مطبخ القسم العام ..(جميع الإستضافات) - مطبخ القسم العام ..(جميع الإستضافات) - مطبخ القسم العام ..(جميع الإستضافات) - مطبخ القسم العام ..(جميع الإستضافات) - مطبخ القسم العام ..(جميع الإستضافات)
مطبخ القسم العام
زاوية أسبوعية نطل عليكم بها
بأشهى الأكلات و الحلويات
من تحضير أعضاء الموقع
ضيف اليوم ...
المشرف مالك سيقوم بتحضير طبق " رز بالزبيب مع جاج إمدخَّن"
اليوم موعدكم مع الشيف مالك "أبلة نزيرة"
رز بزبيب مع جاج محشش قصدي إمدَخَّن
المقادير
1_كيلو رز بسمتي
2_وقية زبيب
3_معلقتين حب هال مطحون
4_بكيتين ماجي كنور ابو ال10 قروش
5_معلقة بهارات
6_بكيت صلصة بندورة
7_ دجاجتين
8_فنجان زيت قلي
9_معلقة ملح
10_ 5 بصلات
11_ بودرة ثومة وإذا مافي بنجيب سِنّين ثومة وبنطحنهن واذا مافي سِنّين بنجيب"طَحونة" بيمشي الحال
13_ بصل بودرة مطحون بربع ليرة من عند العطار
14_معلقتين لبن
بننقع الرز لمدة عشر دقائق
نضع فنجان زيت قلي تقريبا بالطنجرة
بنولع تحتيه الغاز شوي وبنحط نص كمية الزبيب وبنقلبه مع الزيت شوي
بعديها بندير الرز وبنضل نقلبهم مع بعض على نار هادية
بعديها بنحط فوقهم معلقة بهارات ومعلقة هال مطحون وبندير بكيتين الماجي كنور ابو ال10 قروش فوقهم وبنحط كمان معلقة ملح خفيفة على حسب الرغبة وبعديها بندير كاسة مية فوقهم لحتى تكون فوق الرز تقريبا 2 سم
مش حد يتخربط ويروح يحط مية فوق الرز ب2متر
وبعديها بنوطي الغاز وبنتركه ربع ساعة لحتى يستوي
*هسة دور الصلصة الي بتنحط بالنهاية فوق الرز" او بصحن جنبه" على حسب الرغبة
بنجيب مقلاية وبنحط فيها فنجان زيت تقريبا وبندير فوقه نص الكمية الي بقيت من الزبيب وبعديها بنقطع ال5 بصلات مكعبات وبنديره فوقهن بالمقلاية وبنحط بكيت صلصة "هريس" البندورة وبنحط فوقها ربع معلقة ملح وربع معلقة هال مطحون وربع معلقة ماجي كنور ابو ال10 قروش وبنخلطهن مع بعض بالقلاية وبنتركها على الغاز 5 دقائق
*هسة دور الجاج لمحشش "لمدَخّن"
نضع معلقة بصل مطحون "بودرة" ومعلقة ثومة مطحونة "بودرة" ومعلقتين مية بندورة ومعلقة ملح بصحن ومعلقة بهارات مدخنة
ونصف معلقة فلفل اسمر ومعلقتين لبن وبنجيب عصير الليمون او ملح الليمون حسب الرغبة نخلطهم مع بعض
بعدها بنجيب الجاج وبنعمل فيه شقوق ونضع عليه الخلطة ونتركه لمدة ربع ساعة
ونضعه بصنية بالفرن ونشعل الفرن ونضع شوية مَيّة عشان الجاج ما يلزق بعدها بنلفه بقصدير وبنحطه بالفرن وبنعيرها نص ساعة وبنضل نقلب فيها لحتى يستوي الجاج بعديها نحضر فحمة مشتعلة نضعها بصحن قهوة ونحضر زيت زيتون ونديرها على الفحمة وبنفتح القصديرة شوية وبنحط الفحمة بين الجاجتين وبعدها بنحطهن بالفرن وبنسكر الفرن وبنضل نتفقده ونقلب فيه لحتى يتحمر الجاج
وبعدها بنروح نلتهي بشغلة ثانية بالغسيل او الجلي مثلا لحتى تستوي الطبخة
هسة بنرجع على الفرن بعد الربع ساعة بيكون الجاج اتحمر واستوى
بنجيب سِدر او صينية كبيرة وبندير الرز فيه وبنحط فوقه الصلصة الي عملناها بشكل موَزَع على الوجه وبنجيب الجاجتين وبنحطه فوقهن بشكل مرتب
يعدمني اياك انت وهيك طبخه معفنه
ساعة وأنا أقرأ مجمعتش اشي قد مابرمت
بس كأنه الطبخة بتشبه المندي لو دخّنا الرز كمان؟؟
يعني نفس المكونات تقريبا ناقص ندخن الرز ونحطله زعفران بيطلع مندي
عكل حال وجع يتك سنانك انت وهيك طبخه لانك بتخربط الي عمره ما تخربط بلق الحكي تبعك
يعدمني اياك انت وهيك طبخه معفنه
ساعة وأنا أقرأ مجمعتش اشي قد مابرمت
بس كأنه الطبخة بتشبه المندي لو دخّنا الرز كمان؟؟
يعني نفس المكونات تقريبا ناقص ندخن الرز ونحطله زعفران بيطلع مندي
عكل حال وجع يتك سنانك انت وهيك طبخه لانك بتخربط الي عمره ما تخربط بلق الحكي تبعك
اقتباس:
المشاركة الأصلية كتبت بواسطة حنان عبد الرحمن عز
بس سمااااااااااااااح الموضوع بيجنن أول مرة بحس انك بتفهمييييييييييييييي