أول إشي السلام عليكم ,,, و إن شالله تكون نفسياتكم تحسنت بعد اللي صار إمبارح ,,, مني و علي مش رايق لهسة بس كان لا بد إنو الواحد يحكي ,,, و ما بنقول غير لا حول ولا قوة إلا بالله ,,,
بنبلش كعادتنا أحلام و طموحات كثير قوية ,,, و همة عالية و حالتنا حالة ووو إلخ من حالة الشحن المعنوي بينك و بين حالك ع الأقل عشان مباراة و بتتنكس تنكيسة إلها أول ما إلهاش آخر ,,, عصبت و إنقهرت و خلصت بكيت دخان باقل من ساعة ,,, بس بعد ما هديت بتعرفو شو فكرت ؟؟؟
في موسم 2009/2010 الوحدات كان وضعو مش كثير قوي ,,, مرة يتصدر و مرتين لا ,,, ضلينا هيك لحد ما غلبنا الفيصلي قبل النهاية بجولة و قلنا خلص ,,, أخذنا الدوري ,,, و من فرط الثقة ما بنسى إنو يوم الجمعة هذيك روحت من القويسمة لمجمع المحطة مشي و دموعي ما نشفت ,,, بحكي هسة واحد طيب ؟؟؟ و بعدين يعني ؟؟؟
المباراة اللي بعدها كنت بالملعب طبعاً بدهاش سؤال ,,,
في موسم 2008/2009 ,,, اللي هو موسم الرباعية الأولى ,,, أكلنا 4-0 من الوداد بأداء كارثي جداً ,,, و لولا ستر ربنا و العارضة كان صارو 5 ,,, طب و بعدين ؟؟؟ ,,,
بعديها بيومين ثلاث كنت أول واحد بمباراة شباب الأردن اللي انتهت 2-2 و حسمنا الدوري ,,,
في موسم 2009/2010 ,,, أكلنا 4-2 من الريان القطري بنص ملعبنا ,,, مع أداء عشوائي بطريقة باهتة ,,,
في موسمين الكابتن عبدالله أبو زمع ,,, كان الفريق مش كثير وضعو منيح ,,, و لولا تألق رأفت علي بآخر أيامو و أبو عمارة و رأسيات زعترة كان ما حلمنا بإشي ,,,
طيب ؟؟؟
لهسة بنحضر للوحدات بالملعب ,,,
بوجهة نظري كان أغلى لقب للمارد هو لقب عام 2004/2005 ,,, لإنو إجى بعد غياب عن التتويج ,,, و كان وضع الفريق بخزي ,,,
السؤال اللي ببالكم هسة ,,, مالو هالشب ؟؟؟ ,,, بحكي كلمات متقاطعة ,,, كل شوي بحكي بقصة شكل ,,, المقصود للي لقطها هو التالي ,,,
إنت كمشجع وحداتي ,,, عشت مع الفريق أيام أقل ما يقال عنها إنها سودا زيادة عن اللزوم ,,, و عشت مع فريقك مواسم سيئة ,,, و خسرت مباريات كثيرة و مهمة و حساسة ,,, و شفت نتائج كبيرة ,,, لو فعلاً كنت رح تيأس ما كنت بتقرا موضوعي ,,, ولا كل شوي بتفتح بتشوف آخر أخبار النادي و اللاعبين ,,, إنك تكون مشجع وحداتي مختلف تماماً عن إنو بتشجع برشلونة أو مدريد ,,, مافي حدا منا من قضا مدريد ,,, أو من قرى برشلونة ,,, إحنا إنخلقنا مع الوحدات ,,, و عشنا معو ,,, و إنختم ع قلوبنا نكون وحداتية ,,, بدك تكون وحداتي بدك تتحمل ,,, و بدك تتوقع كل إشي ,,, الدوري مش مثل زمان ,,, مافي فريق تاخدو 5 و 6 و تمشي ,,, بدك تكون وحداتي مهمتك الأولى و الأخيرة إنك تشجع و تضل تشجع لآخر يوم بعمرك ,,,
هسة رح أشوف بالتعليقات حدا بحكيلي الإدارة بتخزي ,,, اللاعبين بدون إنتماء ,,, رائد عساف ما بعرف يدرب ,,, بتفق معك بأي إشي بتحكيه ,,, بس الإشي الأهم و اللي لازم " كلنا " نتفق عليه إنو بدنا نشجع الوحدات ,,, و نضل نشجع الوحدات ,,,
بوجهة نظري المتواضعة ,,, و أتوقع هو الصح لما تهدى و تفكر بعقلك ,,, ضل مباراتين بالدوري ,,, الرمثا & الجزيرة ,,, الكل بروح ع الملعب ,,, بتشجع و بتضل تشجع ,,, لا تسب ع لاعب ,,, لا تغلط ع إداري ,,, مهمتك تشجع ,,, شجع هالمباراتين ,,, و بعد ما يخلص الدوري كلنا عارفين الغلط وين و كلنا بدنا نصلحو ,,, و رح نصلحو بإذن الله ,,,
خلونا ما ننسى إنو المشجع الحقيقي هو اللي بتمتع بالثقة بألوان فريقه ,,, روح شجع الوحدات ,,, إهتف للوحدات ,,, لا تقصر بحق النادي ,,, كلنا شجعنا هالموسم ,,, بس بدنا كمان و كمان ,,, اللي صار صار ,,, حط قدام عيونك كمشجع إنو بدك 6/6 بآخر مباراتين ,,,
قبل يومين نزلت موضوع عن معاهدة بيني و بين أصدقائي عشان نحضر و نشجع ,,, و والله لو أصورلكم محادثات الواتس بيناتنا إلا تعرفو كيف العزيمة و الإصرار بنفس كل واحد فينا ,,, خلينا نتفق ع تشجيع الأخضر ,,, على حب الأخضر ,,,
أخيراً ,,, إحنا مش زي غيرنا من الجماهير ,,, إذا فريقنا أكل جول بنقلب عليه ,,, و إذا لاعب غلط بنذبحو ,,, إحنا وقت الغلط بنضم ع الجرح ,,, و بنصير كتلة واحدة عنوانها الوحدات و الحب و الوفاء للنادي و لإسم النادي ,,, خلونا هيك ,,,
إنسو اللي صار ,,, إهدو ,,, وحدو الله و قولو يا رب ,,,
موضوعك راقي اخي كما انت ...
وبالفعل بعد التفكير والهدوء ,,, المهم لقب والتاريخ يسجل فقط لمن انهى الدوري بالمركز الاول,,,
وليش نخسر لقب واحنا متصدرين قبل جولتين من النهاية !! على اساس انه الفيصلي اخذ الدوري اكثر من ثلاثين مرة من ورا لعيبته .. الي بدري بدري!!
ولو اني مش متفائل بالمنظومة ككل,,,
بس ممكن مع دعاء الوالدين زي ايام ابوزمع ونوخذ الدوري ...
وبعدها يجب اقالة المدرب ومساعده بشكل فوري .. ويا ريت لو زياد شلباية يحترم الالاف من مشجعين الوحدات ويتوكل على الله ومش مشكلة خلي ابنه بالوحدات بس المهم هو يفارقنا.. لأنه في اكثر من محفل لمح انه يعني زي ما تحكي بمتلك نادي الوحدات او انه مسجل باسمه
وانا معك وعلى الملعب يوم الجمعه باذن الله ولعيونك يا وحدات والله انو الوحدات بنسبه الي عيوني الي بشوف فيهم هو قلبي الذي ينبض بحب المارد الاخضر جمهور الوحدات سوف نكون على الموعد يوم الجمعه القادم وسوف نملئ استاد عمان باذن الله
موضوعك راقي اخي كما انت ...
وبالفعل بعد التفكير والهدوء ,,, المهم لقب والتاريخ يسجل فقط لمن انهى الدوري بالمركز الاول,,,
وليش نخسر لقب واحنا متصدرين قبل جولتين من النهاية !! على اساس انه الفيصلي اخذ الدوري اكثر من ثلاثين مرة من ورا لعيبته .. الي بدري بدري!!
ولو اني مش متفائل بالمنظومة ككل,,,
بس ممكن مع دعاء الوالدين زي ايام ابوزمع ونوخذ الدوري ...
وبعدها يجب اقالة المدرب ومساعده بشكل فوري .. ويا ريت لو زياد شلباية يحترم الالاف من مشجعين الوحدات ويتوكل على الله ومش مشكلة خلي ابنه بالوحدات بس المهم هو يفارقنا.. لأنه في اكثر من محفل لمح انه يعني زي ما تحكي بمتلك نادي الوحدات او انه مسجل باسمه
كلام ما عليه زود
شجع و خذ لقب و بعدين أقيلو الدنيا كلها مش مشكلة
ولا نخسر دوري قبل نهايتو بجولتين
وانا معك وعلى الملعب يوم الجمعه باذن الله ولعيونك يا وحدات والله انو الوحدات بنسبه الي عيوني الي بشوف فيهم هو قلبي الذي ينبض بحب المارد الاخضر جمهور الوحدات سوف نكون على الموعد يوم الجمعه القادم وسوف نملئ استاد عمان باذن الله
هاي هي الروح اللي بنتفاءل فيها ,,,
عزيمتنا و إصرارنا و حبنا للأخضر ,,,
موعدنا الجمعة بإذن الله ,,,
خذها مني اخي الكريم واتذكر كلامي انا من الناس اللي بحب التفاؤل واعتقد بإذن الله انه مباراة امبارح وخسارتها اجت بالوقت المناسب الواح صفر ولا ثلاث ولا عشرة نفس النتيجة ثلاث نقاط وراحوا وانا بحكيلك بعون الله بعون الله الفيصلي الخميس خسران والجمعة الوحدات فايز عالرمثا ومباراتنا الاخيرة للتويج فقط لا غير وقولوا آمييييييييييييييييين .
ما الينا غير الوقوف مع الفريق بالرغم من تدني المستوى الكارثي والذي احمله للمدرب
عن حب الوحدات ما في خلاص يا اخوان ابتلينا في حبه من الصغر ولا بديل عن ذلك
بس همسة في ذان كل لاعب وحداتي ارحموا الجمهور الي وراكم
حرام عليكم هذا الفئة الرائعه من الناس تبكي على نتائجكم المترديه
نتمنى الفوز بالمبارتين المتبقيتين ان شاء الله