بصراحة ... أنا بدّيش أروح عالملعب !!! - بصراحة ... أنا بدّيش أروح عالملعب !!! - بصراحة ... أنا بدّيش أروح عالملعب !!! - بصراحة ... أنا بدّيش أروح عالملعب !!! - بصراحة ... أنا بدّيش أروح عالملعب !!!
مع أنه الجو عال العال ، وحيكون منظر خيالي للجماهير قليل ما نشوف زيه بالعمر ، يعني الوقفة بالطابور مع جماهيرنا حقيقة إلو طعمة ، بتحس حالك قاعد مع عزوتك ، خاصة لما يبلّش كام واحد يوزّع نكت على منافسنا الناسف حاله من حاله ، وآه لما يطلعلك واحد زكرت بتلاقيه بآخر الدور وفجأة بتلاقيه بأول الدور .. يا الله الله يهنيه شو بدنا نعمل بظل من رقاب العظمة ، شو وين وصّل الدور ، لسّة مطول يا رجل ، بجيك واحد يحكي " نفسي أشوف البوابة بس أشوف البوابة بعرف أني وصلت " ولما يشوف البوابة بكون يمكن بعيد عنها أربعينطعش متر وحداتي ، مالنا ومال الحكي بدها صبر وبدها زُلم ، آآآه قرّبت يابا قرّبت هيها الحزامات والولاعات بتطاير فوق شكلنا قرّبنا على المقص اللولبي ، أيوااااااان عشرينطعش قاعدين بشلّحوا بالجماهير عفوا بفتشوا بالجماهير ، معلش كله من أجل راحتنا وهاظ عملهم اخوانا الدرك والله نشامى قوات الدرك الله يحيهم ، وااال في باب على اليمين لما تدخل بتلاقي الناس مليانة فيه وعمري ما شفته فاضي ، كنت أقول الله يرزقه شكله كونتين أرزاق طلع بعيد عنكم " خخخخخخ " أكيد مريته عليه بين الشوطين ، بس اللي بقهرك الناس عليه فوق بعض كأنهم قاعدين بحضروا مباراة للوحدات ، وهسة عرفت ليس هالمكان دايما مليان ... !!!
كام درجة إلا أنا وجهي بوجه الملعب وما بتشوف الا ساندويشة بوجهك كأنه لازم تشتريها ، يعني شكلها ساندويشة ما تدققوا .. إلا ما تلاقوا فيها إشي يتاكل ، المهم لازم تشرب معها شي هالساندويشة عشان تقدر تزرق لتحت في عند اخونا ما بتعرف هو سطل أو اشي زي هيك بس بطلع منه بخار وفاهم الدرس أول ما بشوف معك ساندويشة أو سيكارة بجيك ركظ وبصبلك كاسة أكرك " عجب " المهم أكيد عرفتوا ليش هظاك المحل مليان ناس ... !!!
بدّك حوالي شي نص ساعة لتلاقي مكان يناسب حجمك المشكلة أنه لما تلاقي المكان المناسب رايح يجيك شب محترم ويقلك " يا شب ممنوع " بتقوم بتحترم حالك بتروح على مكان ثاني بتلاقي واحد ثاني بقلك " يا شب محجوز " المهم بالأخير بتلاقي حالك من حالك ورى الجوول مع أخوانا أيمنوني وعبدالحكيم وريتا وعنان يعني شلة الختيارية اللي حفظوا الدرس قبل عشرطعش سنة وحداتية وما بغلبوا حالهم حتى لو أجو أول الناس والملعب فاضي رايح تلاقيهم ورى الجول لأنه من أول هجمة للوحدات بتلاقيهم من قوة الطرد المركزية الشبابية برضوا ورى الجول "" يا عمي ختيارية ما بقوووا على الشباب "" .
المهم هينا قاعدين ورى الجول وعاملين حالنا أنه احنا بنحضر المباراة ، المشكلة لما نحمى وبدنا نشجع مع الجماهير ، يا حرام بنحس حالنا زي أهل الأعراف يوم القيامة ما بنقدر نرد لا على الأولى ولا على الثانية لأنه لما نرد على حدا منهم بكون هاظ صدى صوتهم وبنصير زي الهبل نطلّع على بعظ ، فا بنوخدها من قصيرها وبنظل نطلع على الكرة وين رايحة وبأي اتجاه وغالبا احنا آخر ناس بنصفّق وأول ناس بتقعد بعد كل هدف ، حاسس حالنا مالناش لازمة ...!!
المهم أنا باختصار بدّي أوصللكم وجهة نظري ليش أنا بدّيش أحظر المباراة وهاظ لسبب وجيه جدا .... لأني بعيد عن الملعب ييجي إشي ألفينطعش كيلو متر وحداتي ، يعني بالعربي والمصرمحي لو كنت موجود بالبلد لتلاكوني من هسّة حاجز دور لأ ووين ...................... طبعا ورى الجون .. !!
عجبتني سولافتك
اكيد عرفته المكان
هههههههههه
يا رجل الوحدات في هذا اللقاء تحديدآ على استعداد ان اجلس في الممر بس اكون خلفه ان شاء الله
يا رب تكمل علينا بالفرحة
شكلي رح اجرب القعدة ورا الجوول لاول مرة لانه رح اوصل عالملعب عالستة بعد الجامعة
القعده ورى الجووووووول الها ايجابيات و فوائد
1 بتقعد براحتك من اول المباراة لا اخرها .
2 . ما بتلاقي واحد بقولك يا زلمه مالك ساكت .. غني معانا ول عليك .. وبس اتغني بجيك واحد بقلك كلمة غريبه ( انت ما عندك اذن موسيقية )
3 . لما يجي الجوول بتوقف و بتنط براحتك .. اما بين الشباب تحس لغم ارضي انفجر و كل طلع على ظهرك و خصوصا اذا الله اتعسك و اجا اللاعب الي دخل الجووول قدامكم .. الدرك من امامكم و الثوار من خلفكم .
4 الميزة الاهم انك و انت قاعد ورا الجون بتمارس الحياة الاجتماعية الرائعه من خلال مساعدة الاباء في مسك ابناؤهم و الحفاظ عليهم من العجقه
لأني بعيد عن الملعب ييجي إشي ألفينطعش كيلو متر وحداتي ، يعني بالعربي والمصرمحي لو كنت موجود بالبلد لتلاكوني من هسّة حاجز دور لأ ووين ...................... طبعا ورى الجون .. !!
بصراحة ... أنا بدّيش أروح عالملعب !!!
