السلام عليكم يا شعب الخضرا ,,, إن شاء الله يوم حلو و جميل عليكم جميعاً ,,, و إن شاء الله ربنا يكتبلنا الفرح و المودة بكل أيامنا إحنا و جميع أمتنا العظيمة ,,,
We Need EXAMPLES ,,, جملة سمعتها مرة ,,, فكرت أطبقها و لقيتها في منتهى الروعة ,,, لما تحس إنك ضعيف ,,, تفرج ع إشي بتحبو بتقوى ,,, لما تحس إنك وحيد ,,, روح لإشي بتحبو بتحس الكون كلو معك ,,, لو كنت زعلان ,,, فكر بإشي حلو عملتو بيوم بتلاقي ضحكة ع وجهك غصب عن كل دموعك ,,,
شايفين هالحكي كلو ,,,!؟ ,,, أكثر إشي ممكن يوفرلك إياه هو نادي الوحدات ,,, بالله عليكم مين منا ما كان بيوم زعلان و شغل أهداف للوحدات و فجأة صار مبسوط ,,,!؟ ,,, و مين منا ما كان بيوم مخنوق من إشي و هو بقلب بهالصور طلعتلو صورة مع البيكاسو و ما إجتو فرحة كبيرة ,,,!؟ ,,, مين منا ما حس بوجع المباراة الماضية و خنقتها و ما حط بالليل أغنية " نادي الوحدات نادي الأبطال " ,,,!؟ ,,,
طب سؤال ثاني ,,, كم واحد بستنى بيوم الجمعة كإنو يوم عرسو ,,, أو تخرجو ,,, أو ع الأقل بتطلع عليه كإنو يوم مهم بحياتو ,,,!؟ ,,,
رح أضل أذكر هالأمثلة عشان اللي لسة " متوجس " من الجمهور بخصوص يوم الجمعة يشيل الخوف ,,, يحط بقلبو إنو وحداتي و يطلع و يشجع و يهتف ,,, يروح يحرق حالو عشان الأخضر ,,, يروح عشان ينبسط بإنو قاعد بشوف إشي كان سبب بكثير شغلات حلوة صارت معو ,,, لازم نروح ع الملعب عشان أنا و إنت و كلنا ,,, بيوم مشينا بفخر بسبب الوحدات ,,, عشان بيوم نمت و إنت قلبك مرتاح من الوحدات ,,, عشان بلحظة نقاش كنت كلك فخر و إنت بتحكي لواحد " أنا وحداتي " ,,,
قبل حوالي 8 سنين ,,, إجتمعنا مع صحابي و أخوي الكبير عشان ننسق لمباراة الوحدات و المريخ السوداني بالقويسمة ,,, مع العلم كنا خسرانين ذهاباً 3-1 ,,, و الجو كان جداً بارد و ممطر و سيء بالإياب و مع هيك حسينا بقيمة المواجهة ,,, طلعنا بفكرة ,,, و فكرة غبية جداً أنا بعترف ,,, بس فكرة خلتنا نحس إنو بنعمل إشي لـ النادي اللي بنفديه بأرواحنا ,,, قررنا تأسيس مكتب إفتراضي بين بعض عشان تنسيق أمور المباريات ,,, سميناه مكتب التنسيق الإعلامي ,,, قبل أي مواجهة بنجتمع و نتفق بكل جدية ع نقاط لازم نعملها بالمباراة ,,, هتافات بدنا نغنيها ,,, نتعاهد نكون بالملعب من بدري ,,, نكون ملتزمين بأخلاقياتنا كجمهور أفضل نادي بالأردن ,,, نحترم بعض ,,, نحترم الآخرين ,,, ما نسب ولا نغلط ع حدا ,,, نشجع بحق الله ,,, بس لنادي الوحدات ,,,
اللي خلاني أكتب هالموضوع إنو إمبارح كان إجتماعنا ,,, والله و إحنا مجتمعين إني حسيت قديش الفرد ممكن يكون مؤثر بمصير جماعة ,,, إجتمعنا 5 ,,, و إتفقنا ,,, فجأة ,,,!؟ ,,, صارت التلفونات ترن ,,, بدنا نطلع معكم ,,, بدنا نيجي معكم ,,, كنا 5 ,,, بلحظة صرنا 25 إنسان إقتنع بفكرة إنو يوم الجمعة مهم ,,, و يوم الجمعة لازم نروح نشجع و نساند ,,, 25 إنسان أخذ من حياتهم ساعتين عشان يتعاهدو ع إشي كويس و منيح ,,, يتعاهدو إنو زي ما الوحدات زعلنا مع ذات راس ,,, الوحدات فرحنا كثير ,,, و لازم نضل معو ,,,
يمكن من أبرز الملاحظات اللي تم الإتفاق عليها ,,, نطلع من بدري جداً ,,, نلتزم بالأدب برا الملعب و داخلو ,,, ما نعطل حياة الناس اللي حوالين الملعب ,,, لإنو إحنا ممثلين لنادي الوحدات ,,, و الغلط لو صار - لا سمح الله - رح ينحكى شوفو جمهور الوحدات ,,, نلتزم بالتشجيع المثالي و الدعم لكل مين لابس أخضر بالملعب ,,, نلتزم بالإحترام لبقية الجماهير و لروابط التشجيع ,,, إذا شجعو بنشجع معهم ,,, إذا ما شجعو بنقوم إحنا بالمهمة ,,, نكون إيجابيين بالملعب ,,, ما ننشر أفكار مهزومة ,,, نتحلى بروح عالية و قوية ,,, و نشحذ الهمم من هون للجمعة ,,,
يمكن هاد واحد من البيانات اللي أصدرها المكتب الموسم الماضي ,,, للإطلاع ليس إلا ,,,
هسة بكون واحد بفكر ,,, مالو هاظ ,,,!؟ ,,, جاي يحكيلنا إنو بحب الوحدات ,,,!؟ ,,, كلنا بنحب الوحدات ,,, و كلنا بنضحي عشان الوحدات ,,, مزبوط الكلام ,,, بس أنا حبيت أوصل رسالة ,,, إنو جمهورنا ببتكر أشياء و أساليب و أفكار يدعم فيها النادي ,,, بجوز أفكار تافهة و سخيفة ,,, زي ما أبوي بضل يحكيلي ,,, ضل ورا الوحدات لحد ما تضيع مستقبلك ,,, مع العلم إنو أبوي اللي رباني ع هالإشي ,,, بس الإشي اللي إنت بتعرفو يابا أكثر من غيرك ,,, إنو الوحدات نبض قلبي و قلبك و قلوب هالجمهور ,,,
رسالتي للجمهور ,,, We Need Examples ,,, إحكي مع صحابك ,,, إتفقو ع الطلعة ,,, تعاهدو ع الحب و الوفاء للوحدات ,,, شجعو النادي بقلوبكم ,,, خلي تركيزك جوا المستطيل الأخضر ,,, من صافرة البداية حتى صافرة النهاية ضل شجع و لا توقف ,,, شو ما كانت النتيجة أو لأداء ,,, شجع و توكل ع الله ,,,
رسالتي لـ اللعيبة ,,, إحنا بنحبكم ,,, و كلنا ثقة فيكم ,,, و اللي فات مات ,,, والله إني رايح ع الملعب الجمعة كإنو نصف نهائي مباراة وحدة ,,, ما بدي أعرف شو كان قبل ,,, إلعب لعبك العادي بتبدع ,,, تطلع ع لعبك بأي مباراة بدك إياها رح تكتشف إنك أحسن و إنك إلك القدرة على صنع الفارق ,,, توكلو ع الله ,,, كل الجمهور وراكم و معاكم ,,,
رسالتي لإخواني بالمنتدى ,,, اللي في عندو نسبة 1% يطلع الجمعة ما يقصر ,,, النادي محتاجنا أكثر من أي وقت ثاني ,,, و الرجال معادنها بتبين بالشدة ,,, و أهل الوحدات نت معروفين بدون شهادتي ,,,
كل الوحدات بستنى بيوم الجمعة زي ماكنا نستنى الاحد وقبلها الثلاثاء وقبلها الجمعة اصلا احنا بنعرف ايام الاسبوع عشان مباره الوحدات
بس بتمنى من اللاعبين يحسو بحرارة الجمهور الي راح وراهم عاخر الدنيا وكنت اتمنى يلعبو بابطال اسيا عشان يعرف كل واحد بلعب للاخضر انو الو جمهور باخر العالم
واتنمنى على اللاعبين يلعبو بحرارة بدناش نروح نتصور ونرجع ونمشط ونحط مزيل عرق بدنا تحسو بالجمهور الي بطلع يوم الجمعة وبسيب عياله عشان يشجع ويشوف الوحدات واللعيبه مش حاسه فيه
نعم سوف نكون معك يا وحدات مهما حدث لن نتخلى عنك فانت الروح للجسد انت الحب والعشق انت الوحدات الذي يما افرحني
نعم سوف نذهب الي الملعب يوم الجمعه باذن الله وسوف نشجع الوحدات بكل قوه لن نهدا طيله التسعين دقيقه
لاعيبه الوحدات اتمنى ان تكونوا على قدر المسووليه العبو من اجل الوحدات والشعار ونحن سوف نكون معكم والي جانبكم ولن نتخلى عنكم كونوا ابطال يا نجوم المارد الاخضر
,والله صديقي حكيك مزبوط مية بالمية انا بمجرد ما فخسرنا من ذات راس فتحت على اليوتيوب لاشوف الاهداف بتعرف شو طلعلي
مباراة الوحدات وذات راس موسم 2004/2005 وفزنا فيها اا-صفر
والله نسيت الخسارة وانبسطت على الاهداف ال 11
احنا جمهور قضية مش جمهور نادي
افهمو هاي الشغلة