يعني لما حكوا عنا مصالح شخصية .. ما رديت على حدا .. اما لما رديت انا .. انت زعلت سبحان الله ... مافي داعي حدا يحكي ويوزع انتماءات للناس كل واحد فيه الي مكفيه ..
وعشان هيك من لما انت شجعت الوحدات عمرك شفت انقسام بين الجمهور واللاعبين زي ها الفترة ...
فرحت كثير والله لما سمعت الجمهور بيهتف لأبو زمع ...
والفرحة العفوية الرائعة بعد المباراة مع اللاعبين والمدربين
كانت أكبر دليل على أننا جمهور عاطفي سريع الانفعال
وبالمقابل طيب وحليم وكبير وسريع الرضا ♥
الله ينصر الوحدات ويديم الحدات
ويحفظ الوحدات واهله يا رب
كيف يعني الغالبية الساحقة؟
ما عجبتك "كلمة البعض" فاستبدلتها "بالغالبية العظمى"؟
نفس الانتقاد و التشكيك في مشاركة الأخ بيمشي عليك برضه ...
على نفس الميزان، استطيع ان أقول ان الغالبية الأعظم من الجماهير ولا عارفة ولا عندها خبر مين ابو زمع ولا الجهاز الفني ولا حتى أسامي اللعيبة. الغالبية الأعظم من الجماهير بسيطه و بدها الفوز. مش عارفة ولا فارقة عندها لا راس حربة ولا ظهير ولا حتى قلب دفاع ولا تكتيك ولا 443 او 1234
.
الظاهر انك غير متابع لآراء "الغالبية الساحقة" في هذا الموقع و جميع المواقع الاخرى او حتى على المدرجات حتى ترد هكذا رد ...
السلام عليكم جميعآ
للتوضيح انا لما احكي البعض بهاجم ابو زمع لاسباب شخصيه
بعرف شو بحكي وما بقصد الجميع ،،للأسف وهي حقيقة مهاجمه ابو زمع من البعض
لامور تتعلق بطارق خوري وزياد شلبايه وبدهم ابو زمع يكون كبش الفداء
يا اخوان اقسم بالله ما في اي مصلحة لي مع ابو زمع او غيرو نهائي
ويمين احاسب عليه اتحدى تحدي اذا زياد شلبايه او طارق خوري بتدخلو
في ابو زمع والي عنده دليل يقدمو ،،ومرة ثانية انا بعتذر من الجميع لكن كان
كلامي للبعض وهم عارفين حالهم وعارفين ليش كل هالهجوم على ابو زمع
بصراحه تاثرت كثيرا بفرحة ابو زمع و عثمان و احسست اننا ظلمناه لكن نحن بحاجه لنتائج لا ادري فكان الله بعون الجميع فالكل ضائع بين مطرقة البطولات و سندان التجديد
عن نفسي و هاظ رأي
ان يكون في كادر التدربية في نادي الوحدات
مدير فني ناصر حسان
مدير الفريق رأفت علي
مدرب الحراس عثمان برهومة
مدرب لياقة دكتور الكيلاني
رايح تشوف فريق من نار يا حبيبي من نار السنة القادمة
والله جمهور الوحدات جمهور عاطفي، ايش يعني اذا دمعوا، آذى ابوزمع بحب الوحدات زي هشام عبد المنعم زي جمال محمود زي كل انسان بحب الوحدات بس هذا مش معناه انو انسان قادر انو يدرب الوحدات، ما تخلطوا بين العاطفة والقوة والقدرة على العمل، بالله عليك بدي أسالك بالله عليك مش حرام علينا انو ندمع على مباراة مع فريق زي العربي، الفريق اللي كان اذى طلع خسران معانا ٣ صفر كان يكون مبسوط، بالله عليك هذا الفريق مع هالمدرب اللي بفوز على العربي بدعاء الوالدين بقدر يلعب مع فريق زي الكويت الكويتي او اي فريق سعودي اي آذى مش قادرين نفوز على فرق زي العربي والصريح كيف بكرة بدنا نلعب في بطولة اتحاد اسيا او ابطال اسيا، بكفي عاطفة كونوا واقعيين شوي.... ازى ابو زمع دمع بنفس الوقت كم واحد من جمهور الوحدات دمع وبكى من تخبيص ابوزمع، بكفي كونوا واقعيين، ازى بتحكوا انو ابن النادي، اوكي يا عمي هشام ابن النادي و عندوا خبرة احسن، خلص روحوا شبه المدرب ابو زمع وحطوا ابن النادي الثاني هشام عبد المنعم، ولا الوحدات بفرق بين ابناءه، بكفي عنجد مش فاهم شو الواسطة تبعت ابو زمع
الوحدات خسر مع العربي وهشام كان يدربو وخسر من العربي و محمد عمر كان يدربو
بصراحة احنا معاهم معاهم وعليهم عليهم
يا اخوان ابو زمع على راسي من فوق ولكن لنكن واقعيين ابو زمع لا يصلح لتدريب الوحدات
نلعب بدون خطة وبدون روح يا خسارة على هيك وحدات
الحسنة الوحيده لابو زمع انو طلع جيل جديد اذا تم المحافظة عليهم بيكفونا عشرة سنوات قادمة
الوحدات خسر مع العربي وهشام كان يدربو وخسر من العربي و محمد عمر كان يدربو
عربي الموسم الماضي غير هذا الموسم بكثير واسال المدرب ماهر البحري ويوسف الرواشدة وسعيد مرجان والفيصلي ايضا غير واسال اشرف نعمان وعبدالهادي المحارمة وخليل بني عطية؛ وشباب الاردن ايضا غير واسال مدربهم الروماني وكابالينغو ومعتز ياسين وايضا الرمثا واسال المدرب بلال اللحام والقصاص وامانغوا ومصعب اللحام.....بعكس الوحدات الذي كان هذا الموسم بعكس الموسم الماضي ف 4 محترفين بمبلغ يفوق 150 الف دينار بالاضافة الى عودة الذيب عامر والحسون وتفرغ اللعيبة االشباب 8 من المنتخب الاولمبي وفترة الاعداد الطويلة التي حصل عليهاابوزمع فعلى الوحدات ان ينهي هذا الموسم من مرحلة الذهاب...