ابو فارس يلقي القبض على ابو مالك الوحداتي - ابو فارس يلقي القبض على ابو مالك الوحداتي - ابو فارس يلقي القبض على ابو مالك الوحداتي - ابو فارس يلقي القبض على ابو مالك الوحداتي - ابو فارس يلقي القبض على ابو مالك الوحداتي
لعلكم تذكرون اخا عزيزا علينا اسمه ابو مالك الوحداتي وقد تغيب عنا منذ عام بعضويته (ابو مالك الوحداتي) فقام بالتسجيل بعضوية جديدة اسمها محمد خالد وقام ابو فارس بتقصي امره واتهامه بانه فيصلاوي مما جعل محمد خالد للاعتراف بأنه ابو مالك الوحداتي ,,نقول للاخ ابو فارس فطن وذكي بس لا تلقي الاتهامات على الاعضاء ونقول للاخ ابو مالك نطة وفاتتك تم تثبيتك بالثلاثة
يا زبدية مش هيك اللي صار ... اتهامه بالفيصلاوي جاء من بعض الاخوة وبدات من يومها بالتدقيق في كلامه ... لاجد بعض الكلمات التي دلتني بشكل اكيد على شخصيته الاصلية ... وما كان منه الا الاعتراف ،، وتكلمت معه تلفونيا للتاكد وطلع هو هو
على كل حال الاخ ابو مالك كان في الفترة الاخيرة بنظر الاعضاء وبعض المراقبين والمشرفين عدوي اللدود .. ولكن بعد ان " كمشته " قر لي ما كان يحدث من بعض الاخوة ،، فحتى اثناء خلافه معي قبل ان اعرفه الا انه كان لا زال يحسن الظن فيي ودافع عني في وجه الاخوة سامحهم الله"
سواء كان أبو مالك الوحداتي ولا محمد خالد فهو انسان في قمة الروعة أخلاق وأدب ودين ما شاء الله عليه يجبرك على احترامه أينما كان ولا يخاف من قول الحق ولو على قطع رقبته
الله يجزيك كل خير يا أبو أحمد،، وبالنسبة للخط، حاضر راح أضلني على نفس الدرجة،، ولو كنت أعرف هالمعلومة من زمان، كان كبرت الخط بهاي العضوية أضعاف عضوية أبو مالك،،
أما بالنسبة للمعلم فأنا بوجه سؤالي للمخابرات، كيف تاركين هالكوناني بره دائرتكم،، لأنو شكلو اختصاص في السنح،،
قسما بالله هالمسنوح خفف ضمنات عقلي،، نازل بتناقش معاه في الاسلامي،، الا هو بحكيلي: انت أبو مالك،،
صرت أطلع قدام ووره وأتلفت يمين اشمال وألاخم بحالي، بلكي في جني فارسي نازل يتواصل معاه من وراي،،
المهم انو شنكلني وشعتلني وحكالي اطلع من تحت الخبيزة، فلا يصح للقمر الا أن يظهر ويبان،،
شكرا على التلفون المباشر بمجرد تأكدك يا ماهر،، ومن هنا فأنا أقول لا بد من الصبر عليك،، فأنت تملك قلبا رحيما،، يوازي قلب الأم على صغارها،،