانيته مطلوبة والدليل من مباراة اليوم الفرصتين الي بنقدر نسميهم فرص كانوا عن طريقه !!
حقيقة 4 : الواحد بنحرق دمه لما يشوف لاعب زي الحاج مالك الي ملوش موسم بالفريق بلعب بحرقة عالفريق اكثر من ولاد النادي , بغض النظر عن مستواه
حقيقة 5 : بس يفشلوا مهاجمينا بأي لقاء دفاعنا ببدع
حقيقة 6 : اغلب اللعيبة الي نضموا للمنتخب خصوصا عن جديد , بعد اسيا هبط مستواهم بشكل مخيف : زعترة . الياس , صالح , منذر .. عزاءنا الوحيد رجائي !!!
حقيقة 7 : بدون مبالغة ما استمعت في اي لقاء للوحدات هالموسم ولا بأي بطولة لعبناها .. ممكن دقائق معينة في بعض المباريات والباقي الاداء مخزي !!
حقيقة 8 : شفيع جاب للوحدات ما يقارب 70% من النقاط الي جمعها الوحدات هالموسم اذا مش اكثر !!
حقيقة 9 : التدريب مش بس لياقة وتقسيمة !! التدريب خطط ودراسة لكل مباراة بشكل مختلف عن المباراة الي قبلها
حقيقة 10 : هي حقيقة قديمة وهي سبب هالحقائق هاي كلها , ابو زمع مش بحجم الوحدات وحتى الي دافعوا عنه كل مرة يحكوا مش وقتها لحد وقع الفاس بالراس .. من اكثر من 3 شهور واحنا بنطالب بأقالته وشفنا موضوع خاص بالموقع جاب نسبة عاليه لتأييد اقالته .
متى انسب وقت ؟ بس نخسر كل شي ؟
الفيصلي اقال ثائر جسام في يوم من الايام وبعد مرحلة الاياب وجاب الدوري مع مدرب مبتدئ الي هو العوضات
تشيلسي اقال فيلاس بواس وجاب مبتدئ جايلهم ابطال اوروبا
الوحدات اكبر من كل اندية العالم حكيناها ملايين المرات لا بوقف على لاعب ولا مدرب ولا رئيس نادي ولا مدير نشاط
ليش التناقض وبس يجد الجد بنصير نحكي مش وقتها
( النقاط الي فوق كلها وجهة نظر شخصية اي عضو اله حق يأيد او يعارض او حتى يضيف )
الحقيقة الاولى والثانية نحن كجماهير صنعناها من يدخل المنتدى ويقرأ عن لمسات صالح ومنذر يضن ان الوحدات يضم رونالدينهو وميسي .. الحاج مالك يلعب بشراسة ويبذل مجهود يعادل 3 او 4 لاعبين لو يحسن توظيفه واستغلال هذه النقطة لكان له تأثير قوي وكبير ... اذافة لتقصير الجهاد الفني هناك استهتار من اللاعبين بلعبوا على الواقف تمريرات غلط الجول فاتح وبشوت برا شوتات عالية كثير كأنه عمره ماشات فطبول
حقيقة 9 علقت عليها أكثر من مرة انه التدريب مش تقضاية وقت تعال ساعة تسلى وروح مش عارف هالساعة لايش بدها تكفي
ثاني أبو كبير عليه لمسات حلوة بس عليه أخطاء قاتلة أتمنى انه يتفاداها
لا يوجد أساسيات كرة القدم عند اللعيبه
اللاعب مش عارف يهدي الطابه
ولا يستلم
ولا يسلم
يا أخي لنفرض انو المدرب مش كويس
وين لعبك وين نظرتك بالملعب وين إحساسك بالمسؤولية
يا أخي اللعيبه طعى وقايمه
فش حدا عارف اشي
إرفع وربك بيسر خنقتونا خنق
مشكور على الموضوع يا غالي وسامحنا على الاطاله