عشر سنوات سمان - عشر سنوات سمان - عشر سنوات سمان - عشر سنوات سمان - عشر سنوات سمان
الي كنا نسمعوا من الاداره قبيل الانتخابات انو الفريق بعطي لعشر سنين لقدام وكل البطولات بالجيبة الصغيره حسسني انو والي مصر عشر سنوات سمان بس المشكله انو سيدنا يوسف مش بعصرنا عشان يفسروله رؤياه .
عنجد هذا اكبر دليل على حماقه وتياسه هيك اداره اذا كل محترف مهوي بتجيبوا لموسم ويا ريت يكملوا حتى و المدربين نفس الشي ما بكمل موسم الا مغيرينوا وجايبين اطقع من الي راح
اولاد النادي عند اول عرض خارجي بخزي بتلاقي طلع ويا ريت على نادي مشرف كلهم دايرين على مصالحهم الشخصيه وممكن يكون في عندهم وجهه نظر لانو احنا بزمن الاحتراف الي مش موجود عند العصابه وين الخطط وين فريق العشر سنين مهو الاعب الي بطلع يحترف برجعلنا مفرهل الله وكيلكم ولا لاعب رجع عالنادي
وبفتح النفس الدميري وعبدالله ذيب وغيرهم كمان من سئ لاسؤ عنجد لو في خير ما رماه الطير نفس الشي عامر ذيب
ميت بالوسط ربط بالخطوط ما في عندوا وبرضوا بضلوا اساسي زيوا زي صاحب الطابه -ابن زعيم الغلابه -
قال ايش جبتلكم لاعب بخمس الاف يختي عليك ما افهمك كلو تخبيص بتخيص لافكر ولافهم كروي لا عالمدى
القريب ولا البعيد مبارح بشوف تحليل لاحد الاشخاص عن خطط اللعب وانو كل المنتخبات الي فازت بكاس
العالم كانت تمتلك افظل ضهيرين وانا بايدوه لانو لما كان احمد عبدالحليم وكان فيصل ابراهيم او المحارمه
كان في اداء وتناسق حلو بين الفريق والهم نزعه هجوميه قاتله والان الحمدلله ما في بس موجود خشبتين عالجناحان
مهاجمين الحمدلله هو واحد جبناه عليه العين وبعدها كسرنا الجره من وراه وحلفوا يمين زيوا ما يجيبه اخ بس
نرجع على الاستثمارات ما في قال والمشكله انهم تجار ومستثمرين ولكم ولا عقد رعايه على العين ما في بدل ما يعملوا على تسويق النادي بشكل عالمي وافضل اانا اسف نسيت انو نادي شلاليه صار وكلهم بعرطوا
وبعملوا طوابق على ظهروا للاسف يا ناس قناه فضائيه للنادي مافيه شوف قديش راح تجيب مصاري للنادي
وهذا مثال بسيط وبس دايما بختلفوا عالنسبه بين بعض حسب ما بسمع
بالاخير الله يعين الجماهير على هيك اداره الي ابسط اشي الحكي بعرفوش يحكوا
اخوي الايه كانت عن قصه حدثت مع سيدنا يوسف مع احترامي للدين والقران الكريم
عن رؤيا بشر فهي تعبير مجازي قصدي عن المتنبأ صاحب الرؤيا زعيم الغلابه ما بعرف اذا فيها شي بنغيرها فدوى الطيبين جماهير المارد