التسرع دائما - التسرع دائما - التسرع دائما - التسرع دائما - التسرع دائما
السلام عليكم و رحمة الله و بركاته
ممكن في اعضاء كتير ما يعجبهم الكلام بس هاد رأيي ....
يعني الدنيا كلها ضدنا و ياما شفنا و ياما حنشوف احنا هون في طولكرم بنحب الوحدات اكثر من اندية الضفة كلها و بتلاقي الناس حديثهم عن الوحدات و اللاعبين متل ما صار في جنين في مباركة افضل لاعب عربي لرافت علي...
بس يا اخوان يعني النادي ناقصه تفهم اللاعبين وحثهم على ضبط النفس و أيضا تدريبهم على تقبل الاستفزاز يعني الي صار من الحوت ما لازم يصير شو ما صار يعني احنا متقدمين بالنقاط و المباراة تقريبا انتهت ليش نعطيهم فرصة يعاقبونا فيه يا شباب تعبنا من عصبية اللاعبين عنا بشكل كبير يعني بدك تلعب بهيك ظروف مادام وفقت ترجع لدوري لازم نتحمل الاستفزاز الي بصير علينا يا اخوان احنا في الداخل عشنا ظروف اصعب من ظروف الي مرت في التاريخ و مع هيك قادرين نواصل اكبر نسبة متعلمين في فلسطين ... يعني ما حد وقفنا مستمرين مستمرين مستمرين حتى التحرير...
ولي عتب على إدارة النادي الي ما عندها متحث اعلامي يدافع بشكل صحيح عن النادي و اللاعبين.
انا بنظري الحوت اخطا لو كان العقوبة كبيرة بس ياخي لازم مسك الأعصاب يعني ما نحطيهم حجه عشان يدمرو النادي
الدوري ان شاء الله وحداتي ...
وكل أهل طولكرم خاصة و الضفة عامة بتبعث تحياتها لجماهير الوحدات في الأردن و هاد سلام من اخواني قاعدين جنبي هون
اهلا وسهلا باهل طول كرم ....اخي الحبيب ..ما يحصل مع الوحدات وجمهوره شيء لايتحمله العقل ...ولا تتحمله النفس ..طبعا هذا لا يبرر اي فقدان لاعصاب من اي لاعب ولكن عندما يكون الاستفزاز مبرمج ومدروس (ويا ريتهم يخططوا للنهوض بالكرة الاردنية مثل ما بيخططوا للتامر على الوحدات ) سيخرج بعض الاعبين وخصوصا الخبرة منهم عن طورهم خصوصا عندما يتعرض للشتم من قبل حكم لا يسوى بسوق الرجال تعريفة باع نفسه وضميره وهو بالمناسبة مهندس مدني يعني سهل بكرة يبيع ضميره عندما يبني مبنى او جسر ...هذه الكرة بالاردن مبنية على مؤمارات ضد الوحدات ويجب ان تعلم بان على جمهور الوحدات ممنوعة الفرحة والاحتفال وا اي انجاز عالمي لا يجب ان يكون باسم الوحدات بل يجب ان يكون مسجل باسم النادي الازرق وهذا ما يسعون اليه هذا الموسم لانهم يريدون حصول هذا النادي الازرق على بطولة الدوري باي ثمن من اجل الاحصائيات العالمية هذا ما يعتقدونه هؤلاء الحاقدين ...فصبرا جميلا اهل طول كرم والشعب المرابط بالضفة وغزة ودعواتكم لنا ....الله محييك يا الشعب الفلسطني يا من علمت هذه الدنيا معنى الرجولة ...
اولا تحياتي الك ولكل اهل طولكرم وجميع اخوانا بضفه
هل تعلم ان ضغط يولد الانفجار
وهذا ما يحصل مع الاعبين وجمهور وانا ما بلوم شفيع..........
او اي لاعب وحداتي غيور على فريق لازم يعمل هيك ........
لو شفيع عمل هيك بمباراه للمنتخب كان صار غير هيك وكان حكوه من غيرتو على المنتخب عمل هيك