اعتذار للعريس ابو شهاب .. وبدي حق عرب من ابو فاره

[باسل بدير]

اعتذار للعريس ابو شهاب .. وبدي حق عرب من ابو فاره - اعتذار للعريس ابو شهاب .. وبدي حق عرب من ابو فاره - اعتذار للعريس ابو شهاب .. وبدي حق عرب من ابو فاره - اعتذار للعريس ابو شهاب .. وبدي حق عرب من ابو فاره - اعتذار للعريس ابو شهاب .. وبدي حق عرب من ابو فاره

اتفقت مع ابو فاره للذهاب سويآ الى اربد لحضور زفاف ابو شهاب

ولكن ابو فاره اعتذر بالوقت الضائع .. لا راح ولا خلاني اروح

سوّدت وجهنا مع العريس

بدي حق عرب

والف مبروك يا ابو شهاب اتمنى تسامحني

[عبدالله الكعكة]

- - - -

مهو يا عم الله يسامحك
لازم بس تركن .. تركن على اسد


ااااااااااااااااااااسد
مش جزرة

[khaled salameh]

- - - -

له له له يا ابو فارة !! بصير هيك ؟؟!! التصريح ينسحب في اللحظات الأخيرة !!

[jamal nashwan]

- - - -

الله يخزي الأرانب وسيرتهم !.



إلنا أكمّن يوم مرتاحين منهم ومن قصصهم الفارطة ..

[قاسم ابو فاره]

- - - -

عن انو وقت ضايع بتحكي يا مختار،، الإعتذار تم يوم الإثنين الساعة 9.01 دقيقة صباحا،، والعرس يوم الخميس الساعة 7.00 مساء!!!!

[jamal nashwan]

- - - -

اقتباس: المشاركة الأصلية كتبت بواسطة قاسم ابو فاره     عن انو وقت ضايع بتحكي يا مختار،، الإعتذار تم يوم الإثنين الساعة 9.01 دقيقة صباحا،، والعرس يوم الخميس الساعة 7.00 مساء!!!!

طيّب شو يعني كثيييييييييير ؟!.

بين ما يلبس ويتعطّر ويتكتك أموره ويجهّز حاله ويثبت إنّو رايح ع عرس صاحبه
مش ع إشي ثاني ،
و ع بين ما يقدّم ع مغادرة هو الثاني يا دوب تلحّقوا ..

آه وقت ظايع ، ليش الغلط هسّة ؟.

وِلّا وَبَرَك بحُكّك ؟!.

[عبدالله الكعكة]

- - - -

هسه متى العشاء عند ابو جزرة مشان يغطي على عيبو ويستر على غلطو ؟

[جهاد علي]

- - - -

يا عيب الشوم بس ,, مش عمله هذه
فعلا بدها حق عرب ولازم اكون موجود

[قاسم ابو فاره]

- - - -

اقتباس: المشاركة الأصلية كتبت بواسطة عبدالله الكعكة     هسه متى العشاء عند ابو جزرة مشان يغطي على عيبو ويستر على غلطو ؟

الإستراحة بتقطع،، شو حكيت،، مين اللي مشا؟؟؟؟

[قاسم ابو فاره]

- - - -

اقتباس: المشاركة الأصلية كتبت بواسطة jamal nashwan     طيّب شو يعني كثيييييييييير ؟!. بين ما يلبس ويتعطّر ويتكتك أموره ويجهّز حاله ويثبت إنّو رايح ع عرس صاحبه مش ع إشي ثاني ، و ع بين ما يقدّم ع مغادرة هو الثاني يا دوب تلحّقوا .. آه وقت ظايع ، ليش الغلط هسّة ؟. وِلّا وَبَرَك بحُكّك ؟!.

على هالرشة الحق على ابو شهاب،، هو اللي تأخر بالعزومة، كان مفروض يعزمه قبل سنة تيلحق يعمل كل هالسواليف!!!

[قاسم ابو فاره]

- - - -

اقتباس: المشاركة الأصلية كتبت بواسطة جهاد علي     يا عيب الشوم بس ,, مش عمله هذه فعلا بدها حق عرب ولازم اكون موجود

اطلع منها انت يا قرنبيطة

[باسل بدير]

- - - -

يّم .. هسّا صار الحق علّي أنا !!!

ما احنا اتفقنا ورتبنا أمورنا .. ما كان من الأول تحكي ما خلّتنيش اروح .. ولا بس شاطر تتخوث على ابو شقره والعباهره

[جهاد علي]

- - - -

اقتباس: المشاركة الأصلية كتبت بواسطة قاسم ابو فاره     اطلع منها انت يا قرنبيطة

لازم احكي مع المختار يسحب العضويه منك
او انه الجمعيه تتبرى منك
هذه عمله بتعملها بالمدير التنفيذي للجمعيه؟

[jamal nashwan]

- - - -

اقتباس: المشاركة الأصلية كتبت بواسطة باسل بدير     يّم .. هسّا صار الحق علّي أنا !!! ما احنا اتفقنا ورتبنا أمورنا .. ما كان من الأول تحكي ما خلّتنيش اروح .. ولا بس شاطر تتخوث على ابو شقره والعباهره

رافق الأسد لو أكلك ، ولا ترافق الأرنب لو حملك ..

هون الأمثال هاي بتبيّن !.

[باسل بدير]

- - - -

انا بدي اترك الحكم الكم يا شباب .. شوفوا الحوار اللي دار بيننا عالفيس والقرارا إلكم

https://www.facebook.com/qnaji/posts/987337931281127