عاجل عاجل اربحت طياراة ،، مش..إعلانات تجارية - عاجل عاجل اربحت طياراة ،، مش..إعلانات تجارية - عاجل عاجل اربحت طياراة ،، مش..إعلانات تجارية - عاجل عاجل اربحت طياراة ،، مش..إعلانات تجارية - عاجل عاجل اربحت طياراة ،، مش..إعلانات تجارية
يا لزيز يا رايق، المرور إيزي والاستلام إيزي
هذا هو حال الوحدات إن شاء الله..لزيز ورايق والمرور نحو الصدارة كان عن جد إيزي ..واستلام الكأس إن شاء الله بكون (أأزز) يعني أكثر إزازةً
"which means "easier
بس لازم يكون عنا حساب مرتب في بنك خارجي زي (QNB) حتى نحكي براحتنا وما حدا يحاسبنا
~~~~~~~~~~~~~~~~~
إنتا مش إنتا لمّا تكون جوعان
لفيصلي..جائع للألقاب ولإنه مش محصّل عليها هالسنة فهو مش هو ، والمشكلة إنه مزنوق حبتين ومش قادر يشتري سنيكرز حتى يسد جوعه، أصلاً يا دوبك يجيب الخبزات ..بس بحكولك جاي عليه دعم بخليه يشتري سنيكرز وبوظة بترا كمان إم الـ35 قرش ..هيك كان سعرها أيام زمان بعرفش كم صارت هالأيام هاد لو لساتها موجودة
هذي حياتي
شباب الأردن زي الباربيكان..هذي حياتي وهذا لعبي وهذا دَوري في الدَّوري..بشارك بتحديد البطل من أول ما طلعت عالممتاز بس السنة ما طلع بإيدي إشي ..بديش أكثر لإنها هذي حياتي وأنا راضي!!
قوّي قلبك
هذا حال البقعة والمنشية..حصان أَسْوَد وأُسُود الصحراء ..بس لو قلبهم أقوى شوية كان شفناهم فوق الفوق..كان الحصان افترس والأسد طار
الحُبيبات جاية
في الرمثا كل سنة بنسمع نفس الوعود..الموسم القادم أفضل والجاي أحسن من اللي رايح، بس للأسف عالفاضي ولا عمرنا شفنا شي أفضل ..فـ "الحُبيبات جااااااااااية" لكننا بانتظار "رج العلبة جيداً قبل الفتح"
كلّك حركات
يا ويلي على حركات اليرموك ما أزكاها، مش غَلّب الجوعان وشرب 3 قزايز باربيكان؟! +
بدنا أكتر من هيك حركات حلوة مع الكل إلاّ مع اللزيز الرايق..عشان السفن أب ما بزبط مع البايسون
~~~~~~~~~
الطَّعمُ يأخذُكَ إلى هُناك
العربي والجزيرة..رغبتهم يروحوا "هُناك" في منطقة الأمان بس لساتهم بدوروا على "الطَّعم" المناسب حتى يأخذهم إلى "هُناك"
لواحد مش لاتنين
المركز اللي فيه كفرسوم لواحد مش لاتنين..واحد بضل في الممتاز والتاني بروح للأولى..يا ترى رح ياكل كفرسوم التويكس لحاله ولا رح يشارك فيها الحسين؟!
~~~~~~~~~~
خليك قدّها
الحسين لازم يكون قدها ويضل في الممتاز..وهو قدها إن شاء الله
مش حلو الدوري بلا الحسين..ومش متخيله أصلاً بدونه
بيعطيك جوانح
الأهلي العريق شرب ريد بُل وعالفاضي..قصّرت معاه وهينا رح نشوفه في الأولى..إلا إذا الاتحاد قرّر يشتري ريد بُل على حسابه للأهلي وأعطاه جوانح ورجع للممتاز
يا قوم..
وربُّ الكعبة الموضوع ترفيهي والقصد منه نرفّه عن حالنا شوية وننسى الـ(tension) اللي إحنا فيه هاي الفترة
وأحذركم عضو عضو وقارئ قارئ ومشرف مشرف |تصدقوش إنتو، الحكي مش إلكم| من الاستفزاز أو كتابة ردود مبطنة مسيئة
وإلا سيتم استخدام تايد لإبادة هؤلاء النفر
مع تايد للغسيل...أبيش مستحيل
بصدق موضوعك يستحق القراءة ويحقق الهدف الموضوع من أجله الا وهو فرفشة الأعضاء وازالة حالة الشد اللي مش مفروض تكون موجودة لأننا نستعد باذن الله لتحقيق رباعية ثانية وان الله أكرمنا بيزيدوا بالكأس الآسيوية ،، قولوا آآآآآآآآآآآآآآمين