الوحدات أكبر من طارق خوري وأبو زمع وشلباية وغيره ,, طارق عتبان جدا وهو حقه على غياث وما نزله عالفيس ,, طارق فند لأبو زمع طلبه لشلباية مع العلم أن باب التعاقدات تسكر ومشوله صفقة البهداري فوق البيعة وشهد عليه أعضاء مجلس الادارة بأن باب التعاقدات أغلق لما فتح عليه السبيكر بأجتماع مجلس الأدارة ,, مش من المنطق ولا هكذا يكون رد الجميل لأدارة النادي بعد أن دعمتك لموسم كامل وتمسكت بك مرتين مع كل ما تعرضت له من شتائم من تحت راسك الموسم الماضي أن ترد الجميل بالتلويح بالأستقالة وتتشرط على مجلس ادارة كامل بعودة شلباية أو الأستقالة !!
طيب مادام التعقدات سكرت ليش ما وافقت الادارة علي التعاقد مع البهداري وعلي حساب لاعب شاب اسمة منذر رجا
مع العلم ايظا البهداري كان حاط الوحدات علي الرف
بأختصاااار ,, أبو زمع ما بدوش شلباية بس بعد القعدة بالفندق أبو زمع انحرج من شلباية وتاريخ شلباية وتعاطف مع وضعه تحت ضغط جماهيري طبعا ووافق على رجعته ,,
بعيدا عن العاطفة ابو زمع ورغم قلة الخبرة وضعف التكتيك و سوء استخدام وتوظيف اللاعبين لكنه بتعلم وبحاول انو يلاقي التوليفة وهاد بين في اخر الموسم الماضي ابو زمع انتى قرارتك قي الملعب بتدخل فيها كثير ناس حتى معالج الفريق بتدخل بس في عندك فكر رائع انك بتحاول تبني فريق يعني بالمحصله ابو زمع فايدنا احسن من مدرب اجنبي والي بدو يحكي دراغان واكرم سلمان فدراغان وينو هسه وسو عمل مع الكويت الكويتي
واكرم سلمان مدرب مندفع ومتهور والحظ والأسماء الي كانت عنده ساعدته كثير للأمانة ما يميز ابو زمع قدرته على اثراء النادي وخفض معدل اعمار اللاعبين يعني اي مدرب راح يجي راح يستلم فريق جاهز.
شلباية لاعب عظيم وافضل مهاجم وقناص بس زعتره افضل منو وماليك ممتاز مع الوقت سيكون مفتاح الفوز وبهاء فيصل لا يصلح كمهاجم صريح وابو كبير مش مهاجم صريح يعني احنا بحاجة للاعب كهاجم ثالث يتميز بامتلاكه لعنصر الخبرة وهذا يتوفر في شلباية
اخيرا طارق خوري وادارة الوحدات الملزقه النادي مش ورثه من ابوكم توزعوها على بعض والمحترفين الي بتحكي عنهم السنة الماضية انتىوعزت حمزة الي فرضتوهم على ابو زمع فبشرفك يا طارق الخورى لا تستخف بعقولنا..
طيب مادام التعقدات سكرت ليش ما وافقت الادارة علي التعاقد مع البهداري وعلي حساب لاعب شاب اسمة منذر رجا
مع العلم ايظا البهداري كان حاط الوحدات علي الرف
وافقت عشان أبو زمع ودلال زايد لأبو زمع وهذا دليل انه فعلا الأدارة ما اتدخلت ولبت كل مطالب أبو زمع ,, بعدين هاي النقطة بتدين أبو زمع أكثر من مجلس الأدارة يا لورد ,, يعني طالما عندك شاب مميز اسمه منذر رجا ليش تنسب بدك البهداري من الأساس ؟
وافقت عشان أبو زمع ودلال زايد لأبو زمع وهذا دليل انه فعلا الأدارة ما اتدخلت ولبت كل مطالب أبو زمع ,, بعدين هاي النقطة بتدين أبو زمع أكثر من مجلس الأدارة يا لورد ,, يعني طالما عندك شاب مميز اسمه منذر رجا ليش تنسب بدك البهداري من الأساس ؟
طب ما دام الامر زي ما حكى طارق خوري انه شلبايه اعطيناه اكثر من فرصه عشان يرجع للوحدات
ليش اخر مره حول الامور للمدير الفني ؟!!!
ليش ما اعطى شلبايه جواب انه لا مكان لك في الوحدات ؟!!!!
انا عارف الجواب .......
لانه طارق خوري اناني وما بده يبين امام الجمهور انه صاحب قرار ابعاد شلبايه عن الفريق ولبسها لابوزمع و انا متأكد انه في ناس لعب براس ابو زمع عشان ما يرجع شلبايه عالفريق ولكن بعد ما ابو زمع انتبه للعبه و المؤامره غير رأيه وهون بدأت المشكله
بس السؤال القوي ليش خوري ما بده يرجع شلبايه ؟!!!!
انا المتأكد منه انه السبب ليس فنيا وليس وجود اكثر من لاعب بنفس المركز و ليس بسبب تردد اللاعب بالتوقيع والدليل واضح قبوله فنيا من ابوزمع و دليل السبب الثاني هو طارق خوري نفسه رجع عبدالله ذيب بعد ما عمل مشاكل اكبر بكثير من شلبايه و عمايل عبدالله ذيب لا تقارن مع شلبايه
اذا ما هو السبب الحقيقي ؟!!!!!
الجواب عندي بس حاب تفكروا فيه .....
اه صحيح الجواب كمان عند طارق خوري
بأختصاااار ,, أبو زمع ما بدوش شلباية بس بعد القعدة بالفندق أبو زمع انحرج من شلباية وتاريخ شلباية وتعاطف مع وضعه تحت ضغط جماهيري طبعا ووافق على رجعته ,,
لأ طبعا ,, الخطأ على المدير الفني ,, يعني هندك باسم وعمر طه والمطالقة ومنذر رجا والباشا وفراس شلباية ,, كمدير فني ليش تطلب تعاقد البهداري ؟؟
الأدارة وظيفتها تلبي مطالب الجهاز الفني وبالفعل وافقوا على تعاقد البهداري بس وصلولوا رساله انه لهون وبس بكفي لاعبين ,, والدليل انه طارق خوري اضطر يفتح السبيكر قدام مجلس الأدارة ويقولوا هاي أخر تعاقد ورد أبو زمع بالأيجاب ,, حتى يبعد طارق خوري عن حاله تهمة انك كل طلبات أبو زمع أوامر لحد ما صار بده يتعاقد مع كل لعيبة البلد ,, صدقني يا لورد اني بحب أبو زمع وبتمنى يسير أحسن من مورينيو وجوارديولا بس صدقا وللأمانة موقفه هاي المرة ضعيف جدا جدا ,, واستقالته رح تضره أكثر بكثييييير من أي ضرر عالوحدات يعني الأمور مش بصالحه ,, بالنهاية اللعيبة محترفين وبوخذوا رواتب من النادي ومعه أو مع غيره رح يضطروا يمشوا ,, والوحدات عنده فرصه خيالية للسيطرة عالألقاب 3 سنين بالراحة ,, حرام ييجي مدرب ثاني يوخذ هالأنجاز وينسبوا لحاله بعد كل تعب أبو زمع ,, بتمنى انه يفكر صح ويحسبها مزبوط
والله يا أبو بكر كثر الدلال بخرب أكثر ما بعمر ,, يعني ابنك لما تدلله زيادة بركن كل طلباته أوامر وهذا اللي صار مع أبو زمع لحد ما حط حاله بموقف صعب بعد ما سحب منه خوري الكرت الأخضر .. يعني تحديت الجماهير بأكثر لاعب جماهيري الموسم الماضي ( رأفت ) خلص بضل على موقفي وبرفض رجعة شلباية وخليه يروح عالرمثا مثلا ما خربت الدنيا وخصوصا انه بحالة شلباية الحق على شلباية من الاساس !!