والله يا اخي كلامك على راسي
وانا دافعت عنه في اكثر ردودي في بعض الاعضاء عنجد شغل تفلسف يعني بدكم اداء وخساره لا انا بهمني النقاط الثلاث والدوري اهم من الاداء
انا بشد على ايدك ويأيد كلامك مية بالمية لانو هون كتير ناس بالمنتدى بكتبو من باب شوفيني يا خالة معاهم معاهم عليهم عليهم .... اذا الفريق فاز برفعوا للسما واذا الفريق ادى مستوى متواضع بنزلو لتحت الارض ما بعرف ليش ؟ ودائما نظرة الشخص للفريق اللي بحبو لازم تكون بشكل عام مش على مستوى مباراة او مباراتين لانو ما في فريق بالدنيا كلها بلعب كل مبارياتو بنفس المستوى الا ما الفريق يمر بظروف صعبة تغير من اسلوبو وطريقة لعبو واحنا في ظل الهجوم على الوحدات من قبل الدرك والاتحاد والحكام وغيرهم لازم نكون احنا كجماهير خلف فريقنا ونشد على ايدهم ونكون المساند الاول والحقيقي والخلاصة اذا الفريق في طريقة لتحقيق رباعية جديدة ان شاء الله بنلاقي علي كل هالحكي كيف لو لا سمح الله ما اخذ شي !!! ؟؟؟؟ وعلى قولة الشوالي العبرة بالخواتيم
يا غالي الف شكر اللك ...وانا كمان بشد علي ايدك من اجل احترام المدير الفني للوحدات وعدم السخريه منه ومن انجازاته مع الوحدات..وانتقادم بشكل حضاري ومنطقي وليس لمجرد الانتقاد..
شكرا لموضوعك
لكن يا غالي نحن هنا نحب الوحدات ولا يحق لك المزاودة علينا بحب الوحدات ولا يحق لاي شخص اتهام الاخرين بمجرد نقدهم للمدرب المدرب فاز باغلب المباريات ولكن لم يقدم ما يشفع له ولم يقدم وحدات كاسح وكلنا يعرف المستوى الفني للاندية الاردنية هل تسمى فوز على فريق مثل كفر سوم او غيره بفارق هدف انجاز
كلنا نحب الوحدات وننتقد ليس لمجرد النقد بل ننتقد من شدة حبنا للوحدات سواء كنا خلف الكيبورد او بالمدرجات او في قلب النادي فكلنا الوحدات ولا يجوز لاحد المزاودة على احد بحب الوحدات
اخ عامر انا ما بزاود على حدا في حب الوحدات كلنا اخوان انشالله لكن انت لو بتراجع المواضيع والمشاركات في انتقاد دراغان تجد معضمها غير ومنطقي ولمجرد ان انا بنتقد ...
وكلامك "المدرب فاز باغلب المباريات ولكن لم يقدم ما يشفع له " ممكن تعربها وشكرا
شكرا كثير لكلامك الرائع اخي الكريم اللي بشوف انو في مكانه و توقيته السليم
راح احكي مثل ما حكيت قبل هيك لما قرييت مواضيع الانتقاد الزايده عن حدها و اللي مش بوقتها قبل مباراه فريقنا مع الطلبة
لنفرض مثلا انو الوحدات بلعب كره من زمن ثاني بس مش متصدر الدوري او ما بحقق النتائج المطلوبه او ما حقق بطولتين شو راح يكون كلام اغلب الشباب
انا متاكد انو الاغلبية راح تحكي ما بدنا اداء بدنا نتائج و بطولات
اكيد الاداء مهم بس مين اهم الاداء و لا النتيجة اكيد النتيجة اهم
لانو بكل بساطة يذهب الاداء و تبقى النتيجة
مثال بسيط
منتخب هولندا قدم الكرة الشامله للعالم و اداء هذا المنتخب يعد من الافضل بالعالم
بس هل اسم منتخب هولندا موجود في قائمة ابطال كاس العالم
طبعا لا
في حدا منكم سمع لما معلق يحكي عن ابطال كاس العالم اسم منتخب هولندا
طبعا لا
هل يرضيكم ان يكون الوحدات يقدم اداء خلاب و ما يحقق بطولات؟
مره فالدوري الايطالي كان يوفينتوس متصدر الدوري و في مرحة الاياب نزل مستوى الفريق و اداءه لما سالو مارشلو ليبي قال النتيجة اهم من الاداء
منتخب ايطاليا فاز اربع مرات بكاس العالم بس ما كان الافضل باداءه في جميع المرات اللي فاز فيها
بس مع هيك منتخب ايطكاليا ثاني منتخب من حيث الفوز بالقاب كاس العالم
لو فرضنا انو برشلونه ما حقق بطولات هذا الموسم مع انو افضل فريق بلعب في العالم بحكي هذا الكلام مع اني مدريدي
هههههههههه
ما حدا راح يرحمهم
من ق الجميع الانتقاد
بس لازم نتخار الوقت المناسب
اخواني حابب اتجاوبوني على سؤالي
كم عدد المواضيع اللي نزلت عشان انتقاد الفريق و المدير الفني و كم عدد المواضيع اللي نزلت لرفع المعنويات قبل مباراه الطلبة
تحياتي للجميع
السلام عليكم جميع
مشكلتنا يا ولاد خالتي انه بنظل نحكي بالمشكلة .. بنحكي دراجان مفلس كرويا وفنيا .. بنحكي الفريق أداءه متدني .. بنحكي وبنحكي وبنحكي .. وبدنا مين يسمع .. طيب وين الحلول ؟؟!!! ليش بنوجع روسنا بالمشكلة وما بندور على حل ؟؟ بشكل عام من الخطأ أنه الإنسان يظل يفكر بالمشكلة ويحكي فيها كثير لأنه بضخمها .. وكلنا اخوان هون وحبايب والخلاف لا يفسد للود قضية .. دراغان عنده مشكلة ؟؟!! لنفرض ونقول يمكن .. لكن صار الموسم بده يخلص .. والبطولات قاب قوسين أو أدنى في جعبة ماردنا الأخضر .. الاستحقاق الأسيوى بدأت طبوله تقرع .. نقول لدراغان باي باي ونتعاقد مع غيره ؟؟!! زي ما عمل المنتخب السعودي عند أول خسارة بدل مدرب ؟؟!! أكيد مش هاد الحل اطلاقا .. لنرفع الأيدي متكاتفة .. ولنهتف وراء نجومنا .. الله أكبر .. الكأس أخضر .. الله أكبر الدوري أخضر .. وبإذن الله بروح لاعبينا القتالية سنحقق الآمال
والله يا اخي كلامك على راسي
وانا دافعت عنه في اكثر ردودي في بعض الاعضاء عنجد شغل تفلسف يعني بدكم اداء وخساره لا انا بهمني النقاط الثلاث والدوري اهم من الاداء