بسم الله الرحمن الرحيم
السلام عليكم ورحمة الله وبركاته
- حزين يمة لما أشوف شباب بتدافع عن الأقصى بصدورها العارية والناس بتطلع عليها وأنا بشوف مباراة للوحدات لعل وعسى من بصيص أمل بفرحة تخليني أنا وأخواني نفرح للحظات .
- حزين يمة لما أشوف رجال بتصرف بأموال النادي على الغرباء وبتبيع ولادها والغريب بوخذ فلوسنا وبتسلى فينا وبروح .
- حزين يمة لما أشوف رجال بتتحكم بولادنا ونادي مخيمنا وبتقنعنا بدنا نوخذ كل البطولات وبضحكوا علينا .
-حزين يمة لما أشوف اللي باعونا برجعوا وكل مرة بضحكوا علينا وبروحوا .
- حزين يمة لما ما بشوف متلك يا خالد سليم وابراهيم سعدية وحسن وأبو زمع وكل الرجال اللي كانوا معكم ما كنتوا تجيبولنا بطولات كثير بس كنتم زلام .
- حزين يمة لما بشوف ولاد صغار بتلعب مشان المصاري ونسيت الشعار اللي على صدرها .
- حزين يمة لما بشوف مدربينا بطلوا يشوفوا منيح وعجزوا وشبابنا ببدعوا مع غيرنا .
- حزين يمة لما بشوف ختايرنا بلعبوا وشبابنا بتفرجوا عليهم وطالت فرجتهم .
- حزين يمة لما بشوف ولاد حارتنا بنسبوا وبنضربوا وبروحوا حزنانين وببكوا .
- حزين يمة لما الواسطة تفتك بشبابنا المساكين لأنهم مش عاجبين الغني وملاك الأراضي والبيوت والشركات .
- حزين يمة ومتذايق لما باعوا بيتنا في المخيم وراحوا يقعدوا بالغابات .
حزين يمة لانه بيتنا الجديد لسة مطول ليجهز وما في كهرباء ومصاريه ضاعت.
حزين يمة ومتذايق لما أشوف حبيبي الوحدات ضاع وصارلي سنين بدور عليه ومش ملاقيه
سلامة شبابنا يمة رح يرجعوا يثوروا ويرجعوا اللي ضاع ويطردوا البياعين .
تحياتي الكوا كلكو والسلام عليكم وأشوفكوا على خير حبايبي
حزين والله وراتب العوضات بعلم علينا ثلاث مرات في اقل من شهرين
حزين والله وكل المعسكرات والفنادق والمصريف والبعزكه ع الفاضي
حزين والله على عبدالله ابو زمع 33 مباراه ولا خساره وتم اقالة بعد ما جاب 5 بطولات
حزين حزين حزين على فريق الطائره اصبح مطيه للفرق بعد ان كان سيد اللعبه على الاطلاق
حزين على وضع النادي لماذا وصل لهذا الدرجه من الانحدار وعلى جميع الانشطه
حزين وحزين وحزين على هيك اداء لما ابني بقول لي عندك مشوار واقول له لا اريد الخروج وبعلم فيه حب الوحدات من الصغر حتى يتعلم من هو نادي الوحدات وكيف نشأ واصبح سيد اللعبه .
حزين وحزين وحزين لما بيجي ابني وبيسأل عن النتيجه وبقول له خسرنا
حزين على هيك لاعبين مش عارفين يسددوا على المرمى من خارج منطقة 18
هل يا ترى سيطول هذا الحزن ام يستفيق الوحدات من سباته