جمهور زمان ..... يا دعاة المقاطعه - جمهور زمان ..... يا دعاة المقاطعه - جمهور زمان ..... يا دعاة المقاطعه - جمهور زمان ..... يا دعاة المقاطعه - جمهور زمان ..... يا دعاة المقاطعه
جمهور زمان ..... يا دعاة المقاطعه
زمان في الثمانينات كنا نقول
وحدات العز والله العز بيلبقلك))
وعالالو الالو الالو))
(وهاتي يمه زغروته يمه هات القمر هاتي والعريس وحداتي))
بس هاض الحكي كان لما جارنا ابو محمد الله يرحمو يشغل القلاب ويزمر زمور الوحدات ونط كلنا في القلاب حوالي 20 واحد وعلى كل اشاره ينط 20 واحد وما اكثر اشاراتك يا عمان لما يسب علينا ابو محمد مليون مسبه من الي بتعرفوهم ونطبلوا على غرفة القلاب وانقاهر فيه لما تطلع عينو وما نوصل لستاد غير وصوتنا رايح من التشجيع والا البكمات الي كان عجالها القدمانيه ترفع والشصي يلوي وتصير مش فحص من كثر الي راكبين فيه ولا سرفيس الوحدات والاشرفيه والمريخ والنظيف الي كانو ينصبو علينا ويدفعونا كثير بعد ما نتفق معهم رايح جاي ونروح مشي وتصير عمان في حالة استنفار قصوى وتسكر شوارعها .
هاض كلو كان قبل المباراة
وبعدها
كنا ننخنق واحنا طالعين وندوس على بعض وكنا نموت خوف بس من الطلعه من بوابة لستاد ، والقناوي بتستنانا والله كنا نتكسر ونتطبش وحالات على المستشفى ويا محلى القناوي لعيونك يا وحدات ولحجار فوق روسنا من جمهور الي ما يتسمى ونرد عليهم ونطبشهم ومنا كثير كانو يبيتو في النظاره ويكلو قتل بعدد شعر راسهم وكنا نقعد نظحك على بعض وين انتا اكلت القنوه وين انا اكلتها ونروح على لستاد ومش سائلين
وما بدي احكي عن ظلم الحكام
( مابدنا دوري دوري ولا بدنا كاس بدنا حكام زي الناس )
طول عمرنا بنعاني من الحكام مش جديده علينا
وظلم الاتحاد وقراراته
طول عمرنا من عاني منه مش جديده علينا
والدرك
طول عمرو بكسرنا مش جديد علينا
بس
لجديد علينا مقاطعة المدرجات
امس تكلمت حناجر الوحداتيه مع البقعه وحرقت المدرجات وما وقفت من اول المباراة الى اخرها والنتيجه 3/2
اكلنا 2 اخطاء بتتصحح بس رجعت الروح للاعبين والجمهور وهاض الوحدات النا وسنبق دائما على العهد مهما كانت الظروف