يرحم ايامك يا عاكف الفايز - يرحم ايامك يا عاكف الفايز - يرحم ايامك يا عاكف الفايز - يرحم ايامك يا عاكف الفايز - يرحم ايامك يا عاكف الفايز
كان المرحوم من القلائل الذين خدموا النادي باخلاص وكان له بصمة واضحة لتطور النادي حيث انه في عهده اعاد بناء مبنى النادي وانشأ السوق الذي يدر المال لليوم للنادي حتى اصبح من اثرى الاندية الاردنية ( بغض النظر عن عجز الميزانية اللي اكلت راسنا فيه الادارة ) .... موضوعي انه معقول ييجي رئيس نادي يوخذلنا حقنا اللي مهضوم من زمان ... اذكر في عهد الثمانينات المرحوم عاكف الغى نشاط كرة القدم في النادي نكاية بالاتحاد الاردني وتم ذلك لعدة اشهر لغاية ما بلش الاتحاد يبعت واسطات للنادي ( مشان الله ارجعوا العبوا والله محنا قادرين ندفع 25 ليرة للحكام واقوى مباراة ما بيجي يحضرها 30 واحد مع اللعيبة ) ... مزبوط الاتحاد اتربى صح وعرف مين الوحدات وكل هذا بسبب المرحوم عاكف .... اما الان يا قلبي لا تحزن على هيك رؤساء وهيك ادارات ... سبوا على القدس وعلى الشهداء وعملنا حالنا مش سامعين ... ماخلوا لابو عمار مسبات ومجدوا شارون وباراك واكثر اشي حكينا منهم لله ... ضربوا وكسروا باص اللعيبة في المصطبة ولعيبتنا في المستشفيات وبنقول عادي فدى الوحدات بدون ما نحاسبهم وبنحكي فئة مندسة .... قلوا هيبتنا ودبكوا على راسنا بالقويسمة وما سالوا بحج ولا بولد وهبينا اولها وبدنا تحقيق وطلع الحق علينا وبنستاهل الي بصير فينا وبجيك الصحفي الفاشل المجالي بحكي لطارق خوري ( هدا الدركي يا حرام بوخذلوا 200 ليرة وداير على عيلته وما اله بوحدات ولا بفيصلي ) .... واخر بهادلهم النا .... يا قلب لا تحزن .... علني ولا سائلين في حدا على القناة الرياضية الموقرة بسمحوا لمسج حقير زي الي كتبه والي نزله على الشاشة ... طيب وبعدين شو العمل وشو راح يكون رد فعل البياري وادارته ولا راح يعملوا حالهم اخر من يعلم ... من الاخر فش رجال زي مراجل عاكف الفايز وللمعلومة هاي الامور لقدام راح يكون الها اثر سلبي على جمهورنا لانه راح يتاكد انه كل مرة بنهان والباقي قاعد على المنصة ومش سائل ... وسلامتكم
اخي الكريم اولا لا اذكر بان المرحوم باذن الله عاكف الفايز الغى نشاط الكرة نكاية في الاتحاد !! اذكر بان الاتحاد الاردني شطب نادي الوحدات من سجلاته على خلفية مشكلة الوحدات مع النادي المدلل والتي كان بطلها باقتدار الحكم حسين سليمان !! اما بالنسبة لما ذكرته اخي الكريم فانا اتفق معاك فيه تماما ومشكلتنا ادارية بحتة والتي فشلت مرار بالتعامل مع هذه الملفات الخطيرة والتي تحمل في طياتها مشاكل لا حصر لها ......لطالما كان نادي الوحدات وما يزال يحمل هموم اوطان باكملها ولكن الحمل زاد وثقل وعلى الاتحاد الاردني ووزارة الشباب تحمل مسوؤلياتها قبل حدوث ما لا يحمد عقباه .....والله من وراء قصد