ما بعرف .. في ناس بتظل طول عمرها بتشوف الأمور من خزق ظيّق ، عمرها ما بتقدر تقيّم الأمور صح لأنه منظارها خُزُقه ظيق ، هظول الناس عاميهم حقد على كل شي لونه إخظر ، شفنا أصحاب الخزوق الظيقة كيف تعليقها على حماسة لاعبينا بالمنتخب بأنه " واجب وطني " ، أنا معاهم أنه هاظ واجب وطني بس برّة المنتخب بعتبروه صار حلّ من هاظ الواجب صار مو وطني ..!!
خليني أجيبها على بلاطة .. هظول ناس بعتبروا كل واحد بخدم ناديهم وطني ، وغير هيك مو وطني ، وللأسف الشغلة ماشية معاهم حتى بالمنتخب ، كل واحد إخظر بالمنتخب بكون وطني بشكل مؤقت ، برّة المنتخب بصيروا مو وطنيين .. طبعا لا تنسوا الخُزُق !
احنا كوحداتيين خُظُر ، بنعرف شو معنى الواجب الوطني وبنعرف كيف نرفع راس الأردنيين جميعا وإحنا خُظُر محليين بالنادي أو حتى دوليين بالمنتخب ... لأنه منظارنا خُزقه واسع !
بالمنتخب تنصهر النادوية ، وبصير نوع من الحميمية بين كافة الجماهير ، الا بعظ الناس الله يهديهم ، ويصلح بالهم ، ما بشوفوا كيف فرحة الاردنيين من الشمال للجنوب بهدف وفوز أردني .
طيب جماهيرنا الخظرة وفرحتها بفوز منتخبنا .. هاظ شو اسمه !!! اذا بتسموه واجب وطني .. فشكرا إلكم فقد اعترفتم أننا وطنيون !
للاسف هناك من ينظر الى المنتخب بصورة نادوية بحتة . ولا يهمهم منتخب الوطن بقدر ما يهمهم النادي كما تفضلت .
واعطيك مثالا واظنه يشمل الكثير ممن قصدتهم ويعبر عن الواقع الفعلي الذي نعيشه ( منهم من تمنى خسارة المنتخب من كل قلبه لوجود 6 لاعبين من الوحدات في التشكيلة الاخيرة اما اليابان ) ,فهل هذه هي الوطنية الحقيقية !!!!!!!!!!!!!!!!