حملة مقاطعة المدرجات حتى اعادة الصقر - حملة مقاطعة المدرجات حتى اعادة الصقر - حملة مقاطعة المدرجات حتى اعادة الصقر - حملة مقاطعة المدرجات حتى اعادة الصقر - حملة مقاطعة المدرجات حتى اعادة الصقر
يا اخوان الوحدات هو بيت شلباية الي تربى فيه، قضى فيه كل حياتوا وفي النهاية بتعامل المعاملة هاي... انا من رأيي لازم نقاطع المدرجات والتدريب حتى يتم اعادة الحق لصحابو... يا اخوان الوحدات مركب كبير وبدون الجماهير ما بمشي، لازم يكون إلنا كلمة ومسموعة، هسة واحد بنطلك بحكي طيب مهو في مجلس إدارة وهو بقرر وإذا كل لاعب الجمهور بدوا يتدخل بصير الوحدات طعة وقايمة... الرد بسيط انو في لعيبة بالوحدات زي ما أعطت الوحدات وصارت رموز في النادي لازم النادي والجمهور يكرمهم مش يرميهم هاي الرمية، وين الوفاء وين الانتماء
محمود شلباية اللي قضى عمروا في الوحدات والي أنحرم اكثر من مرة من الاحتراف وهو بعز تألقه عشان الوحدات بتعامل هاي المعاملة، بدل ما يتسواله مهرجان اعتزال زي الأسطورة رافت يتخلوه يطلع من الباب الضيق... يا عيب علينا اذا بنرضى... يا اخوان الشغلة شغلة مبدأ يقعدوا الادارة معه يحكلوا هذا اخر موسم الك وبدنا اياك تعتزل الموسم الجاي وألك مهرجان اعتزال محترم، هيك بكون في احترام للاعب ولتاريخه، بس انو يتعامل هاي المعاملة والله عيب لا دينا ولا اخلاقنا ولا عادتنا بتسمحلنا باللي بصير... هسة واحد بنطلك بحكيلك احترف وكان ما بدوا يوقع السنة الماضية عشان يحترف... يا اخي حط حالك مكانوا محمود زي اي لاعب كرة بدوا يامن مستقبل ولادوا، حقوا يحترف شوي عشان يامن مستقبلوا...
الكل هيك واللي بحكي غير هيك يحط حالوا مكان محمود شلباية حاليا، شوف كيف ناديه رماه... عيب والله عيب، بعدين استاذ طارق خوري نط قبل كم من شهر وبلش يحكي اذا الفيصلي ما بدوا يسوي مباراة اعتزال لجريس تادرس احنا مستعدين... كلام حلو والله انك زلمة شهم، طيب وشو بالنسبة لمحمود اللي ضيع عمروا كله في الوحدات بدك نادي سحاب يعملوا مباراة اعتزال... وين الشهامة والمرجلة يا طارق خوري... اه نسيت انو جريس خدم الوحدات اكثر من شلباية. عيب والله عيب. يا اخوان احنا مش غنم عند الادارة، الكل شايف الغلط وساكت، وهذا عيب وحرام... محمود لازم يرجع للنادي ويتكرم ويعتزل اعتزال الأبطال او انو جمهور الوحدات عبارة عن اداة في يد مسيو خوري بصير نائب في البرلمان على حسابنا وبعدين بسوي مبارة لجريس تادرس وجمهور الوحدات بيجي لانو احنا عبارة عن اداة في يد مسيو خوري، وشلباية بقعدوا في البيت واحنا ساكتين... عيب يا اخوان انا مع حملة مقاطعة النادي والمدرجات حتى يتم اعادة الحق لمحمود شلباية... مين معي؟؟؟
لست معك ولست مع اقتراحك اخي الكريم
نحترم شلباية ونقدره لكن الوحدات باقي وكلهم ذاهبون
نتمنى ان يتم ارضاء شلباية و ايجاد صيغه تفاهمية بين شلباية و الوحدات من اجل الحفاظ على كرامة الاعب والحفاظ على مصحلة الوحدات اولا
اخي العزيز انا ضد هذا الكلام كله لماذا مقاطعة المدرجات او اعادة شلباية
نحن كجمهور وحدات نحترم هذا اللاعب كونه كان من النجوم الذين لا يشق لهم غبار وياما افرحنا باهدافه الحاسمه وله في قلوبنا كل المحبه والتقدير
نحن نوصي مجلس الاداره بان يتم عمل احلى مهرجان اعتزال له اذا اراد الاعتزال ولن نمانع في ذلك
وبالتالي لن نقاطع المدرجات لاي سبب كان
في حملة تانية تقول مقاطعة المدرجات حتى إخراج عبدالله ذيب والضميري لأنه باعوا النادي بالفلوس
أخي شلباية لما احترف ما سئل ع نادي أو جمهور، ولمن بلش ما يعطي كويس ولم تقبل به النوادي بدا جماعته تلحن ع الانتماء وابن النادي وهلم جرا
حبيبي الاحتراف هيك ما فش ولاء إلا للبدفع أكتر اللاعب بيفكر هيك النادي لازم يفكر هيك- ما فيش رحمة إذا بدك اضلك فوق في القمة العواطف خداعه. الوحدات هو الأصل وياما نشوف ناس صارت نجوم ثم افلت
شلباية الله معه أعطى ولكن أخذ والحكاية أعطي وخذ
حملة مقاطعة المدرجات حتى اعادة
غسان بلعاوي و باسم تيم و حليمو و السباح و البيكاسو و
قويدر وووووووووووووووووووووووووووووووووووووووو ووووووووووو
شو هالافكار يا اخي شو هذه حملة جديدة بطريقة جديدة
ضد الوحدات !!!!!!!!!!!
الله يعطي العافيه ما قصر لقد كان افضل هداف في نادي الوحدات والاردن ولكن هل عمره او مستواه الان يسمح له بالبقاء بالوحدات لماذا لا تيتفق مع الاداره على اقامة مباراة اعتزال له مع نادي محلي او نادي عربي هاكذا افضل له وللوحدات
اولا انا بشجع الوحدات مش محمود شلباية
صح محمود شلباية لاعب كبير وخدم الفريق لكن هذا زمن الاحتراف
محمود شلباية كل سنة كان يتعزز على الوحدات ويطالب براتب اعلى من السقف المحدد
و طلع احترف بالبحرين مع فريق متواضع ولا يليق بسمعته وترك الوحدات مشان اكمن الف
وحاليا مستواه لا يؤهله للعب في الوحدات ويجب اعطاء الفرصة للعبين الشباب
والمفروض اي لاعب بنزل مستواه وبنتهي عقده لا يتم تجديده ولا داعي للمجاملات على حساب مصلحة الفريق
يا رجل احنا ايام حرمان رأفت من اللعب والله اعلم قديش كنا نعشق رأفت وكان قرار حرمانه في عك كثير ومع هيك
ما قاطعنا المدرجات وحضرنا المباريات الي غاب عنها المايسترو رأفت ومنها مباراة مع الغريم الفيصلي ......
فعلا كما اسلف احد الاخوان هون يجب ايجاد صيغة توافقية بين الطرفين لضمان اعتزاله بطريقة