ثلاجة 22 قدم بسعر الفجل ... يا بلاش !!! - ثلاجة 22 قدم بسعر الفجل ... يا بلاش !!! - ثلاجة 22 قدم بسعر الفجل ... يا بلاش !!! - ثلاجة 22 قدم بسعر الفجل ... يا بلاش !!! - ثلاجة 22 قدم بسعر الفجل ... يا بلاش !!!
علشان ما تقولوا اليازوري بضحك علينا خاصة حبايبنا اللي بجهزوا ببيوتهم لعش الزوجية ، وعلشان ما أشوف كام طلبية عالخاص لشباب بدهم ثلاجات بسعر الفجل ، بس حقيقة الثلاجة موجودة وبسعر أرخص من الفجل كمان ... !!!!
ما علينا .. !!
جماهيرنا .. حبايبنا ، صارلنا كام سنة بنغني " الشعب يريد منافس للوحدات " ، طيب ما صدّقنا ونشوف غريمنا شادد حيله عالآآآخر هذه السنة ومتصدّر الترتيب العام وأبصر شو ، طيب احنا ليش زعلانيين ، هاظ بدال ما نطلب من غريمنا يسبقنا بكام نقطة كمان ونعطيه مجال يتقدم ونحكيله " اهرب وهينا لاحقيناك يا مصدّي " ... !
طبعا هاظ الحكي لأنه احنا بنعرف مين الوحدات ومين هظولاك ، بس لازم نعرف شغلة احنا فهمناها من أكثر من ثلاثين سنة ، وهي " الحرب على أعصاب لاعبينا " ، أهم شي يا اخوان أنه صارلنا كام سنة والحمدلله بنوخد البطولات بالجملة ، طبعا هناك أكثر من سبب بس أهم سبب هو برودة أعصاب لاعبينا وصعوبة نرفزتهم ، وكمان شيء مهم هو تعامل جماهيرنا بعقلانية جدا مع أحداث صعبة ، هاظ كله كان عامل مهم في المضي قدما بالتربع على عرش الكرة الأردنية ... خاوة !!
طيب هسة شو بدنا .. احنا بنعرف أنه في كثير ناس بتحاول تنرفز لعيبتنا بأي طريقة ، بس لو لعيبتنا الله يهديهم يهدّوا أعصابهم ... لا لا لا ... يحفظوا أعصابهم بثلاجة 22 قدم ، يعني بدنا 11 لاعب بالملعب وكل لاعب 2 قدم يعني أتوقع ثلاجة 22 قدم بتسع ، المهم يكون التبريد عال العال ، والشغلة الأكيدة أنه كل ما حمي الوضع مع غريمنا بنلاقي سعر الثلاجة بغلى أما هسة فسعر الثلاجة ببلاش ، بس لما تثلّج أعصاب لاعبينا رايحين نلاقي ناس تدفع ألافات مألفة عشان تخرب هالثلاجة ، يعني رايحين نشوف الويل قدام ناس تدفع ألوف للعيبتها أو غير لعيبتها حتى تنرفز لعيبتنا وتخرّب الثلاجة ..!!
الموضوع التالي اللي ما أراح أكتبه بعنوان " ثلاجة فل أوبشن للجمهور " ... !!
يا ريت جمهورنا ما يشعللها ويظل ماشي دوز مع نادينا ولاعبينا ، يمكن ساعيتها ما تلاقوا شنينة بالبلد لهظولاك ليطفوا حرقة قلوبهم .
يا دوبك الغريم يتقدموا بكمشة نقاط عشان يطلع بإيدهم الوصافة فما بالك لو ظلينا متصدرين من اولها
بعدين للامانة قدمنا مستوى كبير جدا رغم التعادل و الاجهاد الكبير على لاعبينا
كمان نقطة مهمة
اذا افلح الجزيرة بقيادة الجنرال بالتعادل معنا فهل تعتقدون انه سيرضى بغير الفوز على الزرق
و تذكروا كلامي
شكلك متجلي يا يازوري وانت بتكتب هالموضوع ومع نفس من الاخر طبعا ما تفضلت به عين العقل ويجب على لاعبينا وجماهيرنا ان لا تنجر وراء الاستفزاز وعلى اللاعب المحترف ان لا يكون عرضه للاستفزاز ولا شو ما عملوا الجماهير المقابله او اللاعبين الخصوم داحل الملعب او الحكم قال عليه الصلاة والسلام لابن عبد قيس لما جاءه ليسلم مع وفد الاحساء انك امرؤ فيك حلم واناه
اليوم ثلاجه وإمبارح نفس أرجيله الله يستر من بكرا يا يازوري بإيش رح تطلعلنا
صدقت يا يازوري على الجميع أن يكون حذرآ من المكائد التي تنصب للاعبينا وعلى مديرنا الفني أن يعمل على توعية أعضاء الفريق بمحاضره قبل النزول إلى أرضية الملعب