اذا بتحب الوحدات فيجب ان تتحلى بالروح الرياضية والتشجيع الحضاري ..
اما إنك ترمي كاسات مي وتصير تسِّبْ وتشتِم فهذا ليس بتشجيع !!
فريقنا واقع لحاله والوضع المالي بالنادي خربان وهلكان بدون غرامات وفوق كل هيك بنزيد فوق البلة طين ، والله كثير هيك !!!
يا أخي إذا بدك تروح تشجع وتسب ، ما في داعي تروح عالمباراة من أصله ، خليك قاعد بالدار احسنلك واحسن للنادي ، وإستنى هسا عقوبة من الاتحاد الآسيوي ..اكيد رايح يكون حرمان للجماهير من حضور مباراته القادمة وغير العقوبة المالية ...
قاطع المبارايات البيتية والخارجية لما يكون عندنا ادارة وفريق زي الناس ..اما تروح عالملعب وانت عارف فريقك واقع من طيارة وتصير تعصب وتنفعل وتتصرف تصرفات هوجة ،ما في داعي ...
قاطعهم وعاقبهم ولا تروح وتزيد الطين بلة ... فريقنا إلي متغطي فيه بردان والادارة كمان ...
يجب على الجميع التعاون وتصويرهم ورفع شكوى ضدهم من طرف النادي لإجتذاذ هذه الفئة اللعينة والسيئة فهؤلاء لا يمثلونا ولا يمثلون أخلاقنا وعاداتنا فتقديمهم للقضاء ومنعهم من دخول الملاعب أصبح ضرورة ملحة وعلى الإدارة الجديدة أن تعمل على ذلك.
ما بدنا نقلل من قيمة الي حضرت , لكن للاسف ما في فايده ترجى من الحكي
بدنا نضل نرغي ونحكي على الفاضي ؟؟ يبدو انه احنا بدنا علاج قبل الادارة
والمدرب واللعيبه , نعالج انفسنا من مرضنا , بعدها بتصير الامور الاخرى سهلة
لنعالجها .
روحوا عمي , روحوا ان شاء الله بتكسروا كل اشي قدامكم , انتوا زلام وما حد قدكم
سبيتوا على شرف اللعيبه اووووووه عفيه عليكوا , لازم نصفقلكوا والله .
اخي ابو ايهاب والله اصبح الوضع مخزي والمصيبه القاعده تتسع لهيك جماهير لا تشرفنا ان تحضر مباريات الوحدات
اما ان تجلس في منزلها خلق شاشات التلفزه او تحضر باحترامها .
في كل مباراة يجب ان يقع علينا غرامات وحرمان لا نحن خالصين من اتحادنا الشاطر او الاتحاد الاسيوي .
واضف الى ذلك نرفزة اللاعبين بالملعب يا اخي مشان الله اللعب وسجل اهداف وتعال اضربني انا ، بس لا تقتل الفريق باللعب منقوصين وبالتالي تكون عبئ على الفريق .