اللي بحكي مؤامرة واللي بيحكي دراغان واللي بيحكي اكرم سلمان واللي بيحكي عساف وهشام واللي بيحكي خانكان واللي بيحكي مورينيو واللي عايش عالزمن القديم قبل خمس سنوات
يا جماعة اصحو بالله عليكم والله المشكلة مش بس في المدرب اللي زي ما حكينا لو جبنا مورينيواو انشيلوتي مع ادارة مصالح هالناس اللي قاعدة باخت هالنادي ما رح اشي يزبط يا عمي فرق الاردن كلها واقعة وبتعاني من كل اشي والدوري عنا والله يمكن من عشر سنين اللي بيحصل علية بدعاء الوالدين
قبل سنتين كان شباب الاردن بده يهبط وهو قبلها بسنة او سنتين محقق بطولات الجزيزرة كان فريق واقع والرايح والجاي بيطسو والرمثا عندهم مشاكل خير الله مع انهم كانو قبل كمان سنة متصدر وبنافس الوحدات طول مرحلة الذهاب والاهلي امبارح طلع عالممتاز والصريح السنة اللي فاتت صدفت معه وحافظ على حاله وكفرسوم بينازع عشان يظل بالممتاز وذات راس اخو المنشية بيطلعو مع بعض وبينزلو مع بعض بس ذات راس خدع المنشية بهالسنة والاصالة الوحيد اللي اعطى كل ما عنده بس ما عندو خبرة البقاء بالدوري والحكام ما قصرو معه والحسين اصلا كانه معزوم عالدوري بالغلط مين ضل ليكون نسيت حدا ذكروني اه البقعه البقعه فريق مش عارف هو بلعب بالممتاز او في الاولى صار مبدل ست مدربين ضل احنا برضو احنا مش احسن منهم بس احنا بنفرق باشي واحد عارفين شو هو
احنا الجماهير
انتو اللي عاملين لهالنادي طنة ورنه وانتو اللي بنحضر باعداد كبيرة عشان التلفزيون الاردني يقدر يغطي وعشان يصير في شغل لقدري والمعلقين حرام كمان عشان لما ييجي صدى الملاعب يجيبلو خبر عن الدوري الاردني يعني بالخلاصة انتو يا جمهو رهالنادي الرياضة في البلد اما بالنسبة للفريق الواقع من طيارة اللي اسمه الوحدات واللي لو اللاعب بيلعب عشر سنين مع اي نادي ما بينعرف الا لو مر عنادي الوحدات فاي واحد بده يشجع لازم يتحمل لو بده ينجلط غير هيك انسى وخليك تابع الريال والبرشا وفك حالك من الخنقة
اخرتك تشوف زياد واكرم وبسام وعوض الاسمر لخط الدفاع
النجار والدكتور وهيثم خط وسط
طارق خلف المجهاجمين
واي اتنين من افريقيا او حتى مدهونين بيمشي الحال مهاجمين محترفين
والسيناوي حارس النادي بينفع لحراسة المرمى