ابو محمد: صباح الخير والنور والسرور, شو شايفك بتمز على السيجارة وفنجان القهوة.
ابو احمد: اه والله بدي اشوف شو في اخبارعندك.
ابومحمد: خليها على الله يا ابو احمد ومثل ما بيقول المثل خليها في القلب تجرح ولا تطلع بره وتفضح.
ابو احمد: شو في على الصبح نزعت مراقي.
ابو محمد: لا والله بس اخبار الوحدات لا بتسر صديق ولابترضي عدو يارجل كل الجرايد مالها سوالفة الا الوحدات يا رجل حتى الراي الراي ماغيرها بيبعثولها اوراقنا والكتب اللي موجهه لاداراة النادي.
ابو احمد: اخ اخ يا ابو محمد حكنالك كله من وراء الصقور وجمال تاعك ما رديت علي.
ابو محمد: والله انت ابواحمد شغل طخ حكي ما انت فاهم اشي هو كلها على الصقور وجمال اي امس الحسنات طلع على التلفزيون ما خلى ستر مغطى على الرمثا.
ابو احمد: يا زلمه سيبني من الحسنات وداووينه هذا زلمه مكلمنجي ومسحوب من لسانه وقال شو اذا قصو ايده اليمين(بيعني نفسه) ما بيضل فيها كوكي اي يروح يحل عن ابونا الكوكي درب احسن اندية في افريقيا وما بيقدر يمشي في الاردن الا افلاطون زمانه معه روح ابو محمد عليم الله اني من ضحكتة عرفت انه طبخينها وهو سمسار الفيصلي اقولك يا رجل سايق عليك الله تفكني من دواوينهم ورجعني للوحدات.
ابو محمد: يا خوي انت شغل طخ على جمال والصقور شو يعملو منشان يرضوك هذا جمال ترك العقد مع الاهلي ورجع لنادية الام وفريقك كان مهلهل وكمان ازيدك من الشعر بيت هذا اللي مش عاجبك كان مطلب جماهيري فليش القلابان الان وكمان الصقور مسك النادي وعلية مديونية فوق النصف مليون والفريق غالبية عقود منهية وكمان مطلوب منه محترفين وشوف الرجال جابلك احسن لعيبة في البلد .
ابو احمد: احنا بنحكي بالشرق وانت يا ياخوي بتحكي بالغرب اول شي الصقور تاعك ماشي زلمه محترم وقلبه ابيض هذا الحكي بنختلفش عليه بس الادارة بدها رجال الكل يتصرصع منه مش هيك ماشيه الامور على حل ايديها يعني مثلا انا بجيب مدير فني وبطلب منه ينسب لي اللاعبين والمراكز اللي بده اياهم بس هذا الحكي مش معناته انه غصبن عني اجيبله اياهم او غير كذا يستقيل.
ابو محمد: يعني شو المقصود ما فهمت.
ابو احمد: يعني بالمشرمحي المدير الفني مين ما كان ما لازم يكون مع لجنة التعاقدات ويقعد يفاوضلي اللاعبين.
ابو محمد: هذا انت مش لقيلك سولافة تسولف فيها وهي شو فيها غلط.
ابو احمد: يا عمي يا حبيبي هذا غلط لانه جابلنا لاعبين بتحب الفلوس ما بيحبوا الكلر ولانه اتفق معاهم صار كل ما اللاعب بيغلط بيقعد يطبب لي عليه.
ابومحمد: يا رجل وين شوفت جمال بيطبب عليهم.
ابواحمد: مثلا مباراتنا مع ذات راس احسان غلط لابو موزه والجماهير ما خلت ولا بقت من الزعل شو كان النتيجة اخينا رمى الكلر وجمال بدل ما يشنع فيه قعد يطبب عليه.وكمان لما جلسو مع الدردور حكولو بدك انروحلك توريس بنروحلك اياه يا خوي والله عمرها ماصارت انت نادي كبير انت لازم تحط شروط مش اللاعبين يقعدوا يشرطوا عليك.
ابو محمد: والله يا رجل اني شايفلك احسان لما سجل الهدف في نهائي الدرع ركض على الجماهير وهو بيبوس في الشعار هذا شي وممكن جمال يكون كلمه وكمان جمال ما بيقرا كف ليعرف انه هذا بيحب وما بيحب الوحدات وكمان بدي اسالك هي وقفت على احسان طيب هي عبدالله وبهاء ممكن يتركو الفريق.
ابو احمد: شوف اللي ما بده الوحدات ينقلع ما بدنا اياه واللي عملته الادارة بموضوع احسان اشي ببيض الوجهه وبخصوص بهاء وعبدالله يا اخي اذا في لهم عقود خارجية وين الغلط يطلعوا هي وقفت عليهم ان شاء الموجودين بيسدوا .
ابومحمد: يعني يا زلمه اذا الاداراة حكتله تعاقد هو شو دخله.
ابو احمد: مهو الادارة تاعتك نايطة يعني سيبنا ولنفرض انه مش بلجنة التعاقدات هو جمال بيك نسب باللاعبين وبعدين بعد الذهاب اكتشف انه 5 منهم مش نافعين واستغنى عنهم يعني الواحد بيخربط بواحد بثنين بس ب5 والله اشي بجلط يارجل وغير اللي نسب فيه وهم مصابين وبس تعالجوا صار بدهم يلعبوا اساسي او بيطلع اي واقولك اكثر شي بضحك روح المدافع سبيستيان وبيقولك ما بيلزمنا محترف مدافع والان قاعد بدورلي على مدافع اي روح انقلع عني انتو شو بفهمكم بالفطبول.
ابو اوس الله يعكيك العافيه
لكن امور النادي اليوم لا نسر عدو ولا صديق وهل من المعقول ان يكون صوره عن انهاء عقد احسان حداد الذي قدمه للاداره بجريدة الراي وبهذه السرعه والله شيء بسم البدن
بعدين جمال محمود نايط والله ما بينفع مع الوحدات
بالنهاية رئيس النادي واقول عنه محترم ولكن غير حازم وشخصيته ضعيفه مع الاداره ولازم يكون العكس
ابو اوس الله يعكيك العافيه
لكن امور النادي اليوم لا نسر عدو ولا صديق وهل من المعقول ان يكون صوره عن انهاء عقد احسان حداد الذي قدمه للاداره بجريدة الراي وبهذه السرعه والله شيء بسم البدن
بعدين جمال محمود نايط والله ما بينفع مع الوحدات
بالنهاية رئيس النادي واقول عنه محترم ولكن غير حازم وشخصيته ضعيفه مع الاداره ولازم يكون العكس
الله يعفيك اخي بسام نعم اخبار الوحدات بتسم البدن واللي بيقهر اكثر انه مرات الطعن بيكون منا وفينا وبخصوص الصحافة نعم هي بتبهر باخبار الوحدات وانا ذكرت هنا جريدة الراي لانها بصراحه عتدها صحافيين كارهين لنادي الوحدات وجمهورنا القديم بيعرف ماذا اعني.طبعا مدرب الفريق جمال محمود عنده عك والاداره كمان عندها عك وانا بحاول انقل حوار جماهير اللي مع او ضد جمال والادارة.