الزواج عام 2016 برن جرس الباب بروح صاحب البيت يفتح بلاقي الجماعة جايين على الموعد بالزبط، الجماعة اللي همّه الشاب واسمه “سمير” وإمه وأبوه، جايين يخطبوا البنت واسمها “سارة”… برحّب فيهم أبو سارة، وبعد السلام والكلام ومرحبا فيكم وكيف الحال، وبدور الحوار التالي: أبو سارة: ها يا سمير، شو بتشتغل؟ سمير: انا بشتغل في مجال الانترنت. أبو سارة: مُبرمج يعني؟ ما شاء الله.. ممتاز. سمير: لا يا عمّي انا مش مبرمج. أبو سارة: أكيد مُصمّم غرافيك إذا هيك.. هاد المجال إلو مستقبل كبير. سمير: لا عمّي انا حاليا مشرف منتدى الأغاني في موقع “كراكيب دوت كوم” وقريباً رح أمسك إشراف منتدى المسلسلات التركية في موقع “سلامتك من الهسهس دوت نت”. أبو سارة: مشرف كيف يعني؟ سمير: يعني انا بضيف مواضيع وبحط أغاني وبعمل اشتراكات بأسماء وهمية عشان أحرّك المنتدى وهيك يعني. أبو سارة: والله منا فاهم شي.. يعني كم بدفعولك بالشهر في هاد الشغل؟ سمير: لا يا عمّي أنا اللي بدفع لصاحب المنتدى عشان أصير مشرف.. بس قريباً رح أفتتح المنتدى الخاص تاعي. أبو سارة: ومنتداك الخاص وين راح يكون مكتبه؟ سمير: حالياً من البيت ولما الله يفتحها علينا بستأجرله مكتب. أبو سارة: وهاد المنتدى شو راح تستفيد منّو؟ سمير: كيف شو أستفيد منّو..؟!.. انا رح أفتح المنتدى وأحط فيه برامج ومسلسلات وألعاب والأعضاء راح يشتركوا فيه ويصير منتدى مشهور جداً. أبو سارة: يعني العضو كم بدفع اشتراك؟ سمير: لا يا عمّي.. العضو ما بدفع اشتراك.. أنا بدفعله عشان يشترك. أبو سارة: لا حول ولا قوة إلا بالله.. يعني مصدر رزقك من وين يا ولد؟ سمير: لمّا يكبر المنتدى وأنشره على فيس بوك راح تيجيني إعلانات بالهبل. أبو سارة: والله منا فاهم شي.. طيب انتا محوّش كم؟ سمير: أنا يا عمّي وما بدي أخبّي عليك، عندي حاليا 99 دولار في Google Adsense ووعدوني يبعتولي الشيك بعد شهرين ورح يكون وضعي المادي ممتاز، حتى اذا بدك بجيبلك براءة ذمة من Paypal. أبو سارة: الله يقضّي هالليلة على خير بس.. طيب انتا من وين بتعرف سارة بنتي؟ سمير: تعرفت على سوسو بالـ Facebook، وكنا نبعت مسجات ونعمل لبعض poke أحيانا.. أبو سارة: ويعني معرفة النت بتكفي انك تيجي تخطبها؟ سمير: آآآه يا عمّي.. ما انتا مش عارف.. انا جبت 80% في الـ quiz تاع سوسو. أبو سارة: شو هاد الـ كويز؟ سمير: معقول يا عمي ما بتعرف كويز Do you know me? على Facebook؟ أبو سارة: لا بعرفوش.. وبعدين مين هاي سوسو؟ سمير: يا الله يا عمي.. معقول كمان ما بتعرف انو سارة اسمها سوسو على Facebook؟ أبو سارة: لا بعرفش انو سارة اسمها زفت. سمير (بكل بُرود): انتا زعلت يا عمي؟ أبو سارة (بعصبية): بتعرف اذا ضليت قدامي كمان 10 ثواني شو بعمل فيك؟ سمير (بإبتسامة غبية): أكيد بدك تضيفني على facebook وتكتبلي على الـ wall تاعي، صح؟ أبو سارة: براااااااااااااااا.
مو عارف شو ارد صراحة
ليه ؟؟؟؟؟؟؟؟؟؟
موضوع نهايته بتحير هههههههههههه
مهو جاي بعرض بطولاته النتية ههههههههه
بس تخيلي هيك يصير عنجد.... الله يستر من اللي جاي
اكيد رح يكون اسوء من هيك حياتنا شوي شوي رح تكون الكترونيا بحتا فلتسقط التكنووووووووووو
اي تكنو بتقصدي في تكنويات كتيرة في جامعة التكنو في اربد وجامعة التكنو بمصر وفي التكنولوجيا حددي
سنحك
اقتباس: المشاركة الأصلية كتبت بواسطة ammar اي تكنو بتقصدي في تكنويات كتيرة في جامعة التكنو في اربد وجامعة التكنو بمصر وفي التكنولوجيا حددي فيني اتصل بصديق ؟؟؟؟؟
اقتباس: المشاركة الأصلية كتبت بواسطة سمير ابوعليا سنحك لمين هاي ؟؟؟
والله خيتو بـ2010 حالياً يعني بسير متل هيك وأكتر ...
حبيبتي هلا بصير هيك بنطاق ضيق بكرى بصير على جميع الجهات منتشر هههههههههه
هههههههههههه مشكوووورة
عمرو الاخضر هههههههههههههههههههههههههههههههههههههههه هههههههههههههههههههههههههههههههههههههههه هههههههههههههههههههههههههههههههههههههههه هههههههههههههههههههههههههههههههههههههههه هههههههههههههههههههههههههههههههههههههههه هههههههههههههههههههههههههههههههههههههههه هههههههههههههههههههههههههههههههههههههههه هههههههههههههههههههههههههههههههههههههههه هههههههههههه
↑ Grab this Headline Animator
... جميع الحقوق محفوظه لمنتديات الوحدات نت © ...
.. ][ جميع المواضيع و الردود تعبر عن راي صاحبها ولا تعبر عن راي اداره منتديات الوحدات نت بــتــاتــاً ][ ..