الله يرحم... - الله يرحم... - الله يرحم... - الله يرحم... - الله يرحم...
الله يرحم زمان
من 1982سمعت بشئ اسمه وحدات
من اقربائي ناس كبار
ومن 1985 بلشت اروح اشوف هالوحدات
حبيته على الفطره من ريحته ومن احساس ما فهمته وقتها
كنت بفكر الوحدات بس 11 لاعب وكم لاعب يتبدلوا
ما كنت اعرف انه فيه اداره اصلا...
ولا كنت اشوف دكه البدلاء وانه فيه مدرب
كنت اشوف عمالقه .. كنت اشوف عرق جبين على الترتان
وعلى مدرجات اسمنتيه...
وحناجر ذهبيه
كنت اشوف لعيبه ما اعرف اسمائهم ... بس كنت اعرف انهم يموتوا ولا يخسروا
كنت اعرف انه التذكره بنص وربع ليره..
وبس كبرت وتغربت بعدت... رجعت للوحدات من تلفزيون دبي
من برنامج قديم جميل اسمه الدوريات العربيه وشفت دوري الاردن
وشفت هدف حسن عبد الفتاح بالعربي اخر دقيقه وشفته ببكي من الفرحه
ورجعت ادور على الوحدات
بجريده اردنيه بمكتبه العجيري اروح كل اسبوع وافتح صفحه الراي الاردنيه الرياضيه
ما كنت اقدر اشتريها لانه حقها ربع دينار كويتي
اقرا عن الوحدات وشو اخبار الوحدات
وما كنت افهم بالنت والكمبيوتر
ولاجل الوحدات طلبت كمبيوتر قد التلفزيون
وعلموني على جوجل وكتبت نادي الوحدات وصرت ابحث وصرت اقرا الجرايد الاردنيه من خلال النت لا كنت افهم كيف اعمل تحميل ولا غيره حتى فهمت
وحتى وصلت لشئ اسمه منتدي الوحدات نت...
اقرا بصمت واصبح الوحدات قريب
وطولت حتى عرفت اسجل بالمنتدى
المهم تقربت واصلا انا بعيد
واجا الوحدات لعنا واخدت الاولاد ليشوفوا الوحدات
حتى ابني ابو 4 سنين فكرني ماخده عند حدا بقربلي
طول الطريق يسالني
بابا عمو الوحدات كيف شكله
مسكين مفكر الوحدات رجال ...
وفهم او ما فهم بس شاف انه الوحدات عباره عن اكتر من 30 شخص
والله ما بعرف شو فهم وقتها...
المهم قربت وقربت ويا ريت ما قربت
شفت امور تخوف... وما تخوف
فهمت انه القصه مش بس 11 لاعب وبس..
لا 11 لاعب و11 اداري
وامين سر ورئيس نادي وهيك قصص
يا ويلي شو كنت برئ...
ويا ويلي على اسم الوحدات
اتاري الاسم اعظم من 11 لاعب و11 اداري ورئيس
واكبر من جمهور بحبه حتى الثماله
الله يرحم شو كان اسم الوحدات اله هيبه ايام ما كنت اعرف عنه القليل
وبس عرفت القصه فهمت انه اسم الوحدات هيبه اكتر من هيبته
كلامك في الصميم اخي حسان .. كلما تقربت كلما تفاجأت
ولكن يبقى حب الوحدات اكبر من اي منغصات او اي صدمات
الوحدات كما تفضلت ليس 11 لاعب او فريق كرة قدم .. اكبر من ذلك بكثير ولانه اكبر من هذا بكثير العراقيل التي توضع أمامه والمخططات التي يتعرض لها كذلك كبيره جدا
كلام كبير .. جميل ، راقٍ .. مُعبِّـر ، فيه إحساس عظيم وعمق بقيمة ومكانة وسمعة ورمزية الوحدات .. لكن ، أخي الكريم : هذا لو كان ما تفضلتَ به من أجل كل ما تأسّس وأُنشِـئ لأجله نادي الوحدات ، وليس لأجل كرة قدم يمارسها 11 لاعبا كما تفضلتَ .. فوالله يا أخي - وعن نفسي أتحدث - الله لا يقيمهم ، ولا يجعلهم يكسبوا بطولة وَحَدِه لو أنني سأتباكى على الوحدات وأقعُد أندب حالنا ومِحتالنا عشان فريق كرة قدم مرة فوق ومرة تحت نتيجة ظروف ومتغيرات كثيرة حصلت وبتفرق كثير عن أيام زمان وانفرضت علينا وعلى كل الأندية الكروية في هذا البلد ، لكن تأثيرها الأكبر كان علينا إحنا خَصّ نَصّ ..
كلام كبير .. جميل ، راقٍ .. مُعبِّـر ، فيه إحساس عظيم وعمق بقيمة ومكانة وسمعة ورمزية الوحدات .. لكن ، أخي الكريم : هذا لو كان ما تفضلتَ به من أجل كل ما تأسّس وأُنشِـئ لأجله نادي الوحدات ، وليس لأجل كرة قدم يمارسها 11 لاعبا كما تفضلتَ .. فوالله يا أخي - وعن نفسي أتحدث - الله لا يقيمهم ، ولا يجعلهم يكسبوا بطولة وَحَدِه لو أنني سأتباكى على الوحدات وأقعُد أندب حالنا ومِحتالنا عشان فريق كرة قدم مرة فوق ومرة تحت نتيجة ظروف ومتغيرات كثيرة حصلت وبتفرق كثير عن أيام زمان وانفرضت علينا وعلى كل الأندية الكروية في هذا البلد ، لكن تأثيرها الأكبر كان علينا إحنا خَصّ نَصّ ..
ما قصدت البطولات
قصدت الرجوله حتى لو خسروا
كنت حس انهم جديين
ما قصدت البطولات
قصدت الرجوله حتى لو خسروا
كنت حس انهم جديين
أخي العزيز محمود :
صدّقني إذا أنا مش أكثر واحد حاسس بكل كلمة قلتها وكتبتها هون ، فبكـون من ضمن الأكثرية اللي شاعرين وحاسّين بما تحسّه .
أخي الكريم ، الرجولة كانت موجودة لأن البساطة كانت موجودة والمصاري عَـدَم - مش موجودة ، هسّـة المصاري كل شي !.
ومع ذلك ، وسواء بالرجولة زمان أو بالمصاري وبالإمكانات هالوقت هاظ إحنا أسياد هالبلد بكرة القدم .. ولأ كمان ، هسّة إحنا أكثر بطولات وأكثر إنجازات من عشر اطنعشر سنه وجاي .. الزمن مش هُوّه الزمن ، واللي خلّاني أجيب سيرة البطولات وأستنكر على حالي شخصيا إنّي أتباكى عليهم هو انصراف أعداد كبيرة وكبيرة جدا من جماهيرنا للانتقاد والتجريح والشتم والتحامل وتطليع البدري والوخري في اللاعبين وفي الإدارة إذا ضاعت منّا بطولة ، أو خسرنا صفقة لاعب ، أو تبهدلنا قهرًا وظلما وعدوانا ولم نستطع رد الظلم ولا دحر العدوان ولا قلب القهر انتصارا وتشفيا ، لإنّو اللي مش بإيدك بكيدك ، ولإنّـو بطّل عنّا حيلة وقدرة زي زمان .. وهذا الحكي بحكيه علينا إحنا الجماهير قبل ما أحكيه عن إداراتنا أو عن لاعبينا ، لأن الرجولة كانت تستمدّها الإدارة واللاعبون منّا إحنا - الجماهير - وكانوا يضربوا بسيفنا إحنا - الجماهير - لمّا إحنا الجماهير كنّا نصرف على كرة القدم في هذه البلد من جيوبنا ، فكان يطلع أي واحد من أعضاء مجلس الإدارة يقول بدناش نلعب المباراة اللي جاي ، وشوف كيف كانت تقوم القيامه ساعتها !!.
لإنهم مركنين .. كان في زلام وراهم ،، وبنــك تمويلي .
هسّة بهالمقاطعة هاي ،، في حدا من كل منظومة كرة القدم فارقة عنده ؟!!.
هسّة الوضع اختلف ، والله اختلف .. والزمن ما عاد زمننا ...
ومع ذلك في بطولات وأكثر من غيرنا بكثير ،، فليش يا أخي محمود تتحسّر وتترحّم ما دام معظمنا رضينا من كل الوحــــــــدات بكرة القدم وبسّ ؟!.