لا سمح الله ... هل نحن على أبواب سنوات عجاف؟؟ - لا سمح الله ... هل نحن على أبواب سنوات عجاف؟؟ - لا سمح الله ... هل نحن على أبواب سنوات عجاف؟؟ - لا سمح الله ... هل نحن على أبواب سنوات عجاف؟؟ - لا سمح الله ... هل نحن على أبواب سنوات عجاف؟؟
بسم الله ..
ما بدي أن أكون متشائم .. وما بدي (أفاول) على مستقبلنا .. ولكن ... الي عم بصير مش مُريح أبداً
خلافات بكل شيء .. قرارات غريبه .. تشخيص خاطئ .. اقتراحات مش بوقتها .. عدم مساواة بين اللاعبين حسب قدراتهم ومستواهم
احنا مقبلين على بطولة خامسة وموسم قادم ...
فشلتم في التجديد مع دراغان أو هو الي رفض أو كان السبب (خارج عن إرادة الطرفين) ..
كل هالحكي راح وما بهم حالياً
المهم الآن انو نبحث عن مدرب يحافظ على الانجازات وما نبحث عن مدرب يحافظ على خزينة النادي ... المصاري بتيجي وبتروح .. والي بندفعو رح نلاقيه ...
وما بدنا نحكي الوحدات أكبر من الجميع وهو من يصنع المدرب وهو من يصنع اللاعب ... هاد كلام خطأ .. الوحدات كبير وهاد حكي لا غبار عليه .. لكن عندما يأتي الإنجاز يأتي من الجميع ..
إدارة واعية ومتفهمة .. جهاز فني ممتاز .. لاعبين مميزين ... جمهور عظيم
فالكل مشارك بالانجاز ... وعلى هذا التكامل يجب أن نبحث ..
موضوع اللاعبين ...
من واجب الإدارة المحافظة على اللاعبين واعطاء كل لاعب حقه ومستحقه
.. ومن واجب اللاعب تفهم وضع الإدارة والتضحية ...
و اذا حس حالو مظلوم .. يطالب بحقه .. وان تم الرفض فمن حقه عندها ان يتصرف كما يشاء ..
ومن واجب الجماهير أن تتفهم وضع اللاعب ..
رأفت علي لاعب قدم كتير للنادي .. ورفض عقود احترافية بلاوي عشان النادي ... وهناك عقود احترافية النادي رفضها بدون علم رأفت .. الآن مش من حقه يحترف ويتوج مسيرته الرياضية بإحتراف ؟؟؟ حتى لو مش محتاج مصاري ؟؟
تعجبت من موضوع أخونا أبوسامي لما حكى انو من حق النادي انو ياخد مبلغ من صفقة رأفت .... بس الكلام الصحيح انو بعد كل الي قدمه رأفت وكل العقود الي تجاهلها ... من واجب النادي انو يترك المبلغ كاااامل لرأفت في حال كان رأفت ما زال مرتبط بعقد مع الوحدات .. لأنه الي قدمه رأفت مش قليل أبداً ... وما بننسى انو رأفت بيوم عرسه لعب مباراة .. ونقطة وانتهى.
موضوع شلباية مختلف شوي .. شلباية لاعب كبير .. بس رحم الله امرء عرف قدر نفسه ...
وكل هااااي المشاكل ... أجت من ورى مبدأ .. (الخيار والفقوس)
أخطاء الإدارة في التعاقدات مع اللاعبين هي من أشعلت فتيلة الخلافات بينها وبين كبار اللاعبين ... لأنو مافي عدالة في العقود ...ولا أقصد بالعدالة انو الكل ياخد زي بعض .. لأ طبعاً .. بس أقصد انو .. كل لاعب ياخد الي بيستحقه .. وحسب مستواه .. وهاد الي مش صاير
في لاعبين بيستحقو وما أخدوا ... وفي لاعبين ما بيستحقو وأخدوا .... والآن دور الادارة تعمل مساواة عادلة .. وازا ما صار ... فترقبوا سنوات عجاف .. وربنااا يستر
...
يجب أن نفكر بالمستقبل
موضوع انو يكون المدرب ابن النادي .. هو مش موضوع غلط بس حالياً صعب .. الوحدات الآن بحاجة للخبرة التكتيكية في المستحقات القادمة ..
واذا الإدارة جادة في الموضوع من ناحية انها بدها تفيد ابناء النادي ومش من ناحية انها توفر مصاري بس ... لازم تبعت ابناء النادي لدورات تدريبية عشان تفيدهم وتستفيد منهم مستقبلاً ...
وما اروع ان نسمع في يوم من الايام .. انو رأفت علي ابن نادي الوحدات اصبح مدرباً للفريق وها هو يقود الفريق ببراعه وذكاء الى اعتلاء منصات التتويج لقباً تلو الآخر ... وكذلك فيصل ابراهيم .. وهشام .. وشلباية والكل ... تماماً كما نتفاخر حالياً بإنجازات أبو بهاء (الكابتن جمال محمود) ... على الإدارة أن تفكر بشكل ايجابي اتجاه المستقبل .. مش بس سلك حالك هالأيام وامشي ....
كل هاي الشغلات بتصير ازا خلصنا من :
1- مبدئ الي ببلاش كتر منو .
2- مبدئ الخيار والفقوس.
3- مبدئ تصفية الحسابات المتبع حالياً .
انا اتوقع اننا سنمر بسنوات اعجف من سنوات الفيصلي لاننا وقعنا في نفس الخطأ الذي و قعوا فيه من هذا العام لا اتوقع ان يلعب اي لاعب من منطلق الحب للنادي بل حسب ما راى النادي انه يستحقه فاللاعب الجيد سيلعب مثل اللاعب الفاشل لانه بالنهايه مظلوم و من اليوم مبين هالكلام الكل بدور على فرصه احسن خارج الوحدات لان الوحدات ما اعطاه حقه. حتى الجمهور لم يعد يعتمد عليه ففي لمح البصر يقلب على اللاعب و ينسى ما قدمه من ايام الفرح و الفوز فلا ادري ما الذي سيجعل اللاعب يلعب الا الماده ما دامت الاداره هكذا تحسب الامور.
رافت افنى حياته يضحي ماذا كانت النتيجه الاداره ظلمته على طول و لو لم يأته العرض الخارجي كان هو الان مهدد اما بالاعتزال او بعقد 11 الف دينار و الجمهور نسي كل ما قمه رافت.