ما اجمل ان نعود للاحبة بعد ان اشعلتنا نيران الاشتياق..فمهما ابتعدنا او افترقنا عنهم يبقى حبهم بالقلب باق..
اشتقتلكم ..اشتقتلكم الله يعلم كديش
صحيح فراقكم عيد
بس مع هيك اشتقتلكم
بالنسبة للعمرة كانت تمام والحمد لله دعيتلكم جميعا
لكن اكثر واحد هلكني الشيخ جهاد نجم لانه حملني امانة كل ما اشوف بنغالي ادعيله
يعني قضيت العمرة بس وانا ادعيله لانه صلاة النبي البنغالية هناك اكثر من الرمل على الارض واكثر من الهم على القلب....
رحلتي كانت تمام لكن اكثر ما نغص عليّ
شغلتين
الاولى انه بس اوصلت الحدود سكرت وضلينا ملطوعين بالشارع 13 ساعة
حتى انه واحد ختيار معنا بالباص بيحكي
انا الي 19سنة ورى بعض بطلع عمرة
ما بعمره صار معي هيك شو السيرة ياجماعة حكيتله انداري شومال حظكم هاي السنة
الشغلة الثانية انه الشبشب " بعيد عن السامعين" انسرق مرتين من داخل الحرم
المرة الاولى حطيته ورجعت ما لقيته بمكانه ورجعت على الفندق والارض زي النار وانا حافي
وانا بالطريق اشتريت واحد جديد وثاني يوم برضه بعد صلاة العشا انسرق كمان مرة
وروحت كمان مرة حافي والارض سخنة
حتى الحارس الي على الباب بالحرم حزن عليّ
بحكيلي اعتبرها صدقة
حكيتله ان كان الها أجر صدقة انا مسامحه
وان ما كان الها أجر ان شالله يتقطع الشبشبين على زقمه
لكن بفضل الله الامر الي استفدت منه غير العمرة اني تركت التدخين والحمد لله
وبلاش تخسر اجر العمرة وتضل تتنطنط وتحكي عن المشقه وتعبها تقول ما حد غيرك راح عمرة سنحك انتا ريال مدريد تبعونك وان شاء الله يتقبل منك يا رب
وما يتقبل منك ولا دعوه لريال
اهلا وسهلا بالغالي مرة اخرى بين اخوانك ... بصراحة اشتقنالك
يعني كنت متعود كل يوم الخمك خماسي بنص الزقم ،، لكن لما رحت عالعمرة ما قدرت الخمك
الله يقبل ،،، وان شاء الله بتحج عما قريب
والله افتقدتك يا غالي والحمد الله على سلامتك وعمرة مباركة انشاء الله واحلى خبر انك تركت التدخين
وانا والله كمان افتقدتك ..ووالله انا تذكرتك هناك لما عزمت عليك سيجارة بالملعب وانت مرضيتش توخذها وحكيتلي اذا بتذكر انه انت تركته وحكيتلي اذا عندك ارادة قوية بتتركه وان شالله اني استمر مع انه والله الها وحشة بنت الابلسة