لا لتضمين المباريات ..... بعد اليوم - لا لتضمين المباريات ..... بعد اليوم - لا لتضمين المباريات ..... بعد اليوم - لا لتضمين المباريات ..... بعد اليوم - لا لتضمين المباريات ..... بعد اليوم
بسم الله الرحمن الرحيم
اشكاليات
ارتفاع وتيرة اصوات
تطنيش
استهتار
رمي عشاق في عز دين الشمس
معاملة مثل الزفت ( انتم اعلى قدر )
هذه ليست احداث سوريا .... هذه ابواب ملعب القويسمة
المسبب : الادارة + المتعهد ( المحترم ) + الدرك
بداية وصلنا الملعب الساعة 3.10 وجموع الجماهير والامام عيني ( والله شاهد ) تغادر ادراج منازلها تشكو ارتفاع اسعار التذاكر والمعاملة السيئة
تابعنا حتى وصلنا اكشاك بيع التذاكر
ما يقارب 2000 شخص يقفون مزاحمة اما الشباك
تتعالى اصواتهم ( التذكرة بأربعة ! .. ما حدى يشتريها الا بثلاث ) فمنهم من عاد المنزل ( لا ادري لماذا ) ومنهم من واصل المشادات الكلامية مع بائعي التذاكر المتجولون
المهم دخلنا الملعب ... وإذا بالدرك في وجهنا
شباب ( كل واحد معو قداحة مي يرميها هان .... سألته : المي ؟
قال اااااه شو مالك .... المهم شربت من المي .... وفضيت العلبة ووضعتها على جنب وسط جحرات من رجل الدرك ( اللي كان نفسو بشربة صغيرة )
مع العلم .. اقم بالله الصف الاماي من المدرج جميعه يحمل ( زجاجات ) المياة !
لأكون ملطشة وانا مش داري ؟.
صديقي من بجانبي (هب) فيه رجل الدرك يقول.. لابس جلد بإيدك مثل النسوان اشلحهم ..... هاي المرة بسمحلك تاخذهم معك .. المرة الجاي باخذهم وبقطعهم
سؤال : احنا فتنا تجنيد عسكري ولا مدرجات جمهور
ما وظيفة الدرك : حماية الملعب والجمهور
ولا تعليم الجمهور الزلومية
فعلا اشي بخزي
هاذ غير في نهاية المباراة وجدت اوراق على الارض وعندما اخذها مني الضابط وابتعاده عن مكان تواجدي .. وجدت دركي يصرخ ويقول .. انتا يا هيييه شو بتعمل هان روح يلا ممنوع .. رديته : وديت للضابط اوراق لقيتها
صار يحكيلي تعال تعالي : وقف هان انقلع !
شو ؟ بحكيلك وديتلو ورق : بحكيلي : طب روح يلا ! ( تحقيق كان ) ؟
بالاخير : الكثير منكم راح يحكي شو هالقصص التافهة
بس والله اللي انحطيت فيه من مواقف ( تقهر ) وتدخل الدرك بمواضيع لا دخل لهم فيها بالاصل ولا يجوز منهم التكلم مع الجماهير بطريقة استفزازية غريبة ....
وبالاخير نحترم الدرك بكل ما يفعلوه لصالح جماهير الاخضر
ولكن ليس من المعقول ان تتم اجراءات بسيطة بهذه الكيفية وبهذه الطريقة من الكلام فبالاخير انا كمواطن اردني من احقي بأن احظى بأرقى نوع من المعاملة من قبل قوات حفظ النظام و الشرطة وغيرها .......
وبالاخير مبروك لجماهير الوحدات الرائعة الفوز ةالتأهل ال دور ال 8 بالبطولة الاسيوية .
نفسي بس اعرف لمتى السكوت يا استاذ فهد البياري انتا والريس طارق خوري كل هذا خوف الله اكبر بكفي دمار المدرب راح الله يستر من الجاي لا تنسي يا ادارة احنا اولاد مخيمات وكلمة الخوف مش موجودة بقاموسنا بلا ادارة بلا هم فاضي مصلحة الوحدات فوق الكل والمشفاهم يفهم
والله وانا كمان صارت معي انا وصلت الملعب 2 ورخنا شترينا التذكرة الوحدة ب4 دنانير المهم رحنا وقفنا عندالدرجة الاولة الغربية وقت طول لل4 واجى الدرك بحكولنا هاي مش رح نفتحها المهم رحنا على الدرجة الاولى الشرقية وقفنا بالدور وصارو يحطو حواجز يودزو فينا حتى ماقدرت اتنفس بعدين اخدوني وحطونا قدام ودخلت وبحكو معانا من روس مناخيرهم
اخي الكريم المشكلة بأن معظم افراد قوات الدرك غير متعلمين وغير مثقفين .
اسمح لي اقلك قصة حصلت مع احد المصورين في الملعب .
كان المصور داخل لأرضية الملعب فسأله واحد من الدرك .. شو الكاميرا اللي معك
ديجيتال ولا تصوير عادي ؟ ههههههههههه بيقصد بالديجيتال ( فيديو ) كونه ممنوع ادخال كاميرات الفيديو لأرض الملعب . المهم المصور قله تصوير عادي علما بان كل الكاميرات الحالية تصور فيديو وعادي ههههههههههه .. المهم دخله .. وبالطريق
لقاه واحد تاني .. قله شو هالكاميرا اللي معك ... ديجيتال ولا عادي ؟؟ قلو لا ديجيتال
قلو طيب ادخل هههههههههههههههه !!!!! تخيلوا مش عارفين شو بدهم ....!!!!!
هذا دليل على الجهل والله .. والمحزن بالأمر .. إنه الدركي بيكون عمره 20 سنة
وبيكون يصرخ ويضرب واحد قد ابوي عمره 55 سنة !!! والله عيب ...