أين الجرينز GREENS عن جماهير الوحدات ؟؟ - أين الجرينز GREENS عن جماهير الوحدات ؟؟ - أين الجرينز GREENS عن جماهير الوحدات ؟؟ - أين الجرينز GREENS عن جماهير الوحدات ؟؟ - أين الجرينز GREENS عن جماهير الوحدات ؟؟
السلام عليكم
اول شي إسمحولي يا اخواني اني اكتب بالعامية عشان اوصل فكرتي بشكل أوضح
زي ما الكل بيعرف انه الموسم الكروي بدأ
والمارد بيسعى انه يحافظ على الرباعية وطموحه انه يتوجهم بالاسيوية
وزي ما الكل بيعرف كمان انه فريقنا الكروي جاهز تقريبا بستثناء غياب بعض اللاعبين في بعض المراكز
الحمدلله عن كل شي تقريبا
فريق رديف قادر على حصد جميع البطولات المحلية، وفريق أساسي قادر على المنافسة بقوة على الاسيوية، بالاضافة للمدرب القدير محمد قويض
بس اللي بينقص نادينا بوجهة نظري هو التنسيق بين الجماهير ودعمهم
يعني الرابطة الله يعطيها العافية بتتعب وما في حد بينكر هذا الشي، بس برضو عليها شوية ملاحظات:
يعني في مبارتنا مع البقعة الرابطة وصلت متأخرة والمباراة صارلها وقت مبلشة والجماهير منهم بيغني على ليلاه والباقي نايم.
وحتى لما وصلت الرابطة كان غياب التنسيق واضح زي كل مرة بين أبو سعدو والغضب، انا ما بنكر انه كل عضو في الرابطة اله دوره في تحميس الجمهور بس كثير من المباريات بنشوف الجماهير على الدرجة الثانية نايمة لانه ما في حد يحمسهم ويقود الجمهور; وهون بنفتقد الجرينز
ولو استعرضنا اسلوب الجرينز وقارنه مع الرابطة بيطلع معنا التالي
الجرينز كانو يجو قبل الجماهير وبتلاقيهم بيجهزو الاعلام والشعارات قبل ما تدخل الجماهير
وكمان كانو يحمسو الجماهير ويفعلو دورهم في رفع التيفو والمشاركة في بعض الحركات
وكانو يتفاعلو ويتجابو مع جماهير الدرجة الأولى، واللي ناسي الجرينز يشوف فيديوهات الهم يوم مبارتنا المشؤومة في القويسمة مع الفيصلي ومع الريان
أنا مش من الجرينز ولا من الرابطة مع احترامي وحبي للإثنين
أنا مشجع وحداتي ونفسي أشوف داير الملعب كلو أخضر واحمر
فياريت لو ندعم الجرينز وندعوهم للرجوع الى المدرجات
وانا جاهز للدعم في التواجد بالمدرجات وصوتي فدى الوحدات وياريت أقدر اعمل أكثر من هيك
بس ربنا بيعلم بالحال.
صدقآ اخي موضوعك في محله
الاخوة في الجرينز سابقآ اصدرو بيانآ بالمعوقات التي تواجههم وللأسف ما حد اخذ بيدهم
الاخوان ما قصرو وعملو مجهود خرافي وصدقآ ما يحتاجونه الدعم من الادارة والجماهير
اعتقد الجماهير على هبة الاستعداد
لكن اعتقد الادارة غايبة كالعادة
نتمنى ان يعودو للواجهة كما عهدناهم سابقآ
كلنا أسف لقرار إخوتنا و أحبتنا في الألترا في وقف نشاطهم .. بسبب تجاهلهم و عدم دعمهم .. و نأمل أن يعودوا عن قرارهم و أن يلقوا الدعم الكافي بشتى الطرق لمواصلة مسيرتهم و تألقهم كما عودونا ...
مشكور على طرح الموضوع ....... يعني الجرينز اضافه ممتازة للوحدات وياريت نقدر نحافظ عليها انا شخصيا بنظري لزم نركز على جرينز لانوا تقريبا التشجيع في العالم كلوا بيتجه للاالترا ....
ياريت نسق الامور نحنا الجماهير وسيبونا من الادارة لانوا الادارة فاشله واذا كل شي راح نحطوا على الادارة مش راح نعمل شي
بقترح عمل موضوع دائم للجرينز نحط ارقام تلفونات ويكون تسجيل رسمي في جرينز ايجاد مصدر تمويل ولو بسيط
اذا راح نضل نستنا الادارة فالغوا الجرينز احسن من هلئ .......
شباب يعطيكم الف هافية انا عضو بالجرينز يعني بحكي عن علم
احنا ما بننكر انه في عنا مشكلة مادية وقلة دعم بس احنا وقفنا النشاط لمشكلة اكبر بكثير من المصاري واللي هي دعم الجماهير المعنوي والتشجيع معنا
يعني الجماهير للأسف كان ينبح صوتنا واحنا نترجى فيهم بس يزقفوا او يرفعو تيفو او مسج ويا ريت يرضوا ولا يا حبيبي لو طلبنا منهم يوقفوا او يعملوا حركة يعني مشكلتنا انو الجماهير للاسف بعد شغل 3 سنين النا بالملاعب مش راضية تفهم شو يعني الترا وشو دورها احنا مش رابطة ولا بنوخد اشي من النادي احنا بس بدنا ننقل تشجيع الجمهور لمستوى عالمي احلى واقوى وبجيب مفعول اكبر بس للاسف الجمهور بكون جاي ليحلل المبارة ويوكل بزر
بخصوص العودة عن النشاط فالقرار مش بايدي فما بقدر احكم بدنا نرجع او لا
بس عشان الشباب تعرف شو يعني الترا بالزبط يا ريت يراجعوا التراس الوايت نا يتس للزمالك او اهلاوي للاهلي لانهم بجد هدول قريبين منا كعقلية جماهير وتأسسوا قبلنا بسنة وحدة بس ومع هيك انجازاتهم اصبحت تتكلم عنهم
السلام عليكم و رحمة الله و بركاته
اولا شكرا لكلامك الجميل عن الجرينز و بصراحة بفرح لما اشوف انه جهدنا اللي قدمنا للوحدات بيذكر بالخير لانه بيعطيني بارقة امل في الجمهور
احنا في اخر الموسم الماضي اصدرنا بيان عن ايقاف النشاط و بينا فيه اغلب الاسباب وراء ايقاف النشاط و هي الرابط للي بيحب يشوفه
يا اخوان ابرز الاسباب هي انعدام تعاون الجمهور و الانضمام للجرينز ... يعني في كل بساطة الجمهور بده الامور على الجاهز و الكل بيطالب بالتيفوهات و الرسائل و الكل قاعد في بيته و ناسي انه الامور بدها ايدي عاملة و التشجيع بده حضور بالملعب و الحركات و الاغاني الحلوة بدعها حناجر احلى .. للاسف ما لقينا حد يضحي بجهده معانا عشان العبئ يكون خفيف على الجميع فزي ما انت عندك دراسة و عيلة و شغل احنا كلنا عنا اكثر و الجرينز ما راح توخذ كثير من وقتك ولا تحرمك من هالامور بس الوحدات مستاهل شوية تضحية و التزام لانه كل نجاح بده التزام و بعد هالمشكلة بتيجي مشكلة المصاري اللي بالاساس لو كنا 100 عضو ملتزم ما بنحتاج مصاري بعدها لانه الواحد لو دفع 3 دنانير اشتراك شهري بنجيب 300 دينار شهريا !
السلام عليكم و رحمة الله و بركاته
اولا شكرا لكلامك الجميل عن الجرينز و بصراحة بفرح لما اشوف انه جهدنا اللي قدمنا للوحدات بيذكر بالخير لانه بيعطيني بارقة امل في الجمهور
احنا في اخر الموسم الماضي اصدرنا بيان عن ايقاف النشاط و بينا فيه اغلب الاسباب وراء ايقاف النشاط و هي الرابط للي بيحب يشوفه
يا اخوان ابرز الاسباب هي انعدام تعاون الجمهور و الانضمام للجرينز ... يعني في كل بساطة الجمهور بده الامور على الجاهز و الكل بيطالب بالتيفوهات و الرسائل و الكل قاعد في بيته و ناسي انه الامور بدها ايدي عاملة و التشجيع بده حضور بالملعب و الحركات و الاغاني الحلوة بدعها حناجر احلى .. للاسف ما لقينا حد يضحي بجهده معانا عشان العبئ يكون خفيف على الجميع فزي ما انت عندك دراسة و عيلة و شغل احنا كلنا عنا اكثر و الجرينز ما راح توخذ كثير من وقتك ولا تحرمك من هالامور بس الوحدات مستاهل شوية تضحية و التزام لانه كل نجاح بده التزام و بعد هالمشكلة بتيجي مشكلة المصاري اللي بالاساس لو كنا 100 عضو ملتزم ما بنحتاج مصاري بعدها لانه الواحد لو دفع 3 دنانير اشتراك شهري بنجيب 300 دينار شهريا !
العفو أخي الكريم انا ما حكيت غير اللي شفته
وما طلعت مع الجرينز الا طلعة ذهاب الدوري الماضي على الرمثا يوم مباراة كفرسوم
بصراحة كان مجهودكم رائع وكانت الطلعة بسعر رمزي
وبطريق العودة حكيتو عن عضوية جرينز
بس للأسف ما قدرت انضم
بالنسبة لإيقاف النشاط قرأت عنه، بس ليش نستسلم ؟
وليش ما نحاول مرة ثانية ؟؟
الوحدات بيستحق منا انه نحاول مرة ثانية وثالثة
نكتب اعلانات بجميع المواقع الوحداتية وكل صفحات الوحدات بالفيس
ولو قدرنا انه ندبر 100 عضو بس وما أظن انهم كثار على جماهير الوحدات
ولبسنا كلنا لباس موحد، وقعدنا بمكن لحالنا زي الجهة الشمالية او ورى المرمى
وشافونا الجمهور راح يبلشو يسألو عنا، وبالنسبة للدعم المادي ما بدنا اياه من الادارة
هي رجال الوحدات نت بيسدو وزيادة
والله نفسي نصير أحلى جمهور بالدنيا
ولو في شي بقدر أساعد ياريت تخبروني
وبشكر الجميع على المرور الطيب
صراحة لما الجرينز علق نشاطاته اخر الموسم الماضي كنت من اول الناس الي صابهم خيبة امل
لانه شباب الجرينز الهم فاعلية خطيرة وانا واحد من المغتربين الي 90 % من المباريات بجميع البطولات بنشوفها على التلفزيون
وكان شكل الجرينز مفخرة لجمهور الوحدات
ويا اخوان اكيد لكل شئ عظيم يوجد عقبات ... بس انتو ارجعوا حاولوا انكم تتجاوزوا العقبات وموضوع المادة مقدور عليه
لاتنسوا انه الوحدات السنه غير ... غير بكل اشي
غير بالادارة ... غير باللاعبين ... غير بالاندية المنافسة النا