الله يسامحك يا ابو طلال
أقسم بالله العظيم يا رجل لا قصدتك ولا قصدت أي واحد وحداتي ,
حرام عليك يا رجل تلقي علي هالاتهامات جزافا , بعدين يا ابو
طلال ما بطلعلك تحكي بأسماء ناس ثانيين وتعمل سوع فهم بيني
وبين أشخاص انات بحترمهم وعمرهم ما أساءوا الي , بدك تعترض
أو عندك سؤال اسأل مباشرة واحكي عن نفسك لأنه كل واحد بمثل
نفسه يا ابو طلال المحترم , مرة ثانية بحكيلك انت ظلمتني وأنا موضوعي
بحكي فعلا عن أثنين فيصلاويين وما في داعي أذكرهم بالاسم لأني
وعدت وعد شرف ما أذكر اسمائهم الا في حالة اساءوا مرة ثانية .
والله من وراء القصد
انا ما بتجنى عليك و لا بعمل وقيعة بينك و بين أحد الاعضاء .. انا حطيت اسماء الاعضاء و من ضمنهم اسمي عشان الكل يتأمل بالاسماء هل فعلا هؤلاء فيصلاوية متخفين .. موضوعك واضح و اتهامك شامل .. انت وضعت كل واحد بدعوا للمقاطعة تحت بند الخيانة او المؤامرة .. كل واحد بدعو للمقاطعة او بتهم الادارة او لاعبين .. انت ما حصرت اسم او اسمين , او صفة معينة
المؤسف اختلاط الموضوع بعض الاعضاء و بعض منهم اعطى تلميحات و كلام مبطن .
هذا هو موضوعك اتأمل منيح ... محور الموضوع و التركيز على من يدعوا للمقاطعة
الفيصلاوية ما بهمهم المقاطعة .. لما بدخل فيصلاوي متخفي بدخل عشان يقلل من قدر اللاعبين عن طريق النقد اللاذع و المبالغه .. و اساليبهم معروفه .. مثل اساليب الوحداتية الي بتخفوا كمان بمواقعهم و بصيرو يقللوا من قدر نجومهم باسلوب غير مباشر .
اتفضل اقرأ شو محور الموضوع ... هو باختصار عبارة عن تشكيك في من دعا لمقاطعة المدرجات .. للاسف انت ما حددت سلوك معين عشان تبعد عني الشبهات !!
الله يهديك و يسامحك .
اقتباس:
المشاركة الأصلية كتبت بواسطة رضوان الرضوان
اخواني الوحداتيين الغاليين
بالأمس كان هناك حوار بيني وبين صديق حميم يشجع ناديا آخر غير الوحدات , وأكد
لي أنه يدخل الى المواقع الوحداتية ويشارك على أساس انه وحداتي , ويحاول هو
ومن معه من اصدقاءه وضع السم بالدسم ويستغلوا حالة الغضب الكبير من جمهور
الوحدات على فريقهم وادارتهم ويبدأون بطرح مواضيع مثل دعوة جمهور الوحدات الى
مقاطعة الفريق أو حث الجمهور على سب وشتم اللاعبين والنادي و ...............
ارجوكم ارجوكم أن تحذروا كل الحذر ولا تنجرفوا وراء دعوات هدامة ومغرضة من بعضالمواضيع فأحيانا نقرأ موضوع يحثكم على شتم لاعبينا فأرجوكم لا تشتوا وأحيانا نقرأ
موضوع يحثكم على مقاطعة الفريق ونسيانه فأرجوكم أرجوكم لا تقاطعوا وأحيانا يحثوكم
أن لا تدعموا الوحدات لأنهم لا يستحقون , فهم يستغلون حالة الغضب الجماهيري
على الوحدات وللأسف الشديد هناك اخوان ينجرون وراء هذا الفخ .
الآن نحن بأمس الحاجة لكي نتوحد ونشبك أيادينا ببعض ونشد من أزر بعض لكي نستطيع
بالتالي أن نشد من أزر وحداتنا الغالي , وأقول وحداتنا الغالي وليس اللاعبين أو الادارة
فلا أريد أن يطل علينا أحد ويقول الادارة فاسدة واللاعبين طنطات و ......................
أستحلفكم بالله العظيم أن نقف مع وحداتنا الغالي الوحدات الرمز الوحدات العشق ....
هل ستقفون بوجه هذه المؤامرات على وحداتنا الغالي وستردوا على ذلك بتواجدكم
بكثافة بالملعب يوم السبت وأكثر من أي مرة سابقة ؟ نريد هذه المرة بالذات أن نؤكد
لهم وللجميع أن جمهور الوحدات أوفى جمهور بالأردن وبالعالم كله .
هل ستفعلون أم انهم سبقوني اليكم وأثروا فيكم وحطموكم ؟!!!!!!!!!!!!!!!!!!!!