اشي بجنن يا اخواني - اشي بجنن يا اخواني - اشي بجنن يا اخواني - اشي بجنن يا اخواني - اشي بجنن يا اخواني
مبارح في مباراة اياب الكأس مع اتحاد الزرقاء صدقت حالي رايح احضر المباراة .........ز
شو الي صار بعدين ما بعرف هو انا احضر المباراة والا اتابع الجمهور ويا عيني عالجمهور ويا حبيبي يا احلى جمهور وخمسة بعين الي ما يصلي عالنبي عشان الجمهور , صدقوني يا اخوان انكم لو تحضروا وتتبابعوا الجمهور ما بتزهقوا ولا لما تشوف ابو سعدو ولا ابو غضب ولا زياد عايد يا سلام اشي بجنن ......
الصحيح اللاعب معه حق انه لما يستموت عشان يلعب بنادي بحجم الوحدات وبكفي جمهور الوحدات , شو اغاني حماسية للاعبين شو تشجيع ولا يمكن اقدر اوصفه وكل هجمة الي بجنبي بسلخني يا زلمة هجمة يا زلمة جول وانا بصيح جووووووووووووووول وعيني عالجمهور والله مش بخاطري يا اخوان .
وعشان هيك افضل جمهور جمهور الوحدات , الجمهور المثالي جمهور الوحدات ,اروع جمهور جمهور الوحدات .............
وخلصت المباراة وطلعنا من الملعب حكيت هسا اللعيبة بدها تروح وترتاح ولا هو حسن عبد الفتاح ماسكينه 300 بدهم يتصوروا معه وباسم فتحي 200 بدهم يتصوروا معه ومراد اسماعيل كذلك الامر وقنديل كذلك الامر وشلباية كذلك الامر ولا كل اللعيبة مع الجمهور وعندها قلت هذا هو الود بين اللاعب والجمهور هذا هو الاحترام المتبادل بين اللاعب والجمهور وهذا هو العشق الحقيقي بين الجمهور والنادي الذي يعشقه فهنيئا لنا بالوحدات وهنيئا للوحدات بهذا الجمهور ومسكين الي ما عنده وحدات وجمهور وحدات .
صدقني يا اخ سفيان انه هموم كثيره وغلاء معيشه وكبت بنعيش فيه هو الوحدات فقط مصدرالفرح الي بخفف عنا اللله يديم الوحدات ويديم جمهوره ويديم افراحنا اللهم امين