إنت عندك حِدّه في الحوار أتمنى أن تتقبلي الرأي و الرأي الآخر
و كأنك تتحدي الكل و كأنك دوماً على صواب
نحن لا نقيد حريتك المفرطه و حقوقك كحقوق الغرب التي ربما تحلمين بها
و لكن نحن لدينا عادات و تقاليد و ديننا الحنيف يأمرنا بأن نطبقها
فأتمنى أن يكون حوارك أكثر عقلانياً و تحترمي و جهات نظر الأخوه المحافظين
و دمت بود لتفهمك موقفنا من الحريه و الديمقراطيه المفرطه التي نعاني منها بسبب فهمنا الخاطئ لها
كلامك صحيح يا ابو السوس يعني عنجد الموضوع زاد عن حدة كثير
إنت عندك حِدّه في الحوار أتمنى أن تتقبلي الرأي و الرأي الآخر
و كأنك تتحدي الكل و كأنك دوماً على صواب
نحن لا نقيد حريتك المفرطه و حقوقك كحقوق الغرب التي ربما تحلمين بها
و لكن نحن لدينا عادات و تقاليد و ديننا الحنيف يأمرنا بأن نطبقها
فأتمنى أن يكون حوارك أكثر عقلانياً و تحترمي و جهات نظر الأخوه المحافظين
و دمت بود لتفهمك موقفنا من الحريه و الديمقراطيه المفرطه التي نعاني منها بسبب فهمنا الخاطئ لها
يا اخوي انا ما عندي حدية بالحوار بس اشي بيفقع
حط حالك محلنا كل شوي واحد بيطلعلك بقصة
وانا كتبت رد لكن الاشراف مسحوه انا بحترم كل وجهات النظر ومن الطبيعي يكون في مؤيدين ومعارضين
لكن حلو يتم الانتقاد بطريقة مؤدبة وواعية احنا قاعدين بنتحاور بمنتدى محترم
لما يجيك واحد يقلك روحو اعملو نادي الكم طيب شو بتسمي هاد الرد
وواحد ثاني بيقلك موضوعكم شو بيهمنا طيب المواضيع التانية شو بتهمنا برضو
يا اخوي في أدب للحوار ولما شخص يتجاوز هاي النقطة بيفكرك ضعيف ومش قادر ترد عليه
ومين قلك انو انا بحكي انو آرائي كلها صحيحة ليش انا ملاك لحتى يكون رأيي هو الوحيد الصح
انا بشر بخطأ وبصيب وانا مش ملاك لكني مش شيطان
عيب الي بنعملو ببعض يا اخوان حسستونا انو احنا بنطالب بعضوية نادي مشبوه وكلو زعران
يا اخوان انتو كمان صرتو اعضاء بالنادي هاي هي ثورة التغيير والاصلاح الي بدكم اياها ؟؟
من جهة ثانية انتا بتقول عندي حرية مفرطة والله يا اخوي انتا ما بتعرفني لذلك ماا بتوقع رأيك صحيح
ولما بدي أبدي رأيي بحدى الافضل انو اكون بعرفو عن قرب علشان لما احكي اكون عارف شو هو
انا مثلا ما بعرفك لذلك ما بيطلعلي احكي رأيي فيك حتى لو بتابع ردودك
تقدمي بطلب العضوية لنادي الوحدات انا والاخوات مش اشي معيب يا اخوي انا مقدمة عضوية لنادي محترم
اقلك رح اجيبلك الموضوع من الاخر وكيف بفكر بقصة العضوية الي عملنا منها طنطنة ودندرة
عضوية نادي الوحدات هي هويتي هي هوية الي كبنت مخيم وما يرمز الو مخيم الوحدات مش نادي الوحدات
عضوية نادي الوحدات هي الشي الي انا وانتا مش قادرين نحكي عنو بعلانية لكن لما بتحكي انا عضو بنادي الوحدات
يبقى هويتك الضائعة وجدت عضوية نادي الوحدات هي هوية وليست بطاقة عادية ثمنها 8 دنانير
والي قلقان انو عددنا 3 بنات انا بحكي للكل باول فرصة لفتح العضوية مرة ثانية
انا ببشركم بـ 200 بنت على اقل تقدير رح يسجلو طلب لعضوية نادي الوحدات حتى لو في عدم محكومية
ومش قوات محمولة ولكن بنات محبات لنادي الوحدات وبنات يفاخرن الدنيا بنادي الوحدات ..
كما قلت لك بالسابق مراوغه من الاداره ثم القبول ليأتي كل واحد منهم ويحكي انا عملت وسويت وفتحت العضويه للأناث تمجيدا للذات المارد بيكاسو
اخوي ابو اوس الموضوع لن يأخذ وقت طويل ومديرية شباب العاصمة رح تخاطب النادي رسميا يوم السبت الجاي الي بدي اقولو انا مش معصبة بس فعلا في ناس بترد بس بدها تورجي حالها انها كتبت ..
احنا قادرين على الرد بنفس الاسلوب ولكن بنرجع وبنقول ما بدنا ننزل بمستوى تفكيرنا وردنا لهاي الدرجة
والمصيبة انو الي قاعد بيقلك النادي كلو همل وزعران طيب مهو صار جزء من النادي
يعني بيحكي عن حالو ويجرم نفسه بدون ان يدري ,,
اخوي ابو اوس الموضوع لن يأخذ وقت طويل ومديرية شباب العاصمة رح تخاطب النادي رسميا يوم السبت الجاي الي بدي اقولو انا مش معصبة بس فعلا في ناس بترد بس بدها تورجي حالها انها كتبت ..
احنا قادرين على الرد بنفس الاسلوب ولكن بنرجع وبنقول ما بدنا ننزل بمستوى تفكيرنا وردنا لهاي الدرجة
والمصيبة انو الي قاعد بيقلك النادي كلو همل وزعران طيب مهو صار جزء من النادي
يعني بيحكي عن حالو ويجرم نفسه بدون ان يدري ,,
كلامك منطقي بالنسبه لحقق بالعضويه لاكن انا أقصد ان تنسي الردود حتى لا تكبر القصه وتأخذي حققدون أن نخسر بعضنا البعض وأمام الأداره المتواجده بالمنتدى
اخوكي المارد بيكاسو بالمنتدى الكويتي
يا اخوي المارد اكيد عرفتك وعرفت مين انتا وشفتك بمباراة للوحدات في المنصة كنت
بدي اقلك شغلة انا مش بنت صغيرة لحتى اخسر الناس
انا بحترم كل وجهات النظر وفي ناس بتحكي من ناحية دينية وحقها ما يعجبها عادي جدا
لكن في اراء تقول كانوا مستنيين هيك موضوع يا زلمة .. في كلام من المعيب انو نحكيه مع بعض
وكل شخص بيعرف نفسو منيح وبيعرف كان انتقادو من اي ناحية على كلن مش موضوعنا هاد هسا
بدي أذكر الاخوة الي بيحكو بموضوع الاختلاط بهذه الحادثة من التاريخ الاسلامي
رفيدة الأنصارية أول ممرضة في الإسلام، بقيت طوال حياتها تقوم بهذه المهمة الإنسانية النبيلة لاسيما أثناء غزوات الرسول محمد صلى الله عليه وسلم، من خلال مستشفاها المتنقل، متطوعة بعلمها وخبرتها لصالح هذا العمل العظيم، ولأنها كانت صاحبة ثروة ومال فقد كانت تنفق بسخاء على المحتاجين، وعلى توفير مستلزمات مستشفاها الخاص.
عرف مستشفاها المتنقل باسم «خيمة رفيدة»، وكانت أول انطلاقة له عندما عاد المسلمون من غزوة بدر إلى المدينة منتصرين، وكان معهم الجرحى وذوو الإصابات البليغة، فقامت رفيدة بدورها في علاج المصابين، ومداواة الجرحى.
من خلال خيمة نصبتها بجوار المسجد النبوي وجهزتها بالعقاقير وما توفر لها من أدوات جراحية.
وقد اشتركت رفيدة في كل غزوات الرسول: أحد والخندق وخيبر، وتروي كتب السيرة أن الصحابي سعد بن معاذ لما أصيب بسهم غائر في ذراعه يوم الخندق أمر الرسول (ص) بنقله إلى خيمة رفيدة لتقوم بإسعافه، وإخراج السهم ووقف نزيفه، قائلا: «اجعلوه في خيمة رفيدة..» فكانت خير مشرفة على تمريضه.
وفي غزوة خيبر وبينما الرسول يتأهب للزحف جاءت رفيدة إلى رسول الله على رأس فريق كبير من نساء الصحابة قامت رفيدة بتدريبهن على فنون الإسعاف والتمريض، فاستأذنّ الرسول قائلات: (يا رسول الله أردنا أن نخرج معك.. فنداوي الجرحى ونعين المسلمين ما استطعنا).
فقال الرسول لهن: (على بركة الله).
وفي هذه الغزوة أبلين بلاء حسنا وقمن بجهد عظيم مما جعل رسول الله يقسم لرفيدة من الغنائم بسهم (حصة) رجل شأنها في ذلك شأن الجندي المقاتل، كما أعطى المتفوقات منهن قلادة شرف وكانت الواحدة منهن تعتز بهذه القلادة وتقول والله لا تفارقني أبداً في نوم ولا يقظة حتى أموت، ثم توصي إذا ماتت بأن تدفن معها.
يا جماعه الخير اذا القانون ما بمنع ليش بنمنع احنا اي هو احنا بدوله خلافه اسلاميه احنا بدوله فيها قانون مدني مش اسلامي لما يصير نادي الوحدات الاسلامي بنصير نحرم ونحلل الي بدنا اياه الي بحكي غير هالحكي يعرف انه بناقض حاله لوجود عضو اداره من الديانه المسيحيه يعني النادي غير تابع لدين معين .
للأخت ريمون اتمنى انك تكوني تقبلتي وجهة نضري كما تقبلت وجهة نضرك أنا و غيري ممن احتجّو حالياً لاسباب انه النادي ليس مهيئ بطريقه يحفظ لكل ذي حق حقه
الوقت لم يحن لأننا ما زلنا في بداية البناء و كل شي في وقته حلو
للأخت ريمون اتمنى انك تكوني تقبلتي وجهة نضري كما تقبلت وجهة نضرك أنا و غيري ممن احتجّو حالياً لاسباب انه النادي ليس مهيئ بطريقه يحفظ لكل ذي حق حقه
الوقت لم يحن لأننا ما زلنا في بداية البناء و كل شي في وقته حلو
اخوي انا متقبلة وجهة نظرك وحقك تحكيها وبعرف انو المعظم بيحكي من خوفو علينا والقلة القليلة تهاجم لأجل الهجوم فقط , ويا اخوي انا طول الوقت بالنادي لذلك بعرف شو بيصير بالغرف المغلقة وكيف بيتآمرو على بعض وشو بيحكو على بعض انا مش غريبة عن هاي الاجواء واحنا جايين لنحسن الوضع مش لنهين بعض , اعتقد انو الاغلبية مثقفة ومدام احنا واعيين ما بيصير الا كل خير , لكن انو نطلق احكام واحنا مش عارفين الموضوع خيرو من شرو هاي معيبة بحقنا كلنا .
رح اقلك موقف صار امامي باحد الاماكن , كان في اجتماع لمقاطعة المنتجات الصهيونية والأمريكية وصار حوار طويل عريض علشان تنحط القائمة تبعت المنتوجات الي يتم مقاطعتها , فاحد الشباب رفع ايدو متحمس بدو يحكي وقال : يا اخوان احنا لازم نقاطع الببسي ونشرب كوكاكولا .... الموقف هون متشابه بالضبط للناس الي بتناقض نفسها .
اخوي انا متقبلة وجهة نظرك وحقك تحكيها وبعرف انو المعظم بيحكي من خوفو علينا والقلة القليلة تهاجم لأجل الهجوم فقط , ويا اخوي انا طول الوقت بالنادي لذلك بعرف شو بيصير بالغرف المغلقة وكيف بيتآمرو على بعض وشو بيحكو على بعض انا مش غريبة عن هاي الاجواء واحنا جايين لنحسن الوضع مش لنهين بعض , اعتقد انو الاغلبية مثقفة ومدام احنا واعيين ما بيصير الا كل خير , لكن انو نطلق احكام واحنا مش عارفين الموضوع خيرو من شرو هاي معيبة بحقنا كلنا .
رح اقلك موقف صار امامي باحد الاماكن , كان في اجتماع لمقاطعة المنتجات الصهيونية والأمريكية وصار حوار طويل عريض علشان تنحط القائمة تبعت المنتوجات الي يتم مقاطعتها , فاحد الشباب رفع ايدو متحمس بدو يحكي وقال : يا اخوان احنا لازم نقاطع الببسي ونشرب كوكاكولا .... الموقف هون متشابه بالضبط للناس الي بتناقض نفسها .
احترامي الك وللجميع
ههههههههه
أظن هذا ما يريدونه و يراهنون عليه
أن نشتبك في ما بيننا لأنه اتحادنا هو ضعفهم
و طابت ليلتك
بغض النظر عن الاختلاف الحاصل بين الاخوة والاخوات بخصوص مسألة عضوية الانثى ولكني ارفع القبعة لهن على رفضهن للواقع المرير الذي يعيش فيه نادينا وعملهن بكل ما ملكن من قوة على تغيير هذا الواقع وكانت البداية هي تقديم طلبات العضوية بعكس البعض الذين يلا ينفكون عن رفع الشعارات والتنظير من خلف الكيبورد وانا اعترف انا اولهم
كل التوفيق للاخوات وان شاء الله تلقى مطالبهن صدى في اروقة النادي او المجلس الاعلى
نقطة اخرى وهي مسألة الزعران في المخيم للأسف مسألة الزعران في المخيم قضية شائكة والمتضررين من هذه المسألة هي اهل المخيم ,, اذكر في احدى المحاضرات في الجامعة قامت الدكتورة بتوبيخ الطلبة وقالت لهم ( ما بدي حد يطقس ع البنات وما بدي اللي بتشوفوه بشوارع المخيمات تنقلوه لعنا ) ,,, للأسف هذه الصورة المنقولة لمعظم من هم خارج المخيم
النقطة الاهم للاسف اقولها المخيم مش زي زمان