محاولات بائسة لاعادة بناء باب الحارة الهذولاكية - محاولات بائسة لاعادة بناء باب الحارة الهذولاكية - محاولات بائسة لاعادة بناء باب الحارة الهذولاكية - محاولات بائسة لاعادة بناء باب الحارة الهذولاكية - محاولات بائسة لاعادة بناء باب الحارة الهذولاكية
بسم الله الرحمن الرحيم
اخوتي الاعزاء الوحداتية الكرام السلام عليكم ورحمة الله وبركاته...
تطالعنا الصحف المحلية او من يقرا منتديات اردنية عن اخبار كوابل من القنابل عن استعدادات الغريم للاستحقاقات المقبلة وابتهج الغريم بتعاقدات جديدة او استعادة غربان مهاجرة.... ما علينا
نبدأ مع صفقة الموسم.. القنبلة الغراب المهاجر حشونة.. كم اساءني خبر حرمان حسونة عن مباريات الوحدات وخروجه للاحتراف لما نعلم ان حسونة هو فجوة خط الوسط بعصبيته الزائدة ناهيك عن تأخير جميع هجمات الغريم فهو يعمد الى قتل اللعب والتحرك الى الخلف بدلا من التحرك الى الامام.. احتراف حسونة من الاخر كشفه في الجيش... وما ضل مستور الا انكشف في المنتديات السورية وخصوصا الجيشاوية عن احتراف حسونة والكل ذم فيه هناك وهاي شهادة محايدين مش من عندنا جايبين الحكي.. ولما حسونة شاف الموضوع طالع من ايده لعب لعبة الانتماء انه ما بلعب ضد فريقه علشان هيك فرط العقد.. طيب يلا صدقناك على أساس الجماعة كانوا ميتين عليك تلعب وما كانو زاتينك على الخط... بنقول لحسونة اهلا وسهلا
رجوع حاتم عقل للدفاع الفيصلاوي
مازالت مسألة حاتم عقل معلقة.. فأن جاءه عقد احتراف من السعودية سيفتح له الاحضان ويحزم حقائبه لكن الشهادة لله فأن حاتم عقل يمتلك من الخبرة ما يؤهله لتنظيم خطوط الدفاع
التعاقد مع المحارمة كدينامو للوسط
المحارمة قد رجع من اصابة بليغة ابعدته عن الملاعب مدة طويلة... نسأل الله الشفاء لكل اللاعبين فالاصابات شيء مختلف عن الانتماءات... المحارمة كانت شروطه لكل النوادي كالتالي: عقد لمدة سنة يستعيد بها عافيته ولياقتة ويستعيد لمسته للكرة ثم الاحتراف الى الخارج.. مستوى المحارمة على الاغلب منخفص ويحتاج بعض الوقت للتأقلم.. على العموم حتى لو بده يبدع البركة في حسونة اللي رح يزعق فيه ولك باصي هون
أحمد هايل... بصراحة لم يقنعني هذا المهاجم.. خلال فترة الاحتراف في سوريا لم تتعد أهدافه أصابع اليد الواحدة. بس برضه بنحكي للحج احمد أهلا وسهلا
النواطير والعتيبي... العتيبي علشان دخل هدف في الوحدات والنواطير على اساس بدل انس حجي اللي لما كان بلعب في الفيصلي كان احسن لاعب عندهم والان لما اجى النواطير صار حجي مش نافع النواطير احين منه بمليون مرة
ابو كشك.. ياريت لو حدا يحكيلناشو موقف الاتحاد من قضيته وهل يمكن ان يلعب او لا... الله يسهل على البهداري اللي كان قاطع عليهم المي والكهربا
كان الكل يحتج على العمايرة مع انه هو اللي كان مرقع عليهم وكم من هدف محقق كان ليسجل لولا العمايرة.. الان الكل بحكي انه لازم يفتحوا مجال للشباب.. مع احترامي للحارس الخوالدة بس بدك فت خبز لما توصل للعمايرة .. يلا ان شاء الله العندليب رح يغرد ويمزع شباكك لما يحكي بس
ناسي مين الاسماء الثانية بس كل التعاقدات أزمت خط الوسط.. الله أعلم مين الدفاع عندهم حاليا لكن أنا شايف انه الامور تمام التمام.. وكالعادة.. شهر زمن ورح نسمع عن تغير المدرب وعودة الهوضات
الوضع الوحداتي... الكل كان متخوف من خروج رافت البيكاسو.. لكن أولا عن اخر رافت مش رح يضل اكتر من موسمين.. العمر اله احكام والزلمة كفى ووفى مش يعني انه مستواه نزل لكن كمان سنتين ثلاث بالكثير وخلص
المدرسة الوحداتية لديها من الثمار اليانعة التي بحاجة لمن بقطفها فقط لا غير... عودة كابوسهم الابدي الحوت شفيع الذيب عامر الشاطر حسن وشلباية وقع.. ان شاء الله المدفعجي عبد الحليم الجلاد يرجع بقوة ويديقهم الويل. الحويطي ما شاء الله عليه ولو انه بده شوية على الانضباط وبطلع ما شاء الله عليه عندنا المحارمة والردايدة اللي فتحوا اتوسترادات للصبح في الافرقة الثانية عدا عن كونهم جواكر بلعبوا في اكثر من مركز..الضميري وباسم فتحي اللي بده شوية هدوء ويركز على الانذارات اللي ببلاش
ابو الياس وابو طعيمة ولو بدنا نعد ما بنخلص ما شاء الله كل اللي عندنا نجوم وكل الاندية بتاخذ من عندنا.
والناشئين ما شاء الله عليهم بس بدهم شوية فرضة وشوف شو بطلع منا... مابدنا تعاقدات زي غيرنا بالهبل بس المهم اسماء تيجي وخلص... كل اللي بدنا اياه فلب دفاع بدل من البهداري ولو انه لا يعوض
المحصلة يا شباب ان شاء الله الكتيبة الخضراء مكتملة الصفوف ولا عزاء للهذولاك