و الله يا اخوان ربكم ستر ولا كان بدنا جاهة لنسايبي نرجع ام العيال
عشان اظل قاعد اصوت فلازم اتحايل على ام العيال و ما تعرف تقعد علىاكمبيوتر تحكي مع اخواتها اللى في السعودية و الكويت
فصرت كل ما تيجي بدها تشبك مسنجر افلت سلك الراوتر و اقنعتها لمدة اسبوع انه النت في مشاكل من الشركة
المصيبة انه لما هي تروح ارجع اشبك عادي و اشتغل
فحلفت يمين اني بتخوث و مش قادرة تمسكني متلبس
لحد ما نزلت برنامج شكله غريب و حطيته في نص الشاشة على اساس اقنعها اني بصلح في الكمبيوتر
و ربنا ستر
طبعا مرة ثانية فضحتني قدام اهلي و دار عمي
الناس قاعدين عالغذا و معزومين
انا استأذنت منهم بحجة انه عندي شغل
فنطت قالتلي قدام الكل"روح صوت لرأفت روح"
انا يا شباب كنت راح انخلع قبل ما اتجوز لانو من كثر ما كنت اصوت و اسهر عالتصويت و كل ما كانت خطيبتي تتصل علي احكيلها بصوت لارفت بالاخر حكتي خلي رافت ينفعك و هات اقنعها انو انا بصوت مش بلعب بذيلي و حكتلي شكلك غايص مع وحده اسمها رئيفة مش رافت
و هات اقنعها انو انا بصوت طبعا ما اقتنعت غير لما دخلت على موقع التصويت و شافت فعلا في تصويت
بس بصراحه انا زودتها لانو كانت تحكي معاي و انا هاتك يا تصويت
السلام عليكم
النهفات كثيرة وسأذكر واحدة منها وهي رسالة خاصة وصلتني انا لما شفت عنوان الرسالة راح بالي لبعيد بس لما شفت محتوى الرسالة ضحكت كثير لن اذكر اسم مرسل الرسالة واجو ان لا يغضب اذا قراها نحن هنا في هذا الموضوع للفكاهة فقط
اول رسيالة منه كانت بعنوان (حبيبي) قلت الله يستر
الرسالة كالتالي :
ارجك اعطيني طريقة اغير فيها الاي بي بعد كل صوت
طريقة تكون سهلة وبتنفهم
لاني الي ساعة قاعد عالفاضي
رديت عليه بكلمتين
افصل المودم دقيقة واشبكه او اعطيني اسم المودم يعني اخوي الصغير بفهم ايش يعمل لو حكيتله هيك
احلى نهفة يا شباب
في عنا بالدار شغالة
في اخ من الاخوان كتب موضوع انة يضل حدا عند الراوتر بفصلو من الكهربا ويرجعو
وما اكون خياب
اناديلك على الشغالة
بحكيلنا ابتتزحزحي من هون بكسر اعضامك كل ما احكيلك شيلي هادا بتشيلية
رجعية بترجعية
ضلت سهرانة معاي لساعة ثلاث الصبح
اخر شي فقعتك رمت الراوتر على الارض
ابتحكيلي
انا خلاص بدي روح سيرلانكا
ولك يهديكي يرضيكي ابدا ضلت للصبح وهي اتعيط
اخر شي اطلعت على السوبر ماركت جبتلها شوكلاتة
عشان ما تصحى الحجة اتلاقيها بتعيط
بس كان يوم من الأخر
الله لايجبرك هو الي صار فينا من قليل من عمايلك بهالمسخمة الله يغص بالك ياابو راس
و الله يا اخوان ربكم ستر ولا كان بدنا جاهة لنسايبي نرجع ام العيال
عشان اظل قاعد اصوت فلازم اتحايل على ام العيال و ما تعرف تقعد علىاكمبيوتر تحكي مع اخواتها اللى في السعودية و الكويت
فصرت كل ما تيجي بدها تشبك مسنجر افلت سلك الراوتر و اقنعتها لمدة اسبوع انه النت في مشاكل من الشركة
المصيبة انه لما هي تروح ارجع اشبك عادي و اشتغل
فحلفت يمين اني بتخوث و مش قادرة تمسكني متلبس
لحد ما نزلت برنامج شكله غريب و حطيته في نص الشاشة على اساس اقنعها اني بصلح في الكمبيوتر
و ربنا ستر
طبعا مرة ثانية فضحتني قدام اهلي و دار عمي
الناس قاعدين عالغذا و معزومين
انا استأذنت منهم بحجة انه عندي شغل
فنطت قالتلي قدام الكل"روح صوت لرأفت روح"
والله وقعتك سودة كان اخذنا اللجنة الاعلامية جاهة على نسايبك
بس انا اشطر منك اقنعتها وخليتها تصوت لما اتعب انا تبلش هيه
احلى نهفه كنت مروح من شغلي ورحت على السوق اشتري بعض الاغراض بالصدفه دخلت محل تلفونات وكمبيوترات شركه ابل فلقيت كنز حوالي ٣٠جهاز شابكات وجاهزات فبلشت اصوت للمعلم رافت حتى اني كتبت مشاركه من الجهاز رقم ١٧ وكملت التصويت واخذتها عاده كل يوم وفي اليوم الثالث بلشوا موظفين المحل يراقبوني بفكروني بدي اسرق وفي اليوم الخامس ماتحملت نضراتهم الي ناديت الالماني المسئول وحكيتلوا القصه فضحك وسئلني لهدرجه بتحبوا هذااللاعب فوصفتلوا مدى عشق جماهيرنا للمارد وخاصه رافت وورجيته على اليوتيوب اهداف ومراوغات رافت فقال لي بالحرف الواحد هذا اللاعب يستحق العشق ورفع عني المراقبه وكان بعد هيك لما يشوفني يساعدني بالتصويت هو وموظفين اتراك بشتغلوا بالمحل
ههههههههههههه كانت ايام ولا احلى*
كمان نهفة
انا ابوي ما بعرف اشي بالكمبيوتر وبالنت
طبعا علمتو طريقة التصويت
وصرت لما اطلع عالشغل يقعد هو ويصوت
وكان مبسوط لما كانت النتيجة لمصلحة رأفت
لما صار الي صار وتقدم الليبي صار ابوي يبهدل فيي قال ليش صار هيك
شوفولنا طريقة بسرعة
زعل عنجد وعصب
حاسك بتحكي عن وضعي بالزبط
نفس الكلام بلا زيادة عن وضعي
وصرت لما اروح على الجامعة او عند اي واحد من الشباب يكون هو قاعد في المنتدى على يوزري
طبعا كنت انا الشباب مسؤوليين عن توزيع الطرق للشباب واللي عنده مشكلة كان يراسلني
كوني بدرس كومبيوتر
المهم كل ما واحد يبعثلي مسج بده التومتايكي
واكون انا مش بالبيت يرن علي ابوي يقولي تعال روح هي فلان الفلاني بده يااك تبعتله الطريقة
وعلى هالمنوال الله وكيكلم بس جد والله لن تتكرر ايام التصويت