الله يجزيك كل خير ويبارك فيك أخي أحمد ..
ويزيد بايمانك .. وينولك مرادك ..
ويصدق تستحق كل التقدير والشكر لطرحك هذا الموضوع وما تقدمه للمنتدى ..
دمت بحفظ الله ورعايته ..
المشاركة الأصلية كتبت بواسطة عاشقة المارد الأخضر شروق
السلام عليكم ورحمة الله وبركاته
وعليكم السلام والرحمة والاكرام
رأيك عزيزتي بكل من :
- أفضل وظيفة للأنثى التعليم ..
انا مع هذا الراي ..اول شي بتتعامل مع بنات...ثانياً بتروح من الصبح للضهر يعني مش وقت طويل كتير ...بتقدر توفق بين بيتها وشغلها
- كل فتاة مشاركة بالمنتديات أو المواقع الالكترونية عليها بعض النقاط ..
حسب البنت ...هي اللي بتفرض احترامها وراي الناس فيها حسب مشاركاتها
- هناك أخوّة خارج نطاق العائلة ..
رب اخ لك لم تلده امك....بين بنت وبنت او بين شب وشب ممكن
بين بنت وشب اعتقد 99 % ما في اخوة كفطرة ممكن يميل قلب الاخر ....
- أي علاقة قبل الارتباط الشرعي ..
ضد...لانه احنا بجامعة وشفنا وسمعنا قصص كتير اغلبه كذب غير انه حرام
**********************
برأيك لماذا الفكرة السيئة دائما تسبق الحسنة ؟!!
يعني أول ما يتفوه به الناس الظن السيء ؟!! واستخدام كثير من المقولات: الله يستر علينا .. ما بحط شي بذمتي وغيرها من هذا المنوال ؟؟!
هي اقرب للنفس الظن السيء ... "ان بعض الظن اثم"
ولا تخضعن بالقول فيطمع الذي في قلبه مرض
توجيه خفيف منك اختي ام يحيى لبناتنا واخواتنا في هذا الامر سواء بالمنتدى او خارج المنتدى
يمكن تكون ردودنا بعفوية...وما ننتبه انه ممكن يكون فيه اشي ..
نصيحة وطلب ورجاء حار ..من الصبايا خصوصاً اللي بتحس انه في برد البنت اشي تنبها على الخاص....وانا متاكدة جميعهن لديهن رحابة الصدر للاستماع
هل من الممكن ان نرى كتاب لابنتنا ام يحيى عن الاقصى بشكل خاص والقدس بشكل عام
ممكن...فكرة حلوة ولا مرة فكرت فيها
لو طلب منك تقديم المساعده للعائلات السوريه الذين تركوا بلادهم هل تلبين الطلب وهنا اقصد العمل مع اللجان
طبعا واللي الشرف ...
سورية النا وحقها علينا
هل لك نشاط بالجامعه دعوي هل تقويم بتوجيه اخواتك واخوانك الذين هم معك بالجامعه ام تجدين حرج بذلك
الي نشاط جامعي دعوي لكنه مختص فقط اخواتي ...
اما الشباب الهم شباب ودكاترة لدعوتهم
لو رأيت اي خلل اخلاقي لا سمح الله بمن تتعاملين معهم سواء هنا بالموقع او خارجه هل تتدخلين لتصويب الوضع من واجب شرعي من رأى منكم منكرا فليغيره
حسب مش دايماً حسب الموقف مش كل الناس بتتحمل ...التدخل
وانا ما بتحمل حدا يعصب علي..
صباحك ورد وفل يا ام يحيى
مسا الورد يا نور
استضافة مميزة بالفعل احسنت الاختيار اخي احمد الصادق
ام يحيى عضوة نشيطة ولها بصمة في كل مكان في هذا المنتدى
تشكرات يا نور
شوية اسئلة خفيفة وبرجع فيما بعد
من هو ملهمك في الحياة؟
والدي الله يحفظلي ايا يا رب
كيف تنظري الى مجتمع الجامعة في هذة الايام؟اقول لك بصدق عندما ادخل الجامعة احيانا اشعر وكأني في اوروبا...
الجامعة بدها شغل كبيــر كثير
في اغلاط كبيرة...من لباس...وتصرفات...اقوال...وافعال
واجبنا ننصح هل ناس
ما مدى ارتباطك بمدينة اربد؟هل تشعري بالغربة لمفارقتها
انا بحب اربد ولدت وتربيت فيها لما رحت على جنين اشتقت لاربد كتير
ليش عم نشوفك كتير بالادبي؟ الاسلامي عم ياخد معظم وقتك
والله انا بطلت اقعد على النت كثير ...جامعتي على 5ونص بروح منها بقعد شوي بالاسلامي وبدخل على الادبي وبقرا بس ما بعلق ...مرور بصمت ..
لانه هناك حالة تخاصم بيني وبين قلمي ,,,,
رح برجع ان الله راد
والله عنجد يا ام يحيى الواحد صار يصحى وينام بالمزرعة السعيدة وشو صار بالجاجات باظن ولا لسة
انا ما عمري لعبتها وكل يوم بلاقسي على صفحتي اكثر من 20 طلب للعب المزرعة السعيدة وببعتوا رسايل كمان وبالمصلى بكليتي البنات بكونوا يحكوا عنها
حسيتها اشي اووووه عظيم
ام يحيى شو رايك بحجاب هذه الايام خاصة مانراه انه البنت محجبة من فوق ولابسة لباس ضيق حسب موديل هذا الايام"الفيزون والحذاء الطويل"
انا بحزن عليهم...لانهم ماخذ الحجاب تقليد
شو الفايدة لابشة شال ومبين الحلق ..او لابسة شال ولابسة تنورة قصيرة وتحتها فيزون او تايد
اشي مسخرة .....ومش حلو ابداً
بماذا تنصحين هؤولاء الفتيات الاتي يظنن انهن محجبات؟؟
ارحمن حالكن من هل انتقادات
والبسوا شي يرضي الله عنكم...
لكل واحد فينا نقطة ضعف فماهي نقطة ضعفك اقصد ما ترين انها خصلة يجب تغييرها بالمستقبل حتى لا تكون سلاحا بيد غيرك؟؟
نقطة ضعفي حساسيتي الزايدة وكتير ناس بستغلوها وبضلهم يقهروا فيا...نفسي اعرف اطنش
مارايك بقضية جمع الصلوات بالمطر حتى بحالات اللمطر الخفيف ومن يذهبون لهذه المساجد قصدا؟؟
اعتقد والله اعلم انه ما بيصير ...الجمع اله احكام ...مش عشان شوية مطر تجمعوا
مارايك بصلاة الرجل ببيته؟؟
مرفوضة تماماً...هو زلمة شو اللي مخلي يقعد بالدار والاذان ماذن...
ما رأيك بمن يتقمص اسماء فتيات ويدخل المنتديات باسم فتاة؟؟
ما بيضحك غير على حاله....وهو الخسران بالنهاية
لو تقدم لخطبتك شاب ملتحي وملتزم بلباس الدشداش هل تقبلين به..في ظل التحرر الفكري هذه الايام؟؟
اذا ملتزم ليش لأ....
وبالنسبة لالي الشكل مش مقياس لفتى احلامي
اللي حاطيته ببالي انسان بحب الاقصى وما معه مصاري كتير ودين
هل تستمعين للاغاني..او برامج الطرب مثل عرب ايّدل وعرب ابصر شو؟؟
الحمد لله لأ,,,,هاي نعمة من ربنا
لانه كله حكي فاضي