اولا
انا وحداتية ابا عن جد
والدي وحداتي
اخواني وحداتية
وانا وحداتية
اعشق الوحدات حد الثمالة
من الصبح وانا مشعللة الدنيا
اغاني ورقص وهي الوحدات
ومش مصدقة انه اليوم الثلاثاء
رح نشوف الاعبين ياكلوا الاخضر قبل اليابس
جمهور يهز القويسمة هز
رحت على الجامعة وكان عندي شغل انساب اندية
ومع هيك كل عقلي بالمارد
وضليت ادعي وادعي
روحت اول ما كملت محاضرتي ....
وانا متابعة خطوة بخطوة على الوحدات نت
ما اتغديت لانه قلبي بدق باسم الوحدات
وحتى اعصابي تلفانة
بلشت المباراة
لكيت حلم بلش
سجلنا جول
طرت لاعلى السقف
ما ضللي ادين وانا ازقف من الفرحة
ما ضللي صوت وانا اصيح
جووووووووووووووووووووووووووووووووووووول
بعدين هدية المباراة
حكيت هس الجمهور بشعللها
هس بتحركوا
بس للاسف
هس بجيبوا حسن وعامر وشلباية
تمريرات روعة متل دايماً
بس لقيت جول بيفوت بمرمانا
قلت لحالي ولاخواني وابوي
الجوال دياما بتصحي الاعبين وبتخليهم
يطلعوا كل شي عندهم
هس الجمهور بحكوا معلش شو صار الوحدات زي النار
انا قاعدة وبشجع وبصيح يلا ...يلا
اتفاجات ناس بتحكي رافت علي رافت علي
صحيت لالالالالالالالالالالالالالالالالا
ازعلت كتير
مش لاني ما بحب رافت او لاني زعلانة منه لانه احترف
انا مع احترافه ومع محبتي الشديدة اله
بس مش موقف ولا تصرف من جمهور واعي ومثقف
يعمل هل حركة
اجيت على الوحدات نت
لقيت اتعس من المباراة ناس بتسب على الوحدات
وعلى رافت علي
وعلى محمود شلباية
لا عزاء لكل من تكلم بكلمة عن جنود قدموا ارواحهم ودمائهم
واجسادهم لاجل اسعادكم
غلطوا ما بنكر هل شي
بس العقوبة مش اعدام
انجلطت ورجعت على المباراة
قلبي ما طاوعني ما اتفرج على روح قلبي الوحدات
وكانت الادهى والامر
يا رافت يا معلم علمهم يا معلم
انا متفرجة لا انا بالملعب ولا انا لعيبة
وانكسر كل شي جواتي
حتى على جمهورنا
وبعدها بحكوا اطلع برا شلباية..اطلع برا شلباية
اجيت على المنتدى هون وحكيت
لالالالالالالالالالالالالالالالالالالالا لالالالالالالالالالالالالالالالالالا
شفت تعليقات الاخوة الاعزاء
بسبوا على ام وخوات الاعبين
مما عرفت شو احكي
لا قدرت اروح اتفرج على المباراة لاني مستحيل اتحمل هيك وضع
ولا انا قادرة اتحمل اشوف واقرا مسبات على لاعبين هم ابناء النادي
نسيتوا رافت شو عمل ...
وشلباية صار هسا كخا....
رح اعمللكم موضوع وبالصور ...
واورجيكم بعيونكم مين رافت علي ومين محمود شلباية
بالاخر بحكي لامي انا قلبي بده ينفجر
عندي امتحان مخارج وكتير صعب
وعندي حفظ جزء
وفي كتاب لازم اقرائه
طيرتوا كل شي بعقلي
لا اللي نفس ادرس
ولا في عقل يتذكر اللي اندرس
اليوم
شفت مواضيعكم
لساتكم بتحكوا نفس الحكي
شلباية ورافت ....
وكلام طالع نازل وكلام منصف
لهيك قررت شغلة
انا رح اعتزل الجماهير
انا بنت بموت بالوحدات لما يخسر قبل ما يفوز
بحب شفيع وبحب شلباية وبحب حسن وعامر والذيب
والسباح وحتى اللي راح احترف (رافت علي)
رح اضل احبهم واموت فيهم لما يخسروا قبل ما يفوزوا
لانهم بالنهاية وحداتية.....وحداتية...وحداتية
يا ريت تفهموا يلي بتسبوا على لعيبتكم
انكم بتسبوا على لاعبين وحداتييين
ما عندي استعداد اقرا ولا نص كلمة بتمس شرف الاعب
او حتى ذم بشخصيته
لانه ياما فرحني وياما بكاني من شدة السعادة
ومش انصاف ولا عدل اقعد اسب عليه اذا غلط
اوا امر على واحد بيسب عليه واسكت
لانهم باختصار بشر
يخطأون كما يصيبون
اذا بدك اياهم ما يغلطوا ابدا
روحوا جيبوا ملائكة يلعبوا بالملعب
لانهم هما الوحيدين اللي ما بخطأوا.
ولله بكسر الهاء لما جابنا الهدف الاول عبد لله ذيب حسيت قلبي رايح وقف من الفرح يمكن اول مره بفرح وبصير في هيك ورحنا وصلينا العشا احكي ان شاء الله بنفوز وادعي وبلش الشوط الثاني والهدف للاوزبك وانا واقف ما قعدت بلمرة بس قدر لله وما شاء فعل وخيرها بغيرها وهي مش اخر الدنيا وهيك كرة القدم اذا ما خسرنا ما بنعرف شو اخطأنا
مع كامل احترامي وتقديري ام يحي لقد انتابني نفس الشعور وتكلمت حينها نفس كلماتك وحضنت اخي الكبير وبدأنا بالرقص واستأت جدا على صيحات لرأفت علي وعلى اطلع برا شلبايه . ولكني ايضا انظر الى الوجه الاخر من العمله التي هي في الاصل واحد . لقد انتظرنا سنين وسنين طويله وكلما وصلة اللقمة للفم نحرم منها . لم يكونوا كما توقعناهم لم يبالوا في تعب جماهيرهم لم يقدروا الثمن الباهظ الذي دفعه المساكين من جماهيرهم لم يقدموا لنا ما نحترمهم به ونقول انهم حاولوا والله ما كنا سنقصوا عليهم لو انهم حاولوا ما حدث كان هزه كبيره في وجدان الجمهور تحملنا الكثير من اخطاءهم في القديم ومن عصبيتهم التي دفعنا ثمنها غاليا . لقد ارهقنا التعب والانتظار والله لم اكن يوما يائسا كما انا الان كنا نحسب دقات الساعه بالثواني ونحن ننتظر هذا اليوم الا يحق لهم الخروج عن النص كما خرج شفيع ورأفت ولا يعني كلامي هذا انني مع من سب وشتم فهذه ليسة اخلاق المسلمين ابدا
اختي أم يحيى العتب على قدر المحبة والزعل على قدر المودة اما السب والشتم عادة تقريباً منتشرة بين الشباب
أنا ضد هذه الظاهرة السيئة والتي لا تعبر الا عن قائلها وجمهور الوحدات ليس فقط الموجدين بالملعب هناك الكثير الكثير كانو خارج الملعب وأمام الشاشات وعدم ذهابهم على الملعب هو ما سمعتي
لو تحمـَّلتِ جميلة فلان وعلان كي تحصلي على إذن مغادرة من الساعة وحدة
لو قعدتِ في الشوب
لو انبح صوتك
لو دفعتِ خمس دنانير
لو صودرت منك القدَّاحة
لو .. لو.. من أجل عيون المارد ثم رأيت ِ الأداء الباهت وملامح الأسى على عيون الجماهير كان ما سبيتي ع اللعيبة
كان فجَّرتيهم بقنبلة نووية !!!