هي مباراة .. ع إيش هالخوف ..!!؟ - هي مباراة .. ع إيش هالخوف ..!!؟ - هي مباراة .. ع إيش هالخوف ..!!؟ - هي مباراة .. ع إيش هالخوف ..!!؟ - هي مباراة .. ع إيش هالخوف ..!!؟
بسم الله والصلاة والسلام على رسول الله ..
كلنا متضايقين وكلنا عشنا اليوم اللي بعد هالمباراة بغصة .. بس صدقوني .. وأنا بضمن كل جماهيرنا إنو من لما صفر الحكم إمبارح إنو قالو بينهم وبين حالهم لو بترجعلي هسة بطلع ع الملعب ليوم 18/10 .. مزبوط ولا لأ ..!؟
خسرنا 1-0 نعم .. بس الأداء كان أكثر من جيد .. وكما قال معلق الجزيرة .. الوحدات ينقصه " درهم حظ " .. وإحنا بدناش دراهم يا جماعة الخير .. إحنا بدنا مباراة الإياب .. وموعدنا بعمان .. وجمهورنا موجود .. والنتيجة بإذن الله ما بتخوف .. يعني لا إحنا خسرانين 3-0 ولا 5-0 لا سمح الله .. *_____* ..
1-0 .. التعويض قادم بإذن الله .. واللي دفعني أحكي هالحكي .. حالة اليأس اللي شفتها بعيون كثير من جماهيرنا .. لأ يا جماعة مو هيك .. خلص شوط بـ كاشيورك .. ضل شوط بعمان .. وقدام جمهورنا كل إشي بصير .. الفريق الأوزبكي مش خارق للعادة .. يعني بيناتنا .. وحداتية ببعض ..!؟ .. شورتان غلبنا أكثر منهم .. O________o ..
دفاعهم مترهل .. بعودة الذيب عامر .. وبقية الشباب خير وبركة .. وسطهم سلامة خيركو .. مسكناهم أكثر من ثلثين المباراة .. خط هجوم ما عندهم .. رفعاات وبس .. شفنا الضميري إمبارح .. مسك رقم 7 تبعهم ع الكااامل .. بس المحارمة يشد حالو شوي على اللي من ناحو وربنا بيسر ..
صدقوني ما صار إشي .. أكبر فرق العالم بتخسر .. ولا تنسو إنو هاي أول خسارة للوحدات مش بالبطولة هاي بس .. هاي أول خسارة إلنا من سنتين بكل البطولات الرسمية .. حطوا شباب الأردن بالدرع ع جنب .. والمباراتين اللي خسرناهم هدول أدائنا فيهم كان أكثر من ممتاز .. يعني والله ما صار إشي ..
أنا بإسمي .. وبإسمكم يا جماعة الخير .. وإنتو الخير والبركة .. بدعو لحملة مؤازرة تدخل التاريخ للفريق عشان مباراةالرد .. أنا والله أعلنتها بيني وبين معارفي من قبل مباراة الذهاب .. بس بدنا نكون منظمين أكثر .. بدنا يوم بتنسيقنا وجهودنا .. وجمهورنا كبير وبطلع بإيدو .. بدنا نروح للعيبة ع التدريبات .. بدنا نشجعهم بالتدريبات .. ليش ما نروح بأعداد غفيرة ..!؟ .. ليش ما نعطيهم صدى وإهتمام ونشد أزرهم ..!؟ .. والله لو الوحدات شو ما بدو يصير معو رح أضل أحبو .. وإنتو أكيد كمان هيك .. إحنا جمهور محب للفريق .. مو محب لبطولات .. إحنا علمنا الناس الإنتماء .. إحنا مو زي غيرنا يا إخوان .. إحنا بنحب الوحدات .. لإنو بنتعاطى الوحدات بدمنا .. الواحد بنام وبصحى فينا وهو بحكي وحدات وحدات .. وسدقوني هاد فخر ..
ههههههه .. أبوي وحداتي وأكثر مني .. بس بحب ينكش علي .. بقلي شو ..!؟ هيكم خسرتو ..!؟ .. حكيتلو يابا وحياتك بالإياب غير نعجب عليهم .. وبتشوف بعينك .. قاللي ما أنا عارف بس بدي أستفزك شوي .. والله يا شباب ثقتنا بحالنا أكبر من هيك لازم تنكون ..
الوحدات بكينا معو كثير .. منها دموع فرح .. ومنها دموع حزن .. بس عمرو ما حدا فينا بعد عن النادي .. أو تركو بوقت هو بحاجتو .. وهدول إحنا .. بدنا من هالأيام هاي .. نشحذ الهمم .. ونزبط أمورنا .. ليوم 18 الشهر .. عندك دوام ..!؟ .. وبط أمورك من هسة وخذ إجازة .. أنا عندي جامعة وسخام ومعطل يومها .. ومن الصبح طالع .. ^____^ .. الكل يزبط أمورو .. خليها عرس .. يوم فرحة بدو يكون بإذن الله .. الكل رح يروح ع الملعب .. سدقوني والله إلي خاطر هسة أطلع ع الملعب ..
بعد مباراة إمبارج رنيت ع شب صاحبي بحكيلي بتعرف ..!؟ .. منيح ما جبنا التعادل .. حكيتلو ول ..!؟ يا زلمة ليش ..!؟ .. حكالي لإنو لو جبنا جول التعادل كان حكيتلك إستناني هيني جاي نروح ع الملعب .. حماسنا كبير .. وموجود .. وإحنا أبناء الوحدات .. وما بنتخلى عنو .. ورح نضل وراه .. بغض النظر عن النتائج .. بس هاي المباراة رح تكون غير .. هاد يومنا .. خلي كل هالناس تعرف مين إحنا .. وشو إحنا .. وشو يعني جمهور الوحدات .. كل اللي بالأردن .. ما بدنا ييجي يوم 18 الشهر وما نكون بالملعب .. الأخو ةالمغتربين لو بطلعلو ييجي ساعتين وقت المباراة ويرجع ما بقصر .. إحنا اللي جوا بدنا نقصر ..؟ .. أكيد لأ .. وأنا وإنت أخوي .. وإنتي أختي .. وكلنا .. وحداتية .. وبدنا نموت كرمال القميص الأخضر ..
إن شالله يا شباب .. فريقنا ممتاز .. وجمهورنا كبير .. وحاضر وبقوة بإذن الله ..
بس خلينا نزبط أمورنا ع أساس إنو بـ 18/10 الكل يكون ما عندو إشي غير هالمباراة ..
الله .. وحدات .. القدس عربية ..
بعون الله عالنهائي - بعون الله عالنهائي - بعون الله عالنهائي - بعون الله عالنهائي - بعون الله عالنهائي
هاي اول مشاركة الي بتمنى تقبلوني صديق وهاض شرف كبير الي. والله لو لم اكن وحداتي لتمنيت ان اكون وحداتي. انشالله موعدنا يوم28-10على زلزال وحداتي رايح يهز الملعب وبعون الله عالنهائي . اخوكوا الصغير الغوانمة.
يا ريت الكل بالاردن مثلك يا اخي..وما يضل حدا بالمنتدى او على الشاشات غير المغتربين فقط..بدنا عمان تسكر بدنا صوت الجمهور يوصل لعنا بالسعودية..ما حدا يركن على حد اخواني الجميع الى الملعب..بالتوفيق للوحدات.