يا رايح ع البلاد - يا رايح ع البلاد - يا رايح ع البلاد - يا رايح ع البلاد - يا رايح ع البلاد
هذه هي أول محاولاتي الشعرية بعد ربع قرن مع الكتابة وباللهجة العامية أرجو أن تحوز على اعجابكم
موال
وطنّا جوّا أرواحنا سكن
هوّ هوانا وهوّ السكن
إذا متت اعملوا عظامي سكن
وانثروها ع أغلى تراب
*****************
يا رايح ع البلاد سلم على حيفا
ع أرضها الخصبة وعلى ريفا
سلم على المينا و ع غرفة القصيب
وهات لي معك من رغيفا
*****************
عشنا ف ِغربة وهي تجذرت فينا
مهما بعدنا بس ما نسينا
عمره البحر ينسى أمواجه
ولّا الشجر يهجر حفيفا
***************
حيفا الأرض حيفا تاريخ وهوية
ومفتاح دارنا ف ِ الريحانية
لو راح من عمرنا سنين وسنين
فلسطين أمنا والمرضعة حيفا
****************
جبلي معك لو حفنة من ترابا
شوية ( فقع ) وكمشه من أعشابا
وموال وجع يروي حنيني
تعبنا من الغربة ورصيفا
****************
يا ابني الوطن هوّ ثروتنا
هوّ القضية وهوّ فرحتنا
لو خيرونا بمال وذهب
ما نبيع بكنوز الأرض حيفا
بلدنا الدم ..بلدنا الدم ..على ترابك بلدنا
واحنا فلسطينية ياهل الريحانية ..وما بنحني بلدنا
ومادام نسوانا يا وحدات ..(يابا)بلدنا
بيظل طول العمر عالي علم بلدنا..