اشياء وجعت راسي و ما لقيتلها جواااب - اشياء وجعت راسي و ما لقيتلها جواااب - اشياء وجعت راسي و ما لقيتلها جواااب - اشياء وجعت راسي و ما لقيتلها جواااب - اشياء وجعت راسي و ما لقيتلها جواااب
بسم الله الرحمن الرحيم
اخواني اعضاء الوحدات نت الكرام
السلام عليكم و رحمة الله و بركاته ..
اسمحولي اكتب باللغه العاميه و مش بالفصحى مع اني تعودت اكتب بالفصحى حتى بردودي
بس عن جد في مواضيع بفكر فيها من زماااان وجعت رااااسي و بدي افقع و انجلط منها و مش لاقيلها حل
و موضوعي عبارة عن متفرقات او جزئيات معينه رح اعرضها عليكم و اتمنى طرح ارائكم فيها و مناقشتي فيها ..
و رح احكي بصراحه :...
أولا : ادارة نادي الوحدات مش من حقك تطالبي بتغيير الملعب الان :
قبل بداية اي بطولة بيبعت الاتحاد بتعليمات البطولة للانديه ( حلو الكلام؟)
الادارات المفروض انها تقرأ و بعنياة كل التعليمات بند بند و تفسيرها بشكل دقيق و مراجعة الاتحاد
بالتعليمات التي تكون غامضه .
فهل يا ادارة الوحدات قبل اي بطولة بتقراو تعليماتها و بتمحصوها و بتستفسرو عن اي بند غامض فيها ؟؟؟
أي ان شاء الله تكونو هيك على خير ان شاء الله .
ثانيا كمان مرة : ادارة نادي الوحدات :
قبل اقامة مباراة الذهاب مع الفيصلي خرج الاتحاد بقرار مدعوم بتوصية من مجلس الوزراء
بعدم اقامة مبارايات الوحدات و الفيصلي عى ملعب القويسمة و ادارة الوحدات كان من حقها الاعتراض
و التمسك بحقها باللعب على ملعبها ستاد القويسمه وسط جماهيرها و لها كل الحق في ذلك
لكن ادارتنا كريمه و ما بتستعمل حقها في الوقت اللي بيكون الها الحق في استعماله
و بتوافق انها تلعب ذهاب اياب مع الفيصلي و على ستاد عمان الدولي
و بتصير فعلا المباراة و بتنتهي و الوحدات بيخسر
و بعد ما تفقد الادارة حقها بتغيير الملعب بتصير تطالب انها تلعب على ارض القويسمه !!!!
اخواني ادارة الوحدات الان لا تملك الحق في طلبها و لا باي شكل
كيف انت بتوافق على تعليمات و بتقطع شوط و بعدين بتعترض اللي بيعترض بيعترض من البداية
فوين الادارة عن هيك اشياء ؟؟؟؟؟
يعني الادارة بتفكر انه الوحدات دايما رح يفوز و بيحكو بحالهم مش فارقه ارضنا ارضهم رح نفوز
بس مات بيجي ببالهم انهم يتعبو حالهم و يتصورو سيناريوهات اسوء !!!!
ثالثا : كمان مرة عالتوالي ادارة نادي الوحدات مش من حقك انك تطالب بحكام من الخارج في الاياب ..
و عشان الاعضاء ما ييدو اعتراضض على هي النقطة و يصير هرج و مرج بالمنتدى
بحب احكي انا بعرف انه الوحدات بيقدر يجيب حكام على حسابه و يتكفل بتكاليف اقامتهم و اجورهم
بس من الاول مثلا و على امتداد اربع سنوات ( لما كان الوحدات يضل يفوز عالفيصلي ) كان الوحدات يبدي
ثقته بالحكم المحلي و الفريق المنافس ( شباب الاردن و الفيصلي ) وقت يجيبو حكام من برى برضه كان الوحدات
يفوز فهل هي فعلا مشكلة حكم؟؟؟ و ثقه بالحكم ؟؟؟ ما سر التلويح بهذا الامر ؟؟؟!!!!
بصراحه و هذا رايي الشخصي انا حضرت المباراة و الحكم كان رااائع و موفق جدا في قيادة المباراة
و لا يوجد اخطاء منه اثرت على مسار المباراة ( هذا راي شخصي ) فمش عارف شو السر و القصد او سبب
اثارة هالموضوع ؟؟؟؟
رااااابعا : الكابتن هشااام عبد المنعم ...( ما بنتقده و بعرف انه لا يلام باي شي )
اولا و الله العظيم اني احترم الكابتن هشام و احبه منذ ان كان لاعبا في صفوف الاخضر
و زاد احترامي اله بعد موافقته في استلام زمام الامور الملغومه للفريق و انا متاكد انه من حبه و عشقه للاخضر وافق
في مرحلة ممكن ان تكون مضرة لسمعة الكابتن التدريبيه لكن الوحدات مصنع الرجااال و مصلحة الوحدات فوق الجميع
فتحيه لابن الوحدات البااار لاذي لم يترك الفريق وحيدا في هذه المرحلة الحرجه .
ابدا بموضوعي عن الكابتن هشااام :....
انت كنت لاعب خط وسط و في فترة شهدت اداء الوحدات الهجومي الهدار
و انت تعلم اكثر من اي مدرب اجنبي ميزة فريق الوحدات انه فريق هجومي يمتيز باللعب عالارض
بالتمرير و البينيات و الاختراقات و لم يكن في يوم من الايام فريق دفاعي يلعب عالمرتد !!
و انت تعلم ان تلك المزايا تحتاج لان تكون خطوط الفريق متقاربة لينجح في اسلوبه فلماذا ظهر الوحدات
متباعد الخطوط مما ادى الى فقد اهم مزاياه ؟؟؟؟؟
النقطه الاخرى و على فرض انك تريد ان تقدم تكتيك جديد للاخضر يضمن نقاط المبااراة
و على اعتبار ان المباراة على ارض الخصم ( الها نقطه ررح احكي عنها لحالها ) فاذا اردت
ان تعتمد على اغلاق المناطق الخلفيه و ان تتحفظ في اللعب فشيء بديهي و انت تعلم ذلك ان الحل او البديل
هو الهجمات المرتده و هنا نقاش اخر :
من المعروف و انا مش مدرب و لا كنت لاعب بنادي لكني فقط متابع لكرة القدم ان سلاح الهجمات المرتده
لها شرطين الاول السرعه و الثاني الوصول الى منطقة جزاء الخصم باقل عدد من التمريرات و اسناد بلاعب وسط
و جناحين و لاعب هجوم و بسرعه فائقه .
بس ما شفت بالملاراة ولا هجمه مرتده للوحدات صح !!! لانه عمره ما كانت الهجمات المرتده كلها
كراااات طويلة من الحارس للمهاجم .
و انا متاكد و ما بدي احلف انه ما صار في اي تدريب التدرب على الهجمات المرتده يا كابتن لانه لو في تدريب
كان ظهر هالشي ولو بهجمه وحده فعلى مين الحق بهاي ؟؟؟
قبل المباراة قرات خبر انه اللاعبين بيتدربو على التسديد و من كافة المحاور ( اشي حلو و مفيد كثير)
بس بالمباراة ما شفنا تسديد ولا من محور فهل ما يتم التدرب عليه لا يطبق و اللي بتحاولو تطبقوه ما بتدربو
عليه ؟؟؟ ( مش عارف ).
راااابعا: لاعبين فريقنا الوحداتي ::::
بصراحه قسما بالله ماني لاقيلكم عذر انكم تكوني بالدوري هيك و بهيك مستوى و هيك اداء
لاشي بسيط و بسيط جدا و هو (( يلا نحكي ...
بيسمع و بقرا ما في انسجااام بين اللاعبين ( اوف و ليه و شو السبب؟؟)
لاعبين بيلعبو مع بعض من اقل شي 6 مواسم . و عارفين بعض و عارفين اسلوب بعض
و متفاهمين و عين الله عليهم .
مدرب لياقه موجود و تدريبات موجوده بس ليه مع دارغان كانت جاهزيتكم البدنية و اللياقه افضل ؟؟؟؟
مع العلم انه الدكتور الكيلاني هو المسؤول عن اللياقه حتى مع دراغان
بسمع برضه تغيير المدرب السبب .
اهااا في منه بياثر يعني بس مش لهالهدرحه كيف ؟؟!!!
لاعبين الوحدات لاعبين خبرة و دوليين يعني مارق على روسهم مدربين اشكال الوان
يعني من كل مدرب اجا الا ما يكونو استفادو شي تكتيك نصيحه تعليمات اشي من هالحكي
فحتى لو مع عدم وجود مدرب لازم الوحدات يكون اداؤه افضل من هيك و بمراحل
بيكون الحكي عن شحن اللاعبين نفسيا انه ما بينشحنو كويس قبل المباراة او ما بينشحنو بطريقة
تخلي كل لاعب يقدم فوق مقدرته حتى (( بالله عليكم عن جد يا لاعبين ؟؟؟))
و الله و قسما بالله مانا مصدق يعني جمهور عريض واقف معاكم بالباع و الذراع و مع كل خسارة
و كل تعادل بيجي و حتى عالتدريب و بالبرد و الثلج و المطر و بيحمل لافتات تشد من ازركم
و بتشوفو اللي بيتعرضله هالحمهور و اشياء كثيرة كثيرة معقول ما في شحن لالكم قبل اي مباراة ؟؟؟؟
قسما بالله غريب.
وحداتنا .. لاعبينا .. مدربنا .. بالله عليكم اسالكم بالله العظيم عن جد بتفرق معكم
مسالة الذهاب على ارض الفيصلي و الاياب ارضنا و الملعب نفسه ؟؟؟
لاعبينا مباراة كنتم سيئين بكل شي و ما كنتو الوحدات اللي بنعرفه و خسرته (اوكي بتصير ما في فريق ما بيخسر)
بس بعد المباراة بتوعدو و بتكون ردودكم ايجابيه انه رح نتاهل ان شاء الله و الاياب بعد 4 ايام !!!
طيب شو فرقت او شو رح تفرق او شو في اصلا و الله مانا عارف يعني اداء مهزوز و خوف و رعب و تكتيك عقيم
و لياقه ما في و عصبية و نرفزة و عدم مقدرة على بناء هجمه صح شو رح يفرق بالاياب ؟؟؟
اي ان شاء الله يكون خير ..
يا اخوان اللي بيصير و الله ماهو منطقي ابدا و مش مقتنع و لا فايت براااااااااسي و بدي انجن !!!!!