يخووي يا ليث .. أغلب مباريات الوحدات اللي بعمان حضرتها بالملعب
الوضع من سيء إلى أسوأ ..
السنة الماضية قبل الجمعة الحزينة الوضع كان جيد جداً .. بعدها الوضع أصبح سيء وأعداد الجماهير قلت بشكل كبير ..
قبل أشهر قليلة كنت أطلع عالملعب قبل ساعة ونص وساعتين (الطرق بدها ربع ساعة بالكثير) .. مباراة العربي طلعت عالملعب قبل ربع ساعة من المباراة وعالساعة 7:00 وصلت الملعب وقعدت قعده مرتبة !!
وأيضاً معاملة الدرك لنا سيئة جداً جداً ..
أمثلة بسيطة من المعاناة !!
في جميع المباريات التصوير شغال جوا الملعب وكأنو الحرب قايمة !!
يوم مبارة دهووك عالساعة 2 كنا جوا الملعب وأقسم بالله إنذليت بالتفتيش بدوون أي سبب .. بس حب الوحدات أجبرني على التحمل !! ويوم مباراة دهوك قبل 5 ساعات كنا بالملعب .. مطرات المي كلها انسحبت من الشباب وانرمت عالأرض وطبعاً متنا من العش لأنو ما في بياعين .. رحنا نشحد المي شحدة من الدرك وبالآخر حنوا علينا ووافقوا يشربونا من مياتنا !! وصففونا طابور لشرب المي مع تحميل جميلة قد الدنيا (مع إنو المي ميتنا !!)
يوم مباراة الجزيرة .. انسحب من صاحبي (عمرو 16 سنة) كشاط قماش .. طيب ليش !!؟؟
وما خفي كان أعظم
وأغلب المشجعين بعد اللي بصير معهم من هالمناظر ما بيرجعوا للملعب !!
لولا إنو حب الوحدات بالفطرة وبالدم .. عمري ما بوصل الملعب !!
وبالروح بالدم .. نفديــك يا وحدات
كلامك كلو سليم وما عليك اي خلاف بس اذا كل بدو يحسبها هيك ما بضل حد في الملعب احنا رايحين لعيون الوحدات
1- احداث القويسمه وعزوف الجماهير خوفا من تكرر الاحداث (مع العلم وبدون مجامله اصبحت قوات الدرك راقيه بالتعامل واراهنكم اذا برفعو صوتهم باحد ما عدا من يستحق)
2- الحاله النفسيه التي اصابت الجماهير والنشوه التي عاشوها بعد تكرار الرباعيه وأطمأنان الكثير انه لا يوجد منافس للوحدات وانه في كل مباراه فايز ليش اروح بحضرها بالبيت احسن
احداث القويسمه استطاعت ان تفرز جماهير الوحدات من يعشقه حتى الممات ومن يحب اسم الوحدات عندما يفوز
اكيد مزبوط كلامك كلو سليم الدرك احسن صار مع الجماهير ....... خلص احداث قويسمه بحكولك بتصير كل يوم
اسبب واضح وضوح الشمس 1 الدرك وما ادراك مدرك 2 ارتفاع سعر انذاكر في المبارياة الخارجيه 3 سوء اخلاق الجماهير المنافسه
انا مشجع وحداني من عام 1977 لم يحصل ان قام رجل امن بتفتيش ارجال وشباب بتلك اطريثه المهينه دركه لايتجاوز العشرين يقوم بابئهانت رجل بستين بدون اي شبب لا اسبب هو تشجيع نادي الوحدات
ودمتم
زمان اختلف عن الان واحنا تعودنا على تفتيش الدرك هيك وكانت الجماهير تملي الملعب ؟ شو سبب اختفائها ؟