في برنامجه الشهير "صدى الملاعب"، سخر مقدم البرنامج السيد "مصطفى الآغا" من المهزلة التي تم فيها استقبال بعثة منتخبنا الوطني لكرة القدم العائد من اليابان بعد الخسارة المدوية - ستة أهداف بدون مقابل - التي مني بها الفريق الذي يشرف على تدريبه العراقي عدنان حمد!.. وأشار مقدم البرنامج إلى أن بعـثة المنتخب حظيت بتشجيع كبير من اتحاد اللعبة والجماهير الأردنية عندما غادرت إلى اليابان وتم توديع أفرادها وداع الأبطال على عكس الاستقبال الباهت الذي لقيته البعثة حيث لم يكلف اتحاد كرة القدم نفسه بإرسال مندوبين لاستقبال الوفد أو حافلة، على الأقل، لتقل أعضاء البعثة.. وذكر أن معظم أفراد أعضاء البعثة من إداريين أو لاعبين استقلوا سيارات أجرة في طريق عودتهم إلى منازلهم!
عنجد يا عيب العيب ... والله ما بستاهلوا منا هالحكي الفاضي ... يعني وهما فايزين بنتغنى فيهم ولما يخسروا بنحقرهم ... طيب بالله عليكم كيف إلهم نفس صاروا يلعبوا مرة تانية .. بهذا الشكل حتى المعنويات عندهم راحت وما في حافز قوي يلعبوا عشانه ... كان لازم نستقبلهم بكل احترام .. هاي هيا قدرتهم ... يعني بالزمانات فرحونا ورفعوا روسنا ما بننسى لهم هذا الحكي بس يا خسارة الخسارة علينا إحنا ... على الأقلية ما ننسى لهم انتصاراتهم وشغلهم إلي عملوا وتعبوا عليه .. بس هيك إحنا الروح الرياضية ميته عندنا وهذا ما خرب العلاقة بينا وبين لاعبية الوحدات .. نزلنا فيهم انتقادات وبالآخر سبينا عليهم وبهدلناهم .. وبتحكوا انتماء بالفوز والخسارة وإحنا حتى ما نظرنا لهاية الناحية من أي جانب .. وعلى قولة ابو عواد ( شي غاد ) مش لاقينلنا شغلة نعملها غير تحقير هالعالم وهذا إذا بدل دل على جهلنا وقلة القيمة إلي إحنا بنتحلى فيها .. وطالما هيك اخلاقنا حرام نكون بني آدمين